Asia
မလေးရှားနိုင်ငံ ဂက်စ်ပိုက်လိုင်းပေါက်ကွဲမှုကြောင့် မီးလောင်မှုအား ငြှိမ်းသတ်ပြီး၊ လူတစ်ရာကျော် ဒဏ်ရာရရှိ

ကွာလာလမ်ပူ၊ ဧပြီ ၂ ရက် (ဆင်ဟွာ)
မလေးရှားနိုင်ငံ ဆီလန်ဂေါပြည်နယ် Puchong ခရိုင်တွင် ဂက်စ်ပိုက်လိုင်းပေါက်ကွဲမှုကြောင့် ဖြစ်ပွားသည့် မီးလောင်မှုကို ဧပြီ ၁ ရက် ညနေပိုင်း၌ ငြှိမ်းသတ်နိုင်ခဲ့ကြောင်း သိရသည်။ အဆိုပါမီးလောင်မှုကြောင့် လူ ၁၁၂ ဦး ဒဏ်ရာရရှိခဲ့ကြောင်း၊ မတော်တဆဖြစ်ရသည့် အကြောင်းရင်းအား တစ်ဆင့်တိုးစစ်ဆေးရှာဖွေလျက်ရှိကြောင်း သိရသည်။
အဆိုပါ မီးလောင်ကျွမ်းမှုကို ဒေသစံတော်ချိန် ၁၅ နာရီ ၄၅ မိနစ်တွင် ငြှိမ်းသတ်နိုင်ခဲ့ကြောင်း၊ လက်ရှိတွင် မီးလောင်ကျွမ်းမှုကြောင့် သေဆုံးသူမရှိသေးကြောင်း Selangor ပြည်နယ် ဝန်ကြီးချုပ် Amirudin Shari က လူမှုမီဒီယာတွင် ပြောကြားခဲ့သည်။
မီးလောင်ကျွမ်းမှုကြောင့် စုစုပေါင်း လူ ၁၁၂ ဦး ဒဏ်ရာရရှိခဲ့ပြီး ၎င်းအနက် ၆၃ ဦးအား ဆေးကုသမှုခံယူရန် ဆေးရုံသို့ ပို့ဆောင်ထားကြောင်း Bernama သတင်းဌာနက ဖော်ပြထားသည်။ ထို့ပြင် မီးလောင်ကျွမ်းမှုကြောင့် အိမ် ၁၉၀ လုံး၊ ကား ၁၄၈ စီးနှင့် ဆိုင်ကယ် ၁၁ စီး ပျက်စီးခဲ့ရသည်။
မတော်တဆမှုဖြစ်ပွားသည့် ဂက်စ်ပိုက်လိုင်းဗားကို ပိတ်ထားပြီးဖြစ်ကာ အနီးတစ်ဝိုက်ဒေသသို့ လျှပ်စစ်ဓာတ်အားပေးမှုသည်လည်း ယာယီပြတ်တောက်ပြီးနောက် ပြန်လည် ဓာတ်အားပေးနေ ပြီဖြစ်ကြောင်း ဒေသတွင်းမီဒီယာနှင့် မီးသတ်ဌာန၏ သတင်းဖော်ပြချက်အရ သိရသည်။ ရဲတပ်ဖွဲ့နှင့် သက်ဆိုင်ရာဌာနကလည်း မတော်တဆဖြစ်သည့် အကြောင်းရင်းအား စုံစမ်းစစ်ဆေးသွားမည်ဖြစ်ကြောင်း ဖော်ပြထားသည်။
ဆီလန်ဂေါပြည်နယ် Puchong ခရိုင်တွင် ဧပြီ ၁ ရက် နံနက်ပိုင်း၌ ဂက်စ်ပိုက်လိုင်း မတော်တဆပေါက်ကွဲ၍ မီးလောင်ကျွမ်းမှုကြီး ဖြစ်ပွားခဲ့သည်။ မျက်မြင်တွေ့မြင်သူက လူမှုမီဒီယာ၌တင်ထားသော ဗီဒီယိုအရ မီးတောက်သည် မီတာ ရာချီ မြင့်မားကာ ကီလိုမီတာအနည်းငယ်အကွာမှ ရှင်းလင်းပြတ်သားစွာ တွေ့မြင်ရကြောင်း သိရသည်။ (Xinhua)

မလေးရှားနိုင်ငံ ဆီလန်ဂေါပြည်နယ်ရှိ မီးလောင်ကျွမ်းမှုနေရာကို ဧပြီ ၁ ရက်က တွေ့ရစဉ် (ဆင်ဟွာ)
——————–
(Chinese Version)
马来西亚燃气管道爆炸大火已扑灭 百余人受伤
新华社吉隆坡4月1日电(记者王嘉伟 毛鹏飞)马来西亚雪兰莪州蒲种地区因燃气管道爆炸引发的大火于4月1日下午被扑灭,大火导致112人受伤,事故原因仍待进一步调查。
雪兰莪州州务大臣阿米尔丁·沙里在社交媒体上表示,大火于当地时间15时45分被扑灭。目前尚无大火致人员死亡的报告。
据马新社报道,火灾共造成112人受伤,其中63人被送往医院治疗。此外,大火共烧毁190套房屋、148辆汽车及11辆摩托车。
另据当地媒体及消防部门消息,发生事故的燃气管道阀门已关闭,周边地区电力供应经短暂中断后已恢复。警方和相关部门将展开事故原因调查。
雪兰莪州蒲种地区4月1日上午发生燃气管道爆炸事故并引发大火。目击者在社交媒体上发布的视频显示,火焰高数百米,数公里外清晰可见。(完)
图说:这是4月1日在马来西亚雪兰莪州拍摄的火灾现场。新华社发(张纹综 摄)