ကင်ဂျုံအန်းက မြောက်ကိုရီးယား ပြည်သူ့စစ်တပ် အထူးတပ်ဖွဲ့အား စစ်ဆေးကြည့်ရှု၍ လေ့ကျင့်မှုများအား ညွှန်ကြား

ဆိုးလ်၊ ဧပြီ ၅ ရက် (ဆင်ဟွာ)
မြောက်ကိုရီးယား အလုပ်သမားပါတီ အထွေထွေအတွင်းရေးမှူးချုပ်၊ နိုင်ငံတော်ရေးရာ ကော်မရှင် ဥက္ကဋ္ဌ ကင်ဂျုံအန်းသည် ဧပြီ ၄ ရက်က မြောက်ကိုရီးယား ပြည်သူ့စစ်တပ် အထူးတပ်ဖွဲ့လေ့ကျင့်ရေးစခန်းကို စစ်ဆေးကြည့်ရှုပြီး ဘက်စုံလေ့ကျင့်ရေးအတွက် ညွှန်ကြားမှုများ လုပ်ဆောင်ခဲ့ကြောင်း KCNA က ဧပြီ ၅ ရက်တွင် သတင်းဖော်ပြခဲ့သည်။

ကင်ဂျုံအန်းသည် အထူးတပ်ဖွဲ့များ၏ တိုက်ခိုက်ရေးသမားများ ဘက်စုံနည်းဗျူဟာ လေ့ကျင့်မှုနှင့် စနိုက်ပါပစ်ပြိုင်ပွဲနေရာများသို့ သွားရောက်ကြည့်ရှုခဲ့ကြောင်း သတင်းတွင် ဖော်ပြထားသည်။ အပြင်းအထန် လေ့ကျင့်မှုမှတစ်ဆင့် စစ်မြေပြင်တွင် အနိုင်ရစေသည့် လက်တွေ့တိုက်ခိုက်ရေးစွမ်းရည်ကို ခိုင်မာအောင် ဆောင်ရွက်ရမည်ဖြစ်ကြောင်း၊ အထူးတပ်ဖွဲ့အင်အားကို အားဖြည့်ခြင်းသည် လက်ရှိ မြောက်ကိုရီးယားစစ်တပ် တည်ဆောက်ရေး မဟာဗျူဟာ၏ အဓိကအစိတ်အပိုင်းဖြစ်ကြောင်း ကင်ဂျုံအန်းက အလေးထားပြောကြားခဲ့သည်။ အစီအမံများစွာဖြင့် အထူးစစ်ဆင်ရေးစွမ်းရည်ကို မြင့်မားစွာ မြှင့်တင်ရန် ၎င်းက တောင်းဆိုခဲ့ကြောင်း သိရသည်။

အထူးတပ်ဖွဲ့တွင် တပ်ဆင်မည့် စနိုက်ပါရိုင်ဖယ်ကို ကင်ဂျုံအန်း ကိုယ်တိုင် စမ်းသပ်ပစ်ခတ်ခဲ့ပြီး လက်နက်၏ စွမ်းရည်နှင့် စွမ်းအားကို အားရကျေနပ်ကြောင်း ပြောကြားခဲ့သည်ဟု သတင်းတွင် ဖော်ပြထားသည်။ ထို့နောက် ၎င်းက အထူးတပ်ဖွဲ့မှ တိုက်ခိုက်ရေးသမားများ၏ ဘက်စုံ အထူးကျွမ်းကျင်မှု အားကစား လေ့ကျင့်ရေးများကိုလည်း လေ့လာကြည့်ရှုခဲ့ကြောင်း သိရသည်။ (Xinhua)

———————-
(Chinese Version)
金正恩视察朝鲜人民军特战部队并指导训练
新华社首尔4月5日电 朝中社5日报道，朝鲜劳动党总书记、国务委员长金正恩4日视察朝鲜人民军特战部队训练基地并指导综合训练。
报道说，金正恩现场观摩了多支特战部队战斗员进行的综合战术训练和狙击武器射击比赛。金正恩强调，要通过高强度训练巩固在战场上保证打胜仗的实战能力，加强特战兵力是当前朝鲜军队建设战略的主要组成部分。他要求采取一系列措施高度发展特战能力。 　　报道说，金正恩亲自试射了特战部队将装备的狙击步枪，并对武器性能和威力表示满意。他随后观摩了特战部队战斗员综合特技体育训练。（完）
1. 这是朝中社发布的金正恩在现场视察指导的画面。 新华社/朝中社