တရုတ်ပြည်သူ့လွတ်မြောက်ရေးတပ်မတော်မှ Sinopharm COVID-19 ကာကွယ်ဆေး ဒုတိယအသုတ်အား ဗီယက်နမ်စစ်တပ် လက်ခံရရှိ

ဟနွိုင်း ၊ ဖေဖော်ဝါရီ ၁၀ ရက်(ဆင်ဟွာ)

တရုတ်နိုင်ငံ ပြည်သူ့လွတ်မြောက်ရေးတပ်မတော်(PLA)မှ ပေးအပ်သည့် Sinopharm COVID-19 ကာကွယ်ဆေး ဒုတိယအသုတ်အား ဗီယက်နမ် အမျိုးသားကာကွယ်ရေးဝန်ကြီးဌာနက လက်ခံရရှိခဲ့ကြောင်း သိရသည်။ကာကွယ်ဆေးများ သယ်ဆောင်လာသည့် PLA သယ်ယူပို့ဆောင်ရေးလေယာဉ်တစ်စင်းသည် ဟနွိုင်းမြို့ရှိ Noi Bai အပြည်ပြည်ဆိုင်ရာလေဆိပ်သို့ ဖေဖော်ဝါရီ ၈ ရက် နှောင်းပိုင်းတွင် ရောက်ရှိလာခဲ့ကြောင်း သိရသည်။

ဗီယက်နမ်နိုင်ငံ ဟနွိုင်းမြို့ရှိ Noi Bai အပြည်ပြည်ဆိုင်ရာလေဆိပ်၌ တရုတ်နိုင်ငံမှ လှူဒါန်းသည့် COVID-19 ကာကွယ်ဆေးများ လွှဲပြောင်းပေးအပ်သည့် အခမ်းအနားသို့ တက်ရောက်လာသော တာဝန်ရှိသူများအား ဖေဖော်ဝါရီ ၈ ရက်တွင် တွေ့ရစဉ်(Chinese Embassy to Vietnam/Handout via Xinhua)

ယင်းကာကွယ်ဆေးများ လွှဲပြောင်းပေးအပ်သည့်အခမ်းအနားတွင် ဗီယက်နမ်နိုင်ငံဆိုင်ရာ တရုတ်နိုင်ငံသံအမတ် Xiong Bo က COVID-19 ရောဂါတိုက်ဖျက်ရေး ပူးပေါင်းဆောင်ရွက်ခြင်းသည် လက်ရှိတွင် တရုတ်-ဗီယက်နမ် ပူးပေါင်းဆောင်ရွက်မှု၌ ဦးစားပေးတစ်ခု ဖြစ်ကြောင်း ၊ တရုတ်နိုင်ငံအနေဖြင့် COVID-19 ကာကွယ်ဆေး စုစုပေါင်း အကြိမ်ရေ ၅၂ သန်းစာ နှင့်အတူ ဗီယက်နမ်နိုင်ငံအား အများဆုံး ထောက်ပံ့ပေးထားကြောင်း နှင့် ကပ်ရောဂါ ထိန်းချုပ်ရေး နှင့် လူမှုစီးပွား ဖွံ့ဖြိုးတိုးတက်ရေး နှစ်ခုလုံးအတွက် ဗီယက်နမ်နိုင်ငံ၏ မဟာစီမံချက်အား ပံ့ပိုးပေးနေကြောင်း ပြောကြားခဲ့သည်။

ကာကွယ်ဆေးအကူအညီသည် အတူတကွ ကပ်ရောဂါတိုက်ဖျက်ရေး နှင့် အချင်းချင်း ကူညီရန် နှစ်နိုင်ငံ နှင့် တပ်မတော်နှစ်ရပ်အကြား နွေးထွေးသည့် ချစ်ကြည်ရင်းနှီးမှုကို ထပ်မံပြသခြင်း ဖြစ်ကြောင်း တရုတ်နိုင်ငံသံအမတ် Xiong Bo က ပြောကြားခဲ့ပြီး တရုတ်နိုင်ငံအနေဖြင့် ဗီယက်နမ်နိုင်ငံ၏ ကပ်ရောဂါတိုက်ဖျက်ရေး ကြိုးပမ်းမှုများအား ၎င်းတို့၏ လုပ်ဆောင်နိုင်စွမ်းအတွင်း အားပေးရန် နှစ်နိုင်ငံခေါင်းဆောင်များ ရရှိခဲ့သည့် သဘောတူညီချက်များအား ဆက်လက်အကောင်အထည်ဖော်ရန် ဆန္ဒရှိကြောင်း ၎င်းက ဖြည့်စွက်ပြောကြားခဲ့သည်။

