ချူအင်လိုင်းတန်ဆောင်း ပြန်လည်ဖွင့်လှစ်ခြင်း အခမ်းအနားအား တရုတ်-မြန်မာနှစ်နိုင်ငံ ပူးတွဲကျင်းပ

ပုဂံ၊ ဇူလိုင် ၄ ရက် (ဆင်ဟွာ)

မြန်မာနိုင်ငံဆိုင်ရာ တရုတ်သံရုံးနှင့် မြန်မာနိုင်ငံခြားရေးဝန်ကြီးဌာနတို့က ချူအင်လိုင်းတန်ဆောင်း ပြန်လည်ဖွင့်လှစ်ခြင်း အခမ်းအနားအား ဇူလိုင် ၃ ရက်တွင် ပုဂံမြို့၌ ပူးတွဲကျင်းပခဲ့သည်။ လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ (၇)ကြိမ်မြောက် နိုင်ငံခြားရေးဝန်ကြီးများအစည်းအဝေး သဘာပတိအဖြစ် ဆောင်ရွက်ရန် မြန်မာနိုင်ငံသို့ ရောက်ရှိလာသည့် တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် မြန်မာနိုင်ငံ နိုင်ငံခြားရေးဝန်ကြီး ဦးဝဏ္ဏမောင်လွင်နှင့်အတူ ယင်းအခမ်းအနားသို့ တက်ရောက်ခဲ့သည်။နှစ်နိုင်ငံ နိုင်ငံခြားရေးဝန်ကြီးတို့က အခမ်းအနားအား ဖဲကြိုးဖြတ်ဖွင့်လှစ်ပေးခဲ့ပြီး တန်ဆောင်းအတွင်း၌ ပြသထားသော ဝန်ကြီးချုပ်ချူအင်လိုင်း မြန်မာနိုင်ငံသို့ လာရောက်လည်ပတ်သည့် အဖိုးတန်ဓာတ်ပုံများကို ကြည့်ရှုကာ နှစ်နိုင်ငံချစ်ကြည်ရင်းနှီးမှု၏ ဝမ်းမြောက်ဖွယ် သမိုင်းပုံရိပ်များကို ပြန်လည်အမှတ်ရခဲ့ကြသည်။ တရုတ်-မြန်မာ လူငယ်အဆိုတော်များ သီဆိုထားသော “တို့ခေါ်လိုက်ပေါက်ဖော်” ဗွီဒီယိုသီချင်းသည် “တစ်‌မြစ်တည်းရေ တူစုံသောက်ကာ တူညီသော အိမ်မက်တစ်ခုကို အကောင်အထည်ဖော်” ခြင်းဖြင့် ချစ်ကြည်ရင်းနှီးမှု ပုံရိပ်သစ်များ ရှေ့ဆက်ရန် တူညီသောဆန္ဒကို ဖော်ပြခဲ့သည်။

မြန်မာနိုင်ငံဆိုင်ရာ တရုတ်သံရုံး သံအမတ်ကြီး မစ္စတာ ချန်းဟိုင်နှင့် မြန်မာနိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်မျိုးထွဋ်တို့က မိန့်ခွန်းများ အသီးသီးပြောကြားရာတွင် ချူအင်လိုင်းဟူသော အမည်သည် ဂုဏ်ရောင်ရှိသော ထာဝရတည်တံ့နေမည့် အမည်ဖြစ်သည်ဟု သမ္မတ ရှီကျင့်ဖိန်က ဆိုခဲ့ကြောင်း ပြောကြားခဲ့သည်။ နှစ်ဖက်စလုံးမှ ချူအင်လိုင်းတန်ဆောင်း၏ အရေးကြီးသော အမှတ်သညာပြု အနက်အဓိပ္ပာယ်ဆောင်မှုအပေါ် အထူးချီးကျူးမှတ်ချက်ပြုခဲ့ပြီး နှစ်နိုင်ငံ ရှေးယခင်ခေါင်းဆောင်များ ဖန်တီးပျိုးထောင်ခဲ့သည့် တရုတ်-မြန်မာ ချစ်ကြည်ရေးကို ဆက်ခံရန် အတူကြိုးပမ်းကာ နှစ်နိုင်ငံပြည်သူများအတွက် အကျိုးဆောင်ရန် တရုတ်-မြန်မာ အေးအတူပူအမျှ ကံကြမ္မာ အသိုက်အဝန်းကို အတူတည်ဆောက်မည်ဖြစ်ကြောင်း အလေးထားပြောကြားခဲ့သည်။

ဝန်ကြီးချုပ် ချူအင်းလိုင်က ၁၉၆၁ ခုနှစ်တွင် ပုဂံသို့ လာရောက်လည်ပတ်ခဲ့ပြီး ဒေသဆိုင်ရာ ရှေးဟောင်းအမွေအနှစ်များအတွက် လှူဒါန်းငွေများ ပေးအပ်ခဲ့ကြောင်း သိရသည်။ မြန်မာမိတ်ဆွေများက ယင်းအလှူငွေနှင့် ပြည်သူထံမှရရှိထားသောအလှူငွေတို့ဖြင့် ရွှေစည်းခုံစေတီတော်အနီးတွင် တန်ဆောင်းတည်ဆောက်ခဲ့ပြီး ဘုရားဖူးလာသော မြန်မာပြည်သူများအတွက် အမိုးအကာနေရာ ပံ့ပိုးပေးကာ တရုတ်-မြန်မာ “ပေါက်ဖော်” ချစ်ကြည်ရေး၏ အမှတ်သညာဖြစ်လာခဲ့ကြောင်း သိရသည်။ (Xinhua)

…………………………………………
(Chinese Version)
中缅共同举行周恩来凉亭重新对外开放仪式
新华社缅甸蒲甘7月3日电（记者张东强）当地时间7月3日，中国驻缅甸使馆和缅甸外交部在蒲甘共同举行周恩来凉亭修复后重新对外开放仪式。来缅主持澜湄合作第七次外长会的国务委员兼外长王毅同缅甸外长温纳貌伦共同出席。
两国外长为凉亭重新开放剪彩，观看凉亭内陈列的周恩来总理访缅珍贵图片资料，重温两国友好交往的动人历史故事。中缅青年歌手视频演唱《喊一声胞波》，用“同饮一江水，共圆一个梦”表达续写友好新传说的共同心声。
中国驻缅大使陈海和缅甸副外长觉苗突分别致辞，表示习近平主席指出，周恩来是一个光荣的名字、不朽的名字。双方高度评价周恩来凉亭的重要象征意义，强调将共同努力，传承两国老一辈领导人缔造和培育的中缅友好，共同建设同甘共苦的中缅命运共同体，更好造福两国和两国人民。
周恩来总理1961年到访蒲甘时为当地古迹捐赠善款。缅甸友人用善款和民众捐资在瑞喜宫佛塔旁修建了凉亭，为拜塔礼佛的缅民众遮风挡雨，成为中缅“胞波”情谊的象征。（完）
7月3日，在缅甸蒲甘，中国国务委员兼外长王毅（左四）和缅甸外长温纳貌伦（左五）等出席周恩来凉亭修复后重新对外开放仪式。新华社记者 张东强 摄