မြန်မာနိုင်ငံအပေါ် ငွေကြေး ပံ့ပိုးကူညီမှုနှင့် လူသားချင်းစာနာမှု အကူအညီများ တိုးချဲ့ထောက်ပံ့ပေးရန် ဂူတာရက်စ်တိုက်တွန်း

ကုလသမဂ္ဂ၊ ဧပြီ ၄ ရက် (ဆင်ဟွာ)
ငလျင်ဒဏ်သင့်ခဲ့သော မြန်မာနိုင်ငံအပေါ် ငွေကြေး ပံ့ပိုးကူညီမှုများ ချက်ချင်းတိုးချဲ့လုပ်ဆောင်ပြီး လူသားချင်းစာနာမှု အကူအညီများ လျင်မြန်စွာ၊ ဘေးကင်းစွာ၊ အဆက်မပြတ် အတားအဆီးမရှိ ထောက်ပံ့ပေးနိုင်ရေးအား အာမခံပေးရန် ကုလသမဂ္ဂ အထွေထွေအတွင်းရေးမှူးချုပ် ဂူတာရက်စ်က မတ် ၃ ရက်တွင် နိုင်ငံတကာအသိုက်အဝန်းအား တိုက်တွန်းခဲ့သည်။

ဂူတာရက်စ်က ထိုနေ့ သတင်းစာရှင်းလင်းပွဲ၌ ကူညီကယ်ဆယ်ရေးလုပ်ငန်းများတွင် အားဖြည့်ပေးရန် ကုလသမဂ္ဂ၏ လူသားချင်းစာနာမှုရေးရာ တာဝန်ခံဖြစ်သည့် ဒုတိယအထွေထွေအတွင်းရေးမှူးချုပ်၊ အရေးပေါ်ကူညီကယ်ဆယ်ရေး ညှိနှိုင်းရေးမှူး တွန်ဖလက်ချာအား မြန်မာနိုင်ငံသို့ စေလွှတ်သွားမည်ဖြစ်ကြောင်း၊ ကုလသမဂ္ဂ အထွေထွေအတွင်းရေးမှူးချုပ်၏ မြန်မာ့အရေး အထူးသံတမန် ဂျူလီဘစ်ရှော့ပ်ကလည်း ငြိမ်းချမ်းရေးနှင့် တွေ့ဆုံဆွေးနွေးမှုများ မြှင့်တင်ရန် မြန်မာနိုင်ငံသို့ သွားရောက်မည်ဖြစ်ကြောင်း ကြေညာခဲ့သည်။

မြန်မာနိုင်ငံ တပ်မတော်နှင့် သက်ဆိုင်ရာ လက်နက်ကိုင်အဖွဲ့အစည်းများက ယာယီအပစ်အခတ်ရပ်စဲမှု ကြေညာခြင်းအပေါ် ကြိုဆိုကြောင်း ဂူတာရက်စ်က ပြောကြားခဲ့ပြီး ယင်းသည် ကူညီကယ်ဆယ်ရေးပစ္စည်းများ အတားအဆီးမရှိ ပို့ဆောင်နိုင်မှုနှင့် ကယ်ဆယ်ရေးဝန်ထမ်းများ အဆင်ပြေချောမွေ့စွာ လုပ်ငန်းလုပ်ဆောင်ရေးအား အာမခံပေးရန်အတွက် အလွန်အရေးကြီးကြောင်း ယူဆသည်ဟု ဆိုသည်။

ကုလသမဂ္ဂသည် ငြိမ်းချမ်းရေးဖော်ဆောင်မှုကို ဆက်လက်တွန်းအားပေးသွား၍ မြန်မာပြည်သူများ လိုအပ်ချိန်တွင် ပံ့ပိုးကူညီမှုများပေးအပ်သွားမည်ဖြစ်ကြောင်း ၎င်းက ထပ်မံအလေးထားပြောကြားခဲ့သည်။

မတ် ၂၈ ရက်တွင် မြန်မာနိုင်ငံ အလယ်ပိုင်းဒေသ၌ အင်အား ၇.၉ အဆင့်ရှိ ငလျင်ဖြစ်ပွားခဲ့သည်။ မြန်မာနိုင်ငံ၏ အင်အားပြင်းငလျင်ကြောင့် သေဆုံးသူ ၃,၁၄၅ ဦး၊ ဒဏ်ရာရရှိသူ ၄,၅၈၉ ဦး၊ ပျောက်ဆုံးသူ ၂၂၁ ဦးရှိကြောင်း မြန်မာ့အသံနှင့် ရုပ်မြင်သံကြားက ဧပြီ ၃ ရက် သတင်းဖော်ပြမှုအရ သိရသည်။

ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို အရှိန်အဟုန်ဖြင့်လုပ်ဆောင်နိုင်ရန်၊ ငြိမ်းချမ်းရေးနှင့် တည်ငြိမ်မှုအား ကာကွယ်ထိန်းသိမ်းရန်အတွက် ဧပြီ ၂ ရက်မှ ဧပြီ ၂၂ ရက်အထိကာလကို ယာယီပစ်ခတ်တိုက်ခိုက်မှု ရပ်စဲရေးကာလအဖြစ် သတ်မှတ်ကြောင်း မြန်မာနိုင်ငံ တပ်မတော်ကာကွယ်ရေးဦးစီးချုပ်ရုံးက ဧပြီ ၂ ရက်တွင် ထုတ်ပြန်ကြေညာခဲ့သည်။ (Xinhua)

————————–
(Chinese Version)
古特雷斯呼吁加大对缅甸资金支持和人道主义援助
新华社联合国4月3日电（记者施春）联合国秘书长古特雷斯3日呼吁国际社会立即向遭受地震灾害的缅甸加大资金支持，并确保迅速、安全、持续和不受阻碍地提供人道主义援助。
古特雷斯当天在记者会上宣布，将派遣联合国负责人道主义事务的副秘书长兼紧急救援协调员汤姆·弗莱彻前往缅甸加强救援工作，联合国秘书长缅甸问题特使毕晓普将赴缅促进和平与对话。
古特雷斯对缅甸军方和相关武装组织宣布临时停火表示欢迎，认为这对确保救灾物资畅通无阻和救援人员顺利开展工作十分重要。他重申联合国将继续推动和平，并在缅甸人民需要时提供支持。
3月28日，缅甸中部发生7.9级地震。据缅甸广播电视台4月3日报道，缅甸强震已造成3145人死亡、4589人受伤，另有221人失踪。缅甸国防军总司令办公室2日发表声明说，为加快救援和重建工作、维护和平与稳定，自4月2日至4月22日期间实施临时停火。（完）
图说1：2月28日，在位于纽约的联合国总部，联合国秘书长古特雷斯出席记者会。新华社发（联合国供图/曼努埃尔·伊莱亚斯摄）