ကာကွယ်ဆေးအကူအညီများ ထောက်ပံ့ပေးခြင်းအတွက် တရုတ်နိုင်ငံအား ကျေးဇူးတင်ကြောင်း ဗီယက်နမ် အမျိုးသားကာကွယ်ရေး ဒုတိယဝန်ကြီး Hoang Xuan Chien က ပြောကြားခဲ့ပြီး ယင်းကာကွယ်ဆေးအကူအညီသည် နှစ်နိုင်ငံအကြား “ရဲဘော်ရဲဘက်များ နှင့် ညီအစ်ကိုများ” ၏ ချစ်ကြည်ရင်းနှီးမှုကို ထင်ဟပ်သည်ဟု ဆိုသည်။

ဗီယက်နမ်နိုင်ငံအနေဖြင့် ကာကွယ်ဆေးများ ဖြန့်ဝေခြင်း နှင့် ထိုးနှံပေးခြင်းများအား ဆောင်ရွက်သွားမည် ဖြစ်ကြောင်း ၊ ရောဂါကာကွယ်ရေး နှင့် ထိန်းချုပ်ရေးသာမက စီးပွားရေး နလံထူရေးတို့ကို တိုးတက်ကောင်းမွန်အောင် ဆောင်ရွက်လျက်ရှိကြောင်း ၎င်းက ပြောကြားခဲ့သည်။

၂၀၂၁ ခုနှစ် ဩဂုတ်လတွင် ဗီယက်နမ်စစ်တပ်သည် တရုတ်နိုင်ငံ PLA မှ ပေးပို့သည့် Sinopharm ကာကွယ်ဆေး ပထမအသုတ်အား လက်ခံရရှိခဲ့ကြောင်း သိရသည်။

ဗီယက်နမ်နိုင်ငံ၌ ဖေဖော်ဝါရီ ၉ ရက်အထိ COVID-19 ရောဂါဖြစ်ပွားမှု ၂ ဒသမ ၄ သန်းကျော်ရှိပြီး အများစုမှာ ၂၀၂၁ ခုနှစ် ဧပြီလနှောင်းပိုင်း၌ စတင်ခဲ့သည့် လက်ရှိကူးစက်ဖြစ်ပွားမှုလှိုင်းများအတွင်း ဖြစ်ကြောင်း ဗီယက်နမ်ကျန်းမာရေးဝန်ကြီးဌာနထံမှ သိရသည်။ (Xinhua)

…………………………………………

(English Version)

Vietnamese military receives 2nd batch of Sinopharm COVID-19 vaccines from PLA

HANOI, Feb. 10 (Xinhua) — The Vietnamese Ministry of National Defense has received the second batch of Sinopharm COVID-19 vaccine presented by the People’s Liberation Army (PLA) of China.

A PLA transport aircraft carrying the vaccine doses arrived late Tuesday at Noi Bai International Airport in the Vietnamese capital Hanoi.

At the handover ceremony, Chinese Ambassador to Vietnam Xiong Bo said cooperating to combat COVID-19 is currently a priority in China-Vietnam cooperation, and that China has by far provided Vietnam with a total of 52 million doses of COVID-19 vaccines, contributing to Vietnam’s master plan for both epidemic control and socio-economic development.

The vaccine aid once again demonstrated the warm friendship between the two countries and two militaries to help each other and fight against the pandemic together, Xiong said, adding that the Chinese side is willing to continue to implement the consensus reached by the leaders of the two countries, to support Vietnam’s anti-epidemic efforts within its capacity.

Thanking the Chinese side for providing the vaccine aid, Hoang Xuan Chien, Vietnam’s deputy minister of national defense, said the vaccine aid reflects the friendship of “comrades and brothers” between his country and China.
He said the Vietnamese side will do a good work of distributing and administering the vaccines, better serving disease prevention and control as well as economic recovery.

In August 2021, the Vietnamese military received the first batch of Sinopharm vaccines sent by the Chinese PLA.
According to Vietnam’s Ministry of Health, as of Wednesday, the Southeast Asian country had registered over 2.4 million COVID-19 cases, mostly in the current wave of infections which started in late April last year. ■

Photo 1 – Chinese Ambassador to Vietnam Xiong Bo (3rd L) and Hoang Xuan Chien (4th R), Vietnam’s deputy minister of national defense, attend a handover ceremony of China-donated COVID-19 vaccines at Noi Bai International Airport in Hanoi, Vietnam, Feb. 8, 2022. (Chinese Embassy to Vietnam/Handout via Xinhua)

Photo 2 – Chinese Ambassador to Vietnam Xiong Bo (L) and Hoang Xuan Chien, Vietnam’s deputy minister of national defense, attend a handover ceremony of China-donated COVID-19 vaccines at Noi Bai International Airport in Hanoi, Vietnam, Feb. 8, 2022. (Chinese Embassy to Vietnam/Handout via Xinhua)