ကမ္ဘာ့ဘဏ်အုပ်စု ဥက္ကဋ္ဌက စားနပ်ရိက္ခာအကျပ်အတည်းသည် လာမည့်နှစ်အထိ ဆက်ရှိနေနိုင်ကြောင်း သတိပေးပြောကြား

ဝါရှင်တန်၊ ဧပြီ ၂၁ ရက် (ဆင်ဟွာ)

ရုရှား-ယူကရိန်း ပဋိပက္ခကြောင့် ကမ္ဘာ့စားသောက်ကုန်ဈေးနှုန်းမြင့်တက်လာကာ အဆင်းရဲဆုံး လူအုပ်စုအနေဖြင့်ကြီးမားသော ထိခိုက်မှု ခံစားနေရကြောင်း ကမ္ဘာ့ဘဏ်အုပ်စု ဥက္ကဋ္ဌ David Malpass က ဧပြီ ၂၀ ရက်တွင် ပြောကြားခဲ့သည်။

လက်ရှိဖြစ်ပေါ်နေသော စားနပ်ရိက္ခာ အကျပ်အတည်းသည် လနှင့်ချီကြာရှည်နိုင်သလို လာမည်နှစ်အထိဆက်လက်ဖြစ်ပွားနိုင်ခြေလည်းရှိကြောင်း ၎င်းက သတိပေးပြောကြားခဲ့သည်။

ရုရှား-ယူကရိန်း ပဋိပက္ခကြောင့် စားသောက်ကုန်၊ စွမ်းအင်၊ ဓာတ်မြေသြဇာ ပြတ်လပ်မှု ဖြစ်ပေါ်ခဲ့ရသည်။ စွမ်းအင်နှင့် ဓာတ်မြေသြဇာသည် စိုက်ပျိုးရေးထုတ်ကုန်အတွက် အလွန်အရေးကြီးရာ သုံးမျိုးလုံးပြတ်လပ်မှုကြောင့် စားနပ်ရိက္ခာအကျပ်အတည်း ဖြစ်ပေါ်စေခဲ့ကြောင်း Malpass က အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF)နှင့် ကမ္ဘာ့ဘဏ်အုပ်စုတို့၏ နွေဦးအစည်းအဝေး၌ပြုလုပ်သော အွန်လိုင်းမီဒီယာကွန်းဖရင့်တွင် ပြောကြားခဲ့သည်။

စားသောက်ကုန်ဈေးနှုန်းများသည် ယခင်နှစ် ကာလတူထက် ၃၇ ရာခိုင်နှုန်း မြင့်တက်ခဲ့ရာ စားသုံးသူများ၏ ကုန်ဈေးနှုန်းညွှန်းကိန်းထက် ပိုများလာခဲ့သည်။ ၎င်းမြင့်တက်လာမှုက နေ့စဉ်အသုံးစရိတ်တွင် စားသုံးကုန်ဝယ်ယူမှု အချိုးအစားပိုများသော ဆင်းရဲနွမ်းပါးသူလူအုပ်စုများအတွက် ပိုမိုများသော ဖိအားရင်ဆိုင်နေသည့် လက္ခဏာပင်ဖြစ်ကြောင်း ၎င်းကဆိုသည်။

ကမ္ဘာ့ဘဏ်သည် အကျပ်အတည်းကို ကိုင်တွယ်ဖြေရှင်းရန် လာမည့် ၁၅ လအတွင်း ဘဏ္ဍာငွေ အမေရိကန်ဒေါ်လာ ၁၇၀ ဘီလီယံ ပံ့ပိုးပေးရန် စီစဉ်ထားကြောင်း ၎င်းက ဆိုသည်။

