စက်ရုပ်များက တည်ခင်းဧည့်ခံသည့် စက်ရုပ်စားသောက်ဆိုင်

ကွမ်ကျိုး၊ ဇန်နဝါရီ ၂၄ ရက်(ဆင်ဟွာ)

တရုတ်နိုင်ငံ ကွမ်ကျိုးမြို့တွင် စက်ရုပ်စားသောက်ဆိုင်တစ်ဆိုင်ကို ဖွင့်လှစ်ထားရာ မီးဖိုချောင် ချက်ပြုတ်ကြော်လှော် စားပွဲထိုး စသည့် တစ်ဆိုင်လုံးနီးပါး အလိုအလျောက်စနစ်သုံး စက်ရုပ်များဖြင့်သာ တည်ခင်းဧည့်ခံသောကြောင့်စားသုံးသူများအလွန် စိတ်ဝင်တစ်စားလာရောက်စားသုံးကြကြောင်းသိရသည်။ စားသောက်ဆိုင်တွင်လာရောက်စားသုံးသူများက အစားအသောက်များကိုtablet များမှ တစ်ဆင့် အော်ဒါမှာယူရပြီးနောက် စက်ရုပ်အမျိုးအစားပေါင်း ၄၆ မျိုးက ချက်ပြုတ်ပို့ဆောင်ပေးခြင်းဖြစ်သည်။ယခု video မှာ စက်ရုပ်စားသောက်ဆိုင်၏ အစားအသောက်ချက်ပြုတ်ပြင်ဆင်ပုံနှင့် စားသုံးသူများထံပို့ဆောင်ပုံအဆင့်ဆင့်တို့ကို ရိုက်ကူးတင်ဆက်ထားသည့်ရုပ်သံဖိုင်ဖြစ်ပါသည်။(Xinhua)