Videos
၂၀၁၆ ခုနှစ် တက္ကသိုလ်ဝင် စာမေးပွဲတွင် သိပ္ပံဘာသာတွဲမှ အမှတ်အမြင့်ဆုံး အဖြစ် ၅၆၂ မှတ် ရရှိ
ရန်ကုန် ၊ ဇွန် ၁၁ ရက် (ဆင်ဟွာ)
နိုင်ငံတစ်ဝန်းလုံးတွင် ၂၀၁၆ ခုနှစ် တက္ကသိုလ်ဝင် စာမေးပွဲ အောင်စာရင်းအား ထုတ်ပြန်ခဲ့ရာတွင် ၆ ဘာသာ ဂုဏ်ထူးဖြင့် အမှတ်အများဆုံး ရရှိမှုမှာ သိပ္ပံဘာသာတွဲမှ ဖြစ်ပြီး ရမှတ် အမြင့်ဆုံးအဖြစ် ၅၆၂ မှတ် ရရှိခဲ့ကြောင်း မြန်မာနိုင်ငံ စာစစ် ဦးစီးဌာနမှ သိရသည်။
တက္ကသိုလ်ဝင် စာမေးပွဲတွင် သိပ္ပံဘာသာတွဲဖြင့် ၆ ဘာသာ ဂုဏ်ထူးရှင် ၁၀ ဦးအနက် ရမှတ် အမြင့်ဆုံး အဖြစ် ၅၆၂ မှတ်ဖြင့် အများဆုံး ရရှိခဲ့ပြီး ဝိပ္ပံဘာသာတွဲဖြင့် အမှတ် အများဆုံး ရရှိသူ ဂုဏ်ထူးရှင်များအနက် ရမှတ် အမြင့်ဆုံးမှာ ၆ ဘာသာ ဂုဏ်ထူးဖြင့် ၅၄၇ မှတ်ဖြင့် အများဆုံး ဖြစ်ကြောင်း ၊ ဝိဇ္ဇာဘာသာတွဲဖြင့် အမှတ် အများဆုံး ရရှိသူ ဂုဏ်ထူးရှင်များ အနက် ရမှတ် အမြင့်ဆုံးမှာ ၄ ဘာသာ ဂုဏ်ထူးဖြင့် ၄၉၁ မှတ်ဖြင့် အများဆုံး ရရှိခဲ့ကြောင်း သိရသည်။
ယခု ၂၀၁၆ ခုနှစ် တက္ကသိုလ်ဝင် စာမေးပွဲတွင် ဖြေဆိုသူ ၆၃၆,၂၃၇ ဦးရေ ရှိသည့် အနက် အောင်မြင်သူ ၁၉၀,၃၈၈ ဦး ရှိခဲ့ပြီး ဘာသာအလိုက် ဂုဏ်ထူး ပါရှိမှုမှာ ၆ ဘာသာ ဂုဏ်ထူး ပါရှိသူ ၈၉၃ ဦးသာ ရှိပြီး စုစုပေါင်း ဂုဏ်ထူးဖြင့် အောင်မြင်သူ ၄၇,၀၂၄ ဦး ရှိကြောင်း သိရသည်။
ထို့ပြင် စာမေးပွဲ ဖြေဆိုသူ ဦးရေမှာ များပြားသော်လည်း အောင်မြင်မှု ရာခိုင်နှုန်းမှာ ယခင်နှစ်ကထက် နည်းပါးပြီး ယခုနှစ်တွင် ၂၉.၉၂ ရာခိုင်နှုန်းသာ ရှိနေကြောင်း သိရသည်။ (Xinhua)