တရုတ်နိုင်ငံက ရှန်ကျိုး-၁၉ လူလိုက်ပါသော အာကာသယာဉ်အား အောက်တိုဘာ ၃၀ ရက်တွင် လွှတ်တင်မည်

ကျိုချွမ်၊ အောက်တိုဘာ ၂၉ ရက် (ဆင်ဟွာ)

တရုတ်နိုင်ငံသည် ရှန်ကျိုး-၁၉ လူလိုက်ပါသော အာကာသယာဉ်အား ၂၀၂၄ ခုနှစ် အောက်တိုဘာ ၃၀ ရက် ပေကျင်းစံတော်ချိန် နံနက် ၄ နာရီ ၂၇ မိနစ်တွင် နိုင်ငံ အနောက်မြောက်ပိုင်းရှိ ကျိုချွမ် ဂြိုဟ်တုလွှတ်တင်ရေးစင်တာမှ လွှတ်တင်ရန် စီစဉ်ထားကြောင်း တရုတ်နိုင်ငံ လူလိုက်ပါသော အာကာသအေဂျင်စီ (CMSA) က အောက်တိုဘာ ၂၉ ရက်၌ ကြေညာခဲ့သည်။အဆိုပါ လွှတ်တင်မှုအတွက် Long March-2F သယ်ယူပို့ဆောင်ရေး ဒုံးပျံအား အသုံးပြုမည်ဖြစ်ကာ မကြာမီတွင် ယင်းဒုံးပျံအား တွန်းကန်ပစ္စည်းများ ဖြည့်သွင်းမည်ဖြစ်ကြောင်း CMSA ဒုတိယညွှန်ကြားရေးမှူး လျင်ရှီးချန်က သတင်းစာရှင်းလင်းပွဲ၌ ပြောကြားခဲ့သည်။

ရှန်ကျိုး-၁၉ သည် တရုတ်နိုင်ငံ၏ လူလိုက်ပါသော အာကာသအစီအစဉ်၏ ၃၃ ကြိမ်မြောက် ပျံသန်းရေးမစ်ရှင် ဖြစ်သကဲ့သို့ တရုတ်နိုင်ငံ၏ အာကာသစခန်းအား တည်ဆောက်အသုံးပြုဆဲအဆင့်၌ စတုတ္ထမြောက် လူလိုက်ပါသော မစ်ရှင်လည်းဖြစ်သည်။

ရှန်ကျိုး-၁၉ အာကာသယာဉ်သည် ဂြိုဟ်ပတ်လမ်းထဲသို့ ဝင်ရောက်ပြီးပါက အာကာသစခန်း ပင်မမော်ဂျူး၏ အရှေ့ဘက်ချိတ်ဆက်ပေါက်နှင့် လျင်မြန်စွာ အလိုအလျောက် ချဉ်းကပ်ခြင်းနှင့် ချိတ်ဆက်ခြင်းတို့ကို အချိန် ၆ နာရီခွဲ ဝန်းကျင်အတွင်း လုပ်ဆောင်သွားမည်ဖြစ်ကာ မော်ဂျူးသုံးခုနှင့် အာကာသယာဉ်သုံးခုအား တစ်စုတစ်စည်းတည်း စုဖွဲ့ချိတ်ဆက်ထားမည်ဖြစ်သည်။
ရှန်ကျိုး-၁၉ အာကာသယာဉ်နှင့် Long March-2F သယ်ယူပို့ဆောင်ရေးဒုံးပျံတို့၏ ထုတ်ကုန်အရည်အသွေးအား ကြပ်မတ်ထိန်းချုပ်မှု ပြုလုပ်ထားသည်။ ရှန်ကျိုး-၁၉ မစ်ရှင်အဖွဲ့သားများမှာလည်း ကျန်းမာ‌ရေးကောင်းမွန်လျက်ရှိကြောင်း သိရသည်။ မြေပြင်စနစ်ဆိုင်ရာ အဆောက်အအုံများနှင့် ပစ္စည်းကိရိယာများကိုလည်း တည်တည်ငြိမ်ငြိမ်ဖြင့် လည်ပတ်အသုံးပြုလျက်ရှိကြောင်း လျင်က ဆိုသည်။

အာကာသစခန်း ပေါင်းစည်းမှုမှာ လတ်တလောတွင် ပုံမှန်အခြေအနေအတိုင်း ရှိနေကာ လွှတ်တင်ရန်အတွက် ပြင်ဆင်မှုအားလုံး ပြီးမြောက်သွားပြီဖြစ်ကြောင်းလည်း သိရသည်။

လတ်တလောတွင် ဂြိုဟ်ပတ်လမ်းအတွင်း၌ရှိနေသည့် ရှန်ကျိုး-၁၈ အဖွဲ့သားများက ရှန်ကျိုး-၁၉ အဖွဲ့သားများထံ လုပ်ငန်းတာဝန်များ အပြီးသတ်လွှဲပြောင်းပြီးနောက် နိုဝင်ဘာ ၄ ရက်၌ တုန်းဖုန်း ဆင်းသက်ရေးစခန်းဆီသို့ ပြန်လည်ထွက်ခွာရန် စီစဉ်ထားသည်။

ထျန်းကျိုး-၈ ကုန်တင်အာကာသယာဉ် လွှတ်တင်မည့် တရုတ်နိုင်ငံ တောင်ပိုင်း၊ ဟိုင်နန်ပြည်နယ်ရှိ ဝန်ချန်း အာကာသယာဉ် လွှတ်တင်ရေးစခန်း၌ စူပါတိုင်ဖွန်းမုန်တိုင်း ရာဂီ၏ သက်ရောက်မှုများ ဖြစ်ပေါ်ခဲ့သဖြင့် ထျန်းကျိုး-၈ မစ်ရှင်အား နိုဝင်ဘာလလယ်၌ စတင်ရန် အစီအစဉ် ပြန်လည်ရေးဆွဲထားကြောင်း လျင်က ပြောကြားခဲ့သည်။

ထျန်းကျိုး-၈ မစ်ရှင်အတွက် ပြင်ဆင်မှုများသည်လည်း ပြန်လည်သတ်မှတ်ထားသော အစီအစဉ်အတိုင်း အဆင်ပြေချောမွေ့စွာဖြင့် တိုးတက်လျက်ရှိသည်။ တရုတ်နိုင်ငံ၏ အာကာသစခန်း မစ်ရှင်များ၏ စီမံကိန်းနှင့် ပတ်သက်၍လည်း အလားတူ အခြေအနေများကို ထည့်သွင်းစဉ်းစားလျက်ရှိကြောင်း၊ လက်ရှိတွင် ဂြိုဟ်ပတ်လမ်းအတွင်း ထောက်ပံ့ပစ္စည်းများ အလုံအလောက်ရှိနေကြောင်းလည်း လျင်က ဖြည့်စွက်ပြောကြားခဲ့သည်။ (Xinhua)
—————————-
(English Version)
China to launch Shenzhou-19 crewed spaceship on Oct. 30
JIUQUAN, Oct. 29 (Xinhua) — China’s Shenzhou-19 crewed spaceship is scheduled to be launched at 4:27 a.m. Wednesday (Beijing Time) from the Jiuquan Satellite Launch Center in the country’s northwest, the China Manned Space Agency (CMSA) announced Tuesday.
Lin Xiqiang, deputy director of the CMSA, said at a press conference that the launch will use a Long March-2F carrier rocket, which will soon be filled with propellant.
Shenzhou-19 is the 33rd flight mission of China’s manned space program and the fourth manned mission during the application and development stage of China’s space station.
After entering orbit, the Shenzhou-19 spaceship will perform a fast, automated rendezvous and docking with the front port of the space station core module Tianhe in about 6.5 hours, forming a combination of three modules and three spacecraft, Lin said.
Product qualities of the Shenzhou-19 spaceship and the Long March-2F carrier rocket are under control. The Shenzhou-19 crew is in good condition. Ground system facilities and equipment are in stable operation, Lin said.
He added that the space station combination is now in normal status and all preparations for the launch have been completed.
The Shenzhou-18 crew, currently in orbit, is scheduled to return to the Dongfeng landing site on Nov. 4 after completing the work handover to the Shenzhou-19 crew.
According to Lin, due to the impact of Super Typhoon Yagi on the Wenchang Spacecraft Launch Site in south China’s Hainan Province, where the Tianzhou-8 cargo spacecraft is to be launched, the Tianzhou-8 mission has been rescheduled for mid-November.
Preparations for Tianzhou-8 are progressing smoothly in accordance with the revised plan. Lin added that the planning of China’s space station missions has taken into account similar situations, and there is now an ample supply of