တရုတ်နိုင်ငံ နိုင်ငံတကာအရေးပေါ် ဆေးကုသရေးအဖွဲ့ (မကာအို) မြန်မာနိုင်ငံ ငလျင်အလွန် အရေးပေါ်ဆေးကုသရေးလုပ်ငန်းများ လုပ်ဆောင်ပြီးစီး၍ မကာအိုသို့ ပြန်လည်ထွက်ခွာ

မကာအို၊ မေ ၁၀ ရက် (ဆင်ဟွာ)

တရုတ်နိုင်ငံ နိုင်ငံတကာအရေးပေါ် ဆေးကုသရေးအဖွဲ့ (မကာအို) (အောက်ဖော်ပြပါသတင်းတွင် ဆေးကုသရေးအဖွဲ့ဟု အတိုကောက်အားဖြင့် ခေါ်ဆိုမည်) သည် မြန်မာနိုင်ငံ၌ ၁၄ ရက်ကြာ ငလျင်အလွန် အရေးပေါ် ဆေးကုသရေးလုပ်ငန်းများ လုပ်ဆောင်ပြီးစီး၍ မေ ၉ ရက်တွင် မကာအိုသို့ ပြန်လည်ထွက်ခွာသွားခဲ့သည်။မြန်မာနိုင်ငံ၌ ရောက်ရှိနေစဉ်အတွင်း ဆေးကုသရေးအဖွဲ့သည် မြန်မာနိုင်ငံကျန်းမာရေးဝန်ကြီးဌာန၊ ကမ္ဘာ့ကျန်းမာရေးအဖွဲ့ (WHO) ၏ မြန်မာဌာနေကိုယ်စားလှယ်ရုံး စသည့် အဖွဲ့အစည်းများနှင့် လုပ်ငန်းဆိုင်ရာ ဆွေးနွေးမှုများ အကြိမ်များစွာလုပ်ဆောင်ခဲ့ပြီး ငလျင်ဒဏ်သင့်ဒေသ ကုသကယ်ဆယ်ရေး၊ အများပြည်သူ ကျန်းမာရေးအတွက် ရင်ဆိုင်ဖြေရှင်းရေးနှင့် ကျန်းမာရေးဆိုင်ရာ ကူးစက်ရောဂါ ကာကွယ်ရေးအတွက် ပူးပေါင်းဆောင်ရွက်မှုတို့နှင့် စပ်လျဉ်း၍ နက်ရှိုင်းစွာ ကူးလူးဖလှယ်ခဲ့သည်။

တရုတ်နိုင်ငံ နိုင်ငံတကာအရေးပေါ် ဆေးကုသရေးအဖွဲ့ (မကာအို) အဖွဲ့ဝင်များ မကာအို အပြည်ပြည်ဆိုင်ရာလေဆိပ်သို့ မေ ၉ ရက်က ရောက်ရှိလာစဉ် (ဆင်ဟွာ)

ထို့ပြင် မြန်မာနိုင်ငံ ကျန်းမာရေးဝန်ကြီးဌာနက ကြီးမှူးကျင်းပသော ငလျင်ဘေးကယ်ဆယ်ရေး ညှိနှိုင်းအစည်းအဝေးတွင် ပါဝင်တက်ရောက်ပြီး နိုင်ငံများစွာမှ အရေးပေါ် ဆေးကုသရေးအဖွဲ့များနှင့် နိုင်ငံတကာ အဖွဲ့အစည်းများနှင့်အတူ ငလျင်အလွန်ရင်ဆိုင်ဖြေရှင်းရေး နည်းလမ်းဗျူဟာများကို အတူဆွေးနွေးခဲ့ကြသည်။ မြန်မာနိုင်ငံ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီက ဆေးကုသရေးအဖွဲ့အား ကျေးဇူးတင်ရှိကြောင်းစာလွှာ ချီးမြှင့်ခဲ့ပြီး ၎င်းတို့၏ တရုတ်-မြန်မာ ကျန်းမာရေးကဏ္ဍ ပူးပေါင်းဆောင်ရွက်မှု မြှင့်တင်ရာတွင် တက်ကြွစွာ အကျိုးဆောင်ပေးမှုကို အပြည့်အဝ အသိအမှတ်ပြုခဲ့သည်။

တရုတ်နိုင်ငံ နိုင်ငံတကာအရေးပေါ် ဆေးကုသရေးအဖွဲ့ (မကာအို) သည် WHO ၏ ဖိတ်ကြားချက်အရ ဧပြီ ၂၄ ရက်တွင် ငလျင်ဒဏ်သင့်ဒေသသို့ သွားရောက်၍ ငလျင်အလွန် အရေးပေါ် ဆေးကုသရေးဆိုင်ရာ ညှိနှိုင်းလုပ်ဆောင်မှုနှင့် နည်းပညာပံ့ပိုးမှုလုပ်ငန်းများ လုပ်ဆောင်ခဲ့သည်။

တရုတ်နိုင်ငံ နိုင်ငံတကာ အရေးပေါ်ဆေးကုသရေးအဖွဲ့ (မကာအို) သည် ၂၀၁၉ ခုနှစ်တွင် WHO ၏ နိုင်ငံတကာ အရေးပေါ်ဆေးကုသရေးအဖွဲ့အဖြစ် အသိအမှတ်ပြုခြင်းခံခဲ့ရပြီး ၂၀၂၀ ပြည့်နှစ်တွင် အတူလိုက်ပါ လှုပ်ရှားသောအဖွဲ့ပုံစံဖြင့် တရုတ်နိုင်ငံ နိုင်ငံတော် အရေးပေါ်ဆေးကုသရေးနှင့် ကယ်ဆယ်ရေးအဖွဲ့နှင့်အတူ အယ်လ်ဂျီးရီးယားနှင့် ဆူဒန်နိုင်ငံသို့ သွားရောက်ကာ ကပ်ရောဂါတိုက်ဖျက်ရေးတာဝန်များ ထမ်းဆောင်ခဲ့သည်။ (Xinhua)

#Macao #MedicalTeam #Post_QuakeSupport #မကာအို #ဆေးကုသရေးအဖွဲ့ #ငလျင်အလွန်ကူညီမှု
————————————-
(Chinese Version)
中国国际应急医疗队（澳门）完成缅甸灾后应急医疗工作返澳
新华社澳门5月9日电（记者郭雨祺、刘刚）中国国际应急医疗队（澳门）（以下简称医疗队）在缅甸完成为期14天的灾后应急医疗工作后，9日返回澳门。
据了解，在缅甸期间，医疗队与缅甸卫生部门及世界卫生组织驻缅甸代表处等机构展开多轮工作会谈，围绕灾区医疗救援、公共卫生应对及卫生防疫合作进行深入交流，并参加缅甸卫生部主办的地震救灾协调会议，与多国应急医疗队及国际组织共商灾后应对策略。缅甸国家自然灾害管理委员会已向医疗队颁发感谢信，充分肯定其在促进中缅卫生合作中的积极贡献。
应世界卫生组织邀请，中国国际应急医疗队（澳门）4月24日前往受灾区域开展灾后应急医疗协调与技术支持工作。中国国际应急医疗队（澳门）2019年通过世界卫生组织的国际应急医疗队认证，2020年以随队形式参与国家紧急医学救援队赴阿尔及利亚、苏丹抗疫任务。（完）
图说1：5月9日，中国国际应急医疗队（澳门）队员合影。新华社发（张金加 摄）
图说2：5月9日，中国国际应急医疗队（澳门）抵达澳门国际机场。新华社发（张金加 摄）