Connect with us

China

အာရှဆောင်းရာသီ အားကစားပြိုင်ပွဲကာလအတွင်း တရုတ်နိုင်ငံအပေါ် ဆိုက်ဘာတိုက်ခိုက်မှုများပြုလုပ်သော အဓိကအရင်းအမြစ်မှာ အမေရိကန်နှင့် ၎င်း၏ တချို့သော မဟာမိတ်များဖြစ်ကြောင်း အစီရင်ခံစာက ဖော်ပြနေသည်ဟု တရုတ်နိုင်ငံခြားရေး ဝန်ကြီးဌာန ဆို

တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းအား ဧပြီ ၃ ရက် ပုံမှန်သတင်းစာရှင်းလင်းပွဲတွင် တွေ့ရစဉ် (ဓာတ်ပုံ - တရုတ်နိုင်ငံ နိုင်ငံခြားရေးဝန်ကြီးဌာန)

ပေကျင်း၊ ဧပြီ ၄ ရက် (ဆင်ဟွာ)
ဟားအယ်ပင်း အာရှဆောင်းရာသီ အားကစားပြိုင်ပွဲကာလအတွင်း အမေရိကန်နှင့် ၎င်း၏ တချို့သော မဟာမိတ်များသည် တရုတ်နိုင်ငံအပေါ် ဆိုက်ဘာတိုက်ခိုက်မှုများပြုလုပ်သော အဓိကအရင်းအမြစ်ဖြစ်သည်ဟု အစီရင်ခံစာက ဖော်ပြနေကြောင်း၊ တရုတ်နိုင်ငံအနေဖြင့် အမေရိကန်အား မိမိကိုယ်ကို ပြန်လည်သုံးသပ်မှု ပိုမိုပြုလုပ်ပြီး တရုတ်နိုင်ငံအပေါ် မဟုတ်မမှန်ပုတ်ခတ်ပြောဆိုမှု လျှော့ချရန်တိုက်တွန်းကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက ဧပြီ ၃ ရက်တွင် ပြောကြားခဲ့သည်။

တရုတ်နိုင်ငံ အမျိုးသားကွန်ပျူတာဗိုင်းရပ်စ် အရေးပေါ်တုံ့ပြန်ရေးစင်တာ၊ ကွန်ပျူတာဗိုင်းရပ်စ်ကာကွယ်ရေးနှင့် ထိန်းချုပ်ရေးနည်းပညာဆိုင်ရာ အမျိုးသားအင်ဂျင်နီယာဓာတ်ခွဲခန်းက ဧပြီ ၃ ရက်တွင် “’၂၀၂၅ ခုနှစ် ၉ ကြိမ်မြောက် ဟားအယ်ပင်း အာရှဆောင်းရာသီ အားကစားပြိုင်ပွဲ’ ၏ ပြိုင်ပွဲသတင်းအချက်အလက်စနစ်နှင့် ဟေးလုံကျန်းပြည်နယ်အတွင်း အဓိကအချက်အလက် အခြေခံအဆောက်အအုံများ၏ နိုင်ငံခြား ဆိုက်ဘာတိုက်ခိုက်ခံရမှု အခြေအနေ စောင့်ကြည့်ခြင်းနှင့် စိစစ်ခြင်းဆိုင်ရာ အစီရင်ခံစာ” ကို ထုတ်ပြန်ခဲ့ရာ ၉ ကြိမ်မြောက် အာရှဆောင်းရာသီ အားကစားပြိုင်ပွဲကာလအတွင်း အမေရိကန် စသည့်နိုင်ငံများမှ ပြိုင်ပွဲသတင်းအချက်အလက်စနစ်နှင့် ဟေးလုံကျန်းပြည်နယ်အတွင်း အဓိကအချက်အလက် အခြေခံအဆောက်အအုံများအပေါ် ဆိုက်ဘာတိုက်ခိုက်မှုများ ပြုလုပ်ခဲ့သည်ကို ထုတ်ဖော်ပြသခဲ့ပြီး ယင်းတိုက်ခိုက်မှုများ နောက်ကွယ်တွင် အမေရိကန်အစိုးရ၏ ထောက်ပံ့များရှိနိုင်သည်ဟု အထူးသံသယရှိကြောင်း၊ အဆိုပါကိစ္စရပ်နှင့် စပ်လျဉ်း၍ တရုတ်နိုင်ငံက မည်သို့ သုံးသပ်ပြောကြားလိုပါသနည်းဟု ထိုနေ့ သတင်းစာရှင်းလင်းပွဲတွင် သတင်းထောက်က မေးမြန်းခဲ့ခြင်းဖြစ်သည်။

“ကျွန်တော်တို့ ဒီအစီရင်ခံစာကို သတိထားမိတယ်၊ အစီရင်ခံစာက ဖော်ထုတ်ခဲ့တဲ့ မကောင်းကြံဆိုက်ဘာလှုပ်ရှားမှုတွေအပေါ် လွန်စွာစိုးရိမ်မိပါတယ်” ဟု ကောကျားခွန်းက ပြောကြားခဲ့သည်။ ကမ္ဘာတစ်ဝန်းတွင် တရုတ်နိုင်ငံသည် ဆိုက်ဘာတိုက်ခိုက်မှု၏ အဓိက နစ်နာသောနိုင်ငံတစ်ခုဖြစ်ကြောင်း အစီရင်ခံစာက ထပ်မံဖော်ပြလိုက်ခြင်းဖြစ်ကြောင်း၊ ယခုအကြိမ် အာရှဆောင်းရာသီ အားကစားပြိုင်ပွဲကာလအတွင်း အမေရိကန်နှင့် ၎င်း၏ တချို့သော မဟာမိတ်များသည် တရုတ်နိုင်ငံအပေါ် ဆိုက်ဘာတိုက်ခိုက်မှုများပြုလုပ်သော အဓိကအရင်းအမြစ်ဖြစ်ကြောင်း ၎င်းက ပြောကြားခဲ့သည်။

အမေရိကန်နိုင်ငံအနေဖြင့် တာဝန်ယူစိတ်ရှိသည့် သဘောထားဖြင့် မိမိကိုယ်ကို ပြန်လည်သုံးသပ်မှု ပိုမိုပြုလုပ်ပြီး တရုတ်နိုင်ငံအပေါ် မဟုတ်မမှန်ပုတ်ခတ်ပြောဆိုမှု လျှော့ချရန် တရုတ်နိုင်ငံက တိုက်တွန်းကြောင်း၊ တရုတ်နိုင်ငံသည် ၎င်း၏ ကိုယ်ပိုင်ဆိုက်ဘာလုံခြုံရေးအား ကာကွယ်ရန် လိုအပ်သောအစီအမံများကို ဆက်လက်လုပ်ဆောင်သွားမည်ဖြစ်ကြောင်း ကောကျားခွန်းက ပြောကြားခဲ့သည်။ (Xinhua)
………………………………….
(Chinese Version)
外交部:报告表明美国及其个别盟友是亚冬会期间对中国网络攻击主要来源
新华社北京4月3日电(记者刘杨、朱超)外交部发言人郭嘉昆3日表示,报告表明,哈尔滨亚冬会期间,美国及其个别盟友是对中国发起网络攻击的主要来源。中方敦促美方多反躬自省,少污蔑抹黑。
当日例行记者会上,有记者问:3日,中国国家计算机病毒应急处理中心、计算机病毒防治技术国家工程实验室发布《“2025年哈尔滨第九届亚冬会”赛事信息系统及黑龙江省内关键信息基础设施遭境外网络攻击情况监测分析报告》,披露了在第九届亚冬会期间来自美国等对赛事信息系统和黑龙江省关键信息基础设施开展的网络攻击,并且高度怀疑这些攻击背后有美国政府支持。中方对此有何评论?
“我们注意到这份报告,对报告曝光的恶意网络活动表示严重关切。”郭嘉昆说,报告再次表明,在全球范围内,中国是网络攻击的主要受害国之一。此次亚冬会期间,美国及其个别盟友是对中国发起网络攻击的主要来源。
郭嘉昆表示,中方敦促美方采取负责任的态度,多反躬自省,少污蔑抹黑。中方将继续采取必要措施保护自身的网络安全。(完)