Connect with us

North America

အမေရိကန်က အစ္စရေးကို ကန်ဒေါ်လာ ၃ ဘီလီယံ တန်ဖိုးရှိ လက်နက်များ အရေးပေါ် ရောင်းချမည်

ဂါဇာကမ်းမြောင်ဒေသ Netzarim စင်္ကြံအနီးရှိ အပျက်အစီးများပေါ်တွင် ပါလက်စတိုင်းသားတစ်ဦးက အဝေးသို့ ငေးကြည့်နေသည်ကို ၂၀၂၅ ခုနှစ် ဖေဖော်ဝါရီ ၉ ရက်က တွေ့ရစဉ် (ဆင်ဟွာ)

ဝါရှင်တန်၊ မတ် ၁ ရက် (ဆင်ဟွာ)
အစ္စရေးကို ကန်ဒေါ်လာ ၃ ဘီလီယံ နီးပါး တန်ဖိုးရှိ ဗုံးများ၊ ဖောက်ခွဲရေးကိရိယာနှင့် အခြားလက်နက်များ ရောင်းချရန် အမေရိကန်နိုင်ငံခြားရေးဝန်ကြီးဌာနက ခွင့်ပြုပြီးဖြစ်ကြောင်း အမေရိကန် ပင်တဂွန် စစ်ဌာနချုပ်က ဖေဖော်ဝါရီ ၂၈ ရက်တွင် ကြေညာချက် ထုတ်ပြန် ပြောကြားခဲ့သည်။ ယင်းစစ်လက်နက်ပစ္စည်း ရောင်းချရေးအစီအစဉ်ကို ယင်းနေ့ညနေပိုင်းတွင် အမေရိကန်လွှတ်တော်သို့ အရေးပေါ် အကြောင်းကြားခဲ့ကြောင်း သိရသည်။

အမေရိကန် နိုင်ငံခြားရေးဝန်ကြီး မာကိုရူဘီယိုအနေဖြင့် သက်ဆိုင်ရာ စစ်လက်နက်ရောင်းချရေး စာရွက်စာတမ်းများကို လက်မှတ်ရေးထိုးပြီးဖြစ်ကြောင်း၊ “အတည်ပြုပြီးဖြစ်သလို အသေးစိတ် အကြောင်းပြချက်တွေပါရှိပြီး အရေးပေါ်အခြေအနေ ဖြစ်ကြောင်း သက်သေပြထားရာ အစ္စရေးအစိုးရကို ချက်ချင်းရောင်းချရန် လိုအပ်ကြောင်း” အမေရိကန် ကာကွယ်ရေး၊ လုံခြုံရေး ပူးပေါင်းဆောင်ရွက်မှု အေဂျင်စီ (DSCA) က ယင်းနေ့တွင် ပြောကြားခဲ့သည်။ ၎င်းမှာ ဤကဲ့သို့သော စစ်လက်နက်ပစ္စည်းရောင်းချမှုက သာမန်အားဖြင့် လွှတ်တော်ခွင့်ပြုရန် မလိုအပ်သည့်အဓိပ္ပာယ်ဖြစ်သည်။

ဤလက်နက်ပစ္စည်းနှင့် သက်ဆိုင်ရာပစ္စည်းကိရိယာများကို ၂၀၂၆ ခုနှစ်တွင် စတင် လွှဲပြောင်းရန် စီစဉ်ထားသော်လည်း ပင်တဂွန် စစ်ဌာနချုပ်က “အချို့ဝယ်ယူသည့် ပစ္စည်းများမှာ အမေရိကန်၏ သိုလှောင်ထားသည့် ပစ္စည်းများ ဖြစ်နိုင်ကြောင်း” ပြောကြားခဲ့သည်။ ဆိုလိုသည်မှာ လက်နက်ပစ္စည်းအချို့ကို ချက်ချင်းလွှဲပြောင်းနိုင်ပေသည်။
အမေရိကန် သမ္မတ ထရမ့်က ယခင် အစိုးရ ယာယီဆိုင်းငံထားသည့် အစ္စရေးသို့ သက်ဆိုင်ရာ လက်နက်ပစ္စည်းများ တင်ပို့သည့် ကန့်သတ်မိန့်ကို ဖျက်သိမ်းလိုက်ပြီဖြစ်ကြောင်း ဖေဖော်ဝါရီ ၁၆ ရက်တွင် ကြေညာခဲ့သည်။ အဘယ်ကြောင့်ဆိုသော် ၎င်းအနေဖြင့် “လက်တွေ့အင်အားဖြင့် ငြိမ်းချမ်းရေးကို ထိန်းသိမ်း” သည့် အယူအဆကို ယုံကြည်ခြင်းကြောင့် ဖြစ်သည်။

အကြီးစား အမေရိကန်ထုတ် MK-84 ဝေဟင်ပစ်ဗုံး တစ်သုတ် အစ္စရေးသို့ ရောက်ရှိပြီဖြစ်ကြောင်း ယင်းနေ့တွင်ပင် အစ္စရေး ကာကွယ်ရေး ဝန်ကြီးဌာနက ကြေညာချက် ထုတ်ပြန်ပြောကြားခဲ့သည်။

အစ္စရေးက ဂါဇာကမ်းမြောင်ဒေသတွင် “ပြင်းထန်တဲ့တိုက်ပွဲတွေ ပြန်ဖြစ်ဖို့ အချိန်မရွေး အဆင်သင့်ပြင်ထားတယ်။ စစ်ဆင်ရေးအစီအစဉ်ကလည်း အသင့်ပါပဲ” ဟု အစ္စရေးဝန်ကြီးချုပ် နေတန်ယာဟုက ဖေဖော်ဝါရီ ၂၃ ရက်တွင် ပြောကြားခဲ့သည်။

အမေရိကန်သည် အစ္စရေးကို လက်နက်ပံ့ပိုးပေးသော အကြီးဆုံးနိုင်ငံဖြစ်သည်။ ၂၀၂၃ ခုနှစ်တွင် အစ္စရေးလက်နက် ၆၉ ရာခိုင်နှုန်းက အမေရိကန်မှ တင်သွင်းခြင်းဖြစ်ကြောင်း စတော့ဟုမ်း နိုင်ငံတကာ ငြိမ်းချမ်းရေး သုတေသနဌာန (SIPRI) ၏ စာရင်းများအရ သိရသည်။ (Xinhua)

————————————————————————————–
(Chinese Version)
美国将向以色列急售30亿美元武器
新华社华盛顿2月28日电 美国五角大楼2月28日发表声明说,美国国务院已批准向以色列出售价值近30亿美元的炸弹、爆破工具和其他武器。这项军售计划当天下午紧急通知了美国国会。
美国国防安全合作局当天表示,美国国务卿鲁比奥签署了相关军售文件,“已确定并提供了详细理由,证明情况紧急,需要立即向以政府出售”。这意味着此类军售通常不需要国会的批准。
据媒体报道,虽然这些武器和相关设备计划于2026年开始交付,但五角大楼表示“有可能部分采购将来自美国库存”,即一些武器将可能立即交付。
美国总统特朗普2月16日宣布,他已解除前任政府暂缓向以色列出口相关武器的限令,因为他信奉“依靠实力确保和平”的理念。以色列国防部同日发表声明说,一批“重型”美制MK-84航空炸弹已运抵以色列。
以总理内塔尼亚胡2月23日说,以色列在加沙地带“随时准备重返激烈战斗,作战计划已准备就绪”。
美国是以色列最大的武器供应国。据瑞典斯德哥尔摩国际和平研究所统计,2023年,以色列69%的武器进口来自美国。(完)
1. 2月9日,巴勒斯坦人站在加沙地带内察里姆走廊附近的废墟上眺望。新华社发(里泽克·阿卜杜勒贾瓦德摄)