ဘရာဇီး သမ္မတသစ် ကျမ်းသစ္စာ ကျိန်ဆို

ဘရက်ဇီလျာ၊ စက်တင်ဘာ ၁ ရက် (ဆင်ဟွာ)
ဘရာဇီးနိုင်ငံ သမ္မတဟောင်း ဒီလ်လာ ရူးဆက်ဖ်အား စွဲချက်တင်ပြီးနောက် နာရီပိုင်းအကြာတွင် ဒုတိယ သမ္မတလည်း ဖြစ်၊ နိုင်ငံရေး ပြိုင်ဘက်လည်း ဖြစ်သူ မစ်ရှဲ တီမာ (Michel Temer) က သမ္မတအဖြစ် ကျမ်းသစ္စာ ကျိန်ဆိုလိုက်သည်။
တီမာသည် ဘရာဇီး သမ္မတဟောင်း ဒီလ်လာ ရူးဆက်ဖ် တရား စွဲဆိုခံရပြီးနောက် ယာယီ သမ္မတအဖြစ် မေလ ၁၂ ရက်က တရားဝင် လွှဲပြောင်းယူခဲ့သူ ဖြစ်သည်။
လွှတ်တော်အတွင်း အထူး အစီအစဉ်အနေဖြင့် အမျိုးသား သီချင်း တီးခတ်ပြီးနောက် တီမာက ကျမ်းသစ္စာ ကျိန်ဆိုခဲ့သည်။ တရားသူကြီးချုပ် ရီကာဒို လီဝမ်ဒိုးစကီး၊ လွှတ်တော် ဥက္ကဋ္ဌ ရီနန် ကယ်လ်ဟီရိုစ်နှင့် လက် ထောက် ရှေ့နေများ ဥက္ကဋ္ဌ ရိုဒရီယို မီယာ တို့၏ ရှေ့မှောက်၌ တီမာက ကျမ်းသစ္စာ ကျိန်ဆိုခဲ့ခြင်း ဖြစ်သည်။
တီမာသည် ၂၀၁၈ ခုနှစ် ဒီဇင်ဘာလ ၃၁ ရက်နေ့အထိ သမ္မတ တာဝန် ထမ်းဆောင်မည် ဖြစ်သည်။
(Xinhua)