စားနပ်ရိက္ခာဖူလုံမှုသည် အလွန်အရေးကြီးသော ကိစ္စရပ်ဖြစ်ပြီး စားနပ်ရိက္ခာအကျပ်အတည်း ဖြစ်ပေါ်လာပါက ဆင်းရဲသောနိုင်ငံရှိ ပြည်သူများအတွက် ထိခိုက်မှုအများဆုံးဖြစ်နိုင်ကြောင်း ဆင်ဟွာသတင်းဌာနမှ သတင်းထောက်တစ်ဦး ၏ မေးမြန်းမှုကို ဖြေကြားရာတွင် Malpass က ထည့်သွင်းပြောကြားခဲ့သည်။ သို့သော် ကောင်းသည့်အခြေအနေတစ်ခုမှာ လက်ရှိတွင် ကမ္ဘာ့စားနပ်ရိက္ခာ သိုလှောင်မှုမှာ လုံလုံလောက်လောက်ရှိပြီး သိုလှောင်မှု ထုတ်လွှတ်မှုနှင့်အတူ စားနပ်ရိက္ခာ ပြတ်လပ်မှု အကျပ်အတည်းမှာ တဖြည်းဖြည်း ကောင်းမွန်လာနိုင်မည်ဖြစ်ကြောင်း ၎င်းကဆိုသည်။

ယခုအကြိမ် နွေဦးအစည်းအဝေးတွင် နိုင်ငံအသီးသီးမှ ကိုယ်စားလှယ်များက စားနပ်ရိက္ခာဖူလုံရေးဆိုင်ရာ ကိစ္စရပ်များကို အလေးထား ဆွေးနွေးခဲ့ကြရာ နိုင်ငံအသီးသီးမှ ယင်းအကျပ်အတည်းကို ဖြေရှင်းနိုင်သော နည်းလမ်းရှာဖွေနိုင်ရန် မျှော်လင့်ကြောင်း Malpass က ဖြည့်စွက်ပြောကြားခဲ့သည်။

IMF နှင့် ကမ္ဘာ့ဘဏ်အုပ်စုတို့သည် နွေဦးနှင့် ဆောင်းဦးနှစ်ပတ်လည် အစည်းအဝေး အပါအဝင် တစ်နှစ်နှစ်ကြိမ် မျက်နှာစုံညီ အစည်းအဝေး ကျင်းပလေ့ရှိသည်။ ယခုနှစ် နွေဦးအစည်းအဝေးကို ဧပြီ ၁၈ ရက်မှ ၂၄ ရက်အထိ ဝါရှင်တန်မြို့တွင် ကျင်းပလျက်ရှိကြောင်း သိရသည်။ (Xinhua)

……………………………………..
(Chinese Version)
（经济）世行行长警告粮食危机或持续至明年
新华社华盛顿4月20日电（记者熊茂伶 许缘）世界银行行长马尔帕斯20日表示，俄乌冲突推高了全球粮食价格，最贫困人群遭受的打击最大。他警告，当前的粮食安全危机将持续数月，甚至可能持续至明年。
马尔帕斯当天在国际货币基金组织（IMF）和世界银行春季会议的一场远程媒体发布会上说，俄乌冲突导致粮食、能源、肥料短缺，能源和肥料对于农作物生产至关重要，三者的短缺共同导致粮食安全危机。
他说，粮食价格比去年同期上涨了37%，涨幅超过消费者价格指数，这意味着日常预算中食品花费占比更高的贫困人群面临更大压力。
他表示，在未来15个月里，世行预计将提供1700亿美元融资支持以应对危机。
在回答新华社记者提问时，马尔帕斯表示，粮食安全问题很严重，贫穷国家的民众受影响最大。但积极的一面是，目前全球粮食库存很大，随着库存释放，粮食短缺问题可能会得到改善。
马尔帕斯还说，春季会议上，各国代表就粮食安全问题进行了实质性讨论。他期待各国制定解决方案，缓解粮食危机。
IMF和世行每年召开两次全体会议，包括春季会议和秋季年会。今年春季会议于4月18日至24日在美国首都华盛顿举行。（完）
图说- 4月20日，在美国华盛顿，行人从世界银行总部前走过。