အမေရိကန်နိုင်ငံ သမ္မတ ဒေါ်နယ်ထရမ့် နှင့် စင်ကာပူနိုင်ငံ ဝန်ကြီးချုပ် လီရှန်လွန်းတို့ တွေ့ဆုံ

စင်ကာပူ၊ ဇွန် ၁၁ ရက် (ဆင်ဟွာ)

အမေရိကန်နိုင်ငံ သမ္မတ ဒေါ်နယ်ထရမ့်သည် စင်ကာပူနိုင်ငံ ဝန်ကြီးချုပ် လီရှန်လွန်းနှင့် ဇွန်လ ၁၁ ရက်တွင် တွေ့ဆုံခဲ့သည်။သမ္မတ ဒေါ်နယ်ထရမ့်သည် မြောက်ကိုရီးယားနိုင်ငံ ခေါင်းဆောင် ကင်ဂျုံအန်နှင့် ဇွန်လ ၁၂ ရက်နေ့၌ စင်ကာပူနိုင်ငံ ဆန်တိုဆာကျွန်းရှိ Capella ဟိုတယ်တွင်ထိပ်သီးအစည်းအဝေး ပြုလုပ်ရန် စင်ကာပူနိုင်ငံသို့ ဇွန်လ ၁၀ ရက် ညပိုင်းက ရောက်ရှိခဲ့ကြောင်း သိရသည်။မြောက်ကိုရီးယားနိုင်ငံ ခေါင်းဆောင်ကင်ဂျုံအန်ကလည်း ထိပ်သီးအစည်းအဝေး တက်ရောက်ရန်အတွက် ဇွန်လ ၁၀ ရက် အစောပိုင်းက စင်ကာပူနိုင်ငံသို့ ရောက်ရှိလာခဲ့ပြီး စင်ကာပူနိုင်ငံ ဝန်ကြီးချုပ် လီရှန်လွန်းနှင့် တွေ့ဆုံခဲ့သည်။ (Xinhua)