ပန်ဒါ မိသားစုမွေးနေ့ပွဲဆင်နွှဲ

မလေးရှား၊ သြဂုတ် ၂၅ ရက် (ဆင်ဟွာ)
မလေးရှားနိုင်ငံ အမျိုးသားတိရစ္ဆာန် ဥယျာဉ်တွင် သြဂုတ်လ ၂၃ ရက်နေ့က ပန်ဒါလေးရှန်းရှန်း နှင့် လျောင့်လျောင် တို့၏ ၁ဝ နှစ်ပြည့်မွေးနေ့ကို တိရစ္ဆာန် ဥယျာဉ်ဝန်ထမ်းများနှင့်တကွ ဧည့်သည်ရာပေါင်းများစွာတို့က ကျင်းပပေးခဲ့ကြသည်။ အဆိုပါ ပန်ဒါလေး ၂ကောင်ကို ၂ဝ၁၄ ခုနှစ်တွင် တရုတ်နိုင်ငံက မလေးရှားနိုင်ငံနှင့် နှစ်ပေါင်း ၄ဝ တိုင် သံတမန်ဆက်ဆံရေး တည်တံ့ခိုင်မြဲခြင်းအထိမ်းအမှတ်အဖြစ် ငှားရမ်းပေးပို့ထားခြင်းဖြစ်သည်။
အဆိုပါအခမ်းအနားကိုလည်း သြဂုတ်လ ၁၈ ရက်နေ့တွင် ၁နှစ်ပြည့် မွေးနေ့ကျရောက်ခဲ့သည့် ၎င်းတို့၏ ရင်သွေး ပန်ဒါမလေး နွမ်းနွမ် ၏ရှေ့တွင် ကျင်းပပေးခဲ့ခြင်းဖြစ်သည်။
ပန်ဒါလေးများ၏မွေးနေ့ကိုဂုဏ်ပြုသောအားဖြင့် တိရစ္ဆာန် ဥယျာဉ်သို့ လာရောက်သည့် မွေးနေ့တူ ဧည့်သည်တော်များကို ဝင်ကြေးကင်းလွတ်ခွင့်ပြုခဲ့ကြောင်းသိရသည်။ (Xinhua)