Videos
တရုတ်-အမေရိကန် ဆက်ဆံရေး အကောင်းဘက်သို့ဦးတည်ဖွံ့ဖြိုးလာကြောင်း ဝမ်ရိပြော
ပေကျင်း ၊ မတ် ၈ ရက်(ဆင်ဟွာ)
တရုတ်နိုင်ငံ နိုင်ငံခြားရေးဝမ်ရိက တရုတ်-အမေရိကန် နှစ်နိုင်ငံဆက်ဆံရေးသည် အကောင်းဘက်သို့ဦးတည်ဖွံ့ဖြိုးလာနေကြောင်း နှင့် ပုံမှန် အခြေအနေကူးပြောင်းလာနေကြောင်း ယနေ့(မတ်လ ၈ ရက်)တွင် ပြောကြားလိုက်သည်။
“အပြန်အလှန်လေးစားခြင်းနဲ့Win-Win အနေအထားပူးပေါင်းဆောင်ရွက်ခြင်း၊ ပဋိပက္ခနဲ့ထိပ်တိုက်ရင်ဆိုင်ရေးကို ရှောင်လွှဲခြင်း စတဲ့အချက်တွေကို လိုက်နာကျင့်သုံးပြီး သမ္မတနှစ်ဦးကြားမှာ ပြည်သူတွေရဲ့ သဘောထား ဆန္ဒအတိုင်း ဖြစ်ပေါ်လာအောင် ကျနော်တို့ပြုမူဆောင်ရွက်နေပါတယ်။ ဘာကြောင့် အမေရိကန်နိုင်ငံနဲ့တရုတ်နိုင်ငံဟာ ထူးကဲကောင်းမွန်တဲ့ မိတ်ဖက်နိုင်ငံတွေ ဖြစ်မလာရသလဲ ဆိုတာကတော့ အကြောင်းပြချက်မရှိပါဘူး” ဟု တရုတ်နိုင်ငံ၏ နှစ်ပတ်လည် လွှတ်တော်အစည်းအဝေး တစ်နေ့တာ ဆွေးနွေးမှုအပြီး ပြုလုပ်သော သတင်းစာရှင်းလင်းပွဲတွင် ဝမ်ရိက အထက်ပါအတိုင်းပြောကြားခဲ့ခြင်းဖြစ်သည်။(Xinhua)