မရောင်းလျှင် အသုံးပြုခွင့် ပိတ်ပင်” မည့် ဥပဒေအား ဖြေလျှော့ကာလ ၇၅ ရက် ထပ်ပေးမည်ဟု ထရမ့် ကြေညာ

ဝါရှင်တန်၊ ဧပြီ ၅ ရက် (ဆင်ဟွာ)

အမေရိကန် သမ္မတ ထရမ့်က ၎င်းအနေဖြင့် အမိန့်ကြေညာချက်တစ်ရပ် လက်မှတ်ရေးထိုးမည်ဖြစ်ပြီး “TikTok မရောင်းလျှင် အသုံးပြုခွင့် ပိတ်ပင်” မည့် ဥပဒေအား ဖြေလျှော့ကာလ ၇၅ ရက် ထပ်ပေးမည်ဟု ဧပြီ ၄ ရက် လူမှုကွန်ရက်မီဒီယာတွင် ကြေညာခဲ့သည်။

ထရမ့်က ၎င်းအစိုးရအနေဖြင့် “TikTok ကို ကယ်ဆယ်ရန်” သဘောတူညီချက်တစ်ရပ်ကို တောက်လျှောက် ကြိုးပမ်းတွန်းအားပေး ဆောင်ရွက်နေကြောင်းနှင့် “ကြီးမားသော တိုးတက်မှု ရရှိပြီ” ဖြစ်သော်လည်း သဘောတူညီချက် ရရှိရန်မှာ “အလုပ်များ ပိုမို လုပ်ဆောင်ရန်” လိုအပ်သေးကြောင်း ပြောကြားခဲ့သည်။

၂၀၂၄ ခုနှစ် ဧပြီလတွင် ထိုစဉ်က အမေရိကန် သမ္မတ ဘိုင်ဒန်သည် လွှတ်တော်နှစ်ရပ်လုံးက အတည်ပြုသည့် “မရောင်းလျှင် အသုံးပြုခွင့်ပိတ်ပင်” သည့် ဥပဒေကို လက်မှတ်ရေးထိုးခဲ့ပြီး TikTok ၏ မိခင်ကုမ္ပဏီဖြစ်သည့် ByteDance ကို ရက်ပေါင်း ၂၇၀ အတွင်း TikTok အား တရုတ်မဟုတ်သည့် ကုမ္ပဏီလုပ်ငန်းကို ရောင်းချပေးရန် တောင်းဆိုခဲ့ကြောင်း၊ သို့မဟုတ်ပါက ယင်းအပလီကေးရှင်းကို ၂၀၂၅ ခုနှစ် ဇန်နဝါရီ ၁၉ ရက်မှစ၍ အမေရိကန်၌ အသုံးပြုခွင့် ပိတ်ပင်မည် ဖြစ်ကြောင်း သိရသည်။

ယခုနှစ် ဇန်နဝါရီ ၂၀ ရက်က ထရမ့်သည် သမ္မတတာဝန် ထမ်းဆောင်သည့် ပထမနေ့တွင်ပင် အမိန့်ကြေညာချက် လက်မှတ်ရေးထိုးကာ TikTok အား “မရောင်းလျှင် အသုံးပြုခွင့်ပိတ်ပင်” မည့် ဥပဒေကို ဖြေလျှော့ကာလ ၇၅ ရက်ခွင့်ပြုပေးခဲ့သည်။ ယင်းဖြေလျှော့ကာလမှာ မူလသတ်မှတ်ချက်အရ ဧပြီ ၅ ရက်တွင် ကုန်ဆုံးမည် ဖြစ်သည်။ (Xinhua)

———————
(Chinese Version)
特朗普宣布将再给予TikTok“不卖就禁用”法律75天宽限期
新华社华盛顿4月4日电（记者熊茂伶）美国总统特朗普4日在社交媒体上宣布，他将签署行政令，再次给予TikTok“不卖就禁用”法律75天宽限期。
特朗普表示，其政府一直在努力推动一项协议以“挽救TikTok”，并“已经取得重大进展”，但达成协议还需要“更多的工作”。
2024年4月，时任美国总统拜登签署一项国会两院通过的“不卖就禁用”法案，要求TikTok母公司字节跳动在270天内将TikTok出售给非中国企业，否则这款应用程序将在2025年1月19日后在美国被禁用。
今年1月20日，特朗普在上任首日签署行政令，给予TikTok“不卖就禁用”法律75天宽限期。这一宽限期原定于4月5日到期。（完）
1. 这是4月3日在美国首都华盛顿白宫拍摄的美国总统特朗普。新华社记者 胡友松 摄