Videos
ရိုးရာ လက်ဝှေ့ပြိုင်ပွဲမှ ဝိတ်တန်းအလိုက် ရွှေအောင်လံဆုရှင် လေးဦးထွက်ပေါ်
ရန်ကုန်၊ ဇွန် ၁၉ ရက် (ဆင်ဟွာ)
ဝါရင့်လက်ဝှေ့ကျော်များအပြင် မျိုးဆက်သစ်ကစားသမားများပါဝင် ယှဉ်ပြိုင်ကြသည့် ရွှေအောင်လံ မြန်မာ့ရိုးရာ လက်ဝှေ့ပြိုင်ပွဲ ဗိုလ်လုပွဲ ပွဲစဉ်များကို ဇွန် ၁၈ ရက်က သိမ်ဖြူလက်ဝှေ့အားကစားရုံ၌ ကျင်းပခဲ့သည်။ ဗိုလ်လုပွဲစဥ်များ ယှဉ်ပြိုင်ကစားမှု အပြီး ၅၇ ကီလိုတန်းတွင် သွေးလင်းထက်(ဒေါနတောင်ခြေ)၊ ၆၀ ကီလိုတန်းတွင် သန့်စင်(တော်ဝင်ဧရာ)၊ ၆၃.၅ ကီလိုတန်းတွင်စိန်လုံးချော(အောင်နိုင်သူ) နှင့် ၆၇ ကီလိုတန်းတွင် ထက်နိုင်အောင် (ပင) တို့က အသီးသီး အနိုင်ရရှိခဲ့ကာ ဝိတ်တန်းအလိုက် ရွှေအောင်လံဆုရှင်များကို ဆွတ်ခူးရရှိခဲ့ကြောင်း သိရသည်။ (Xinhua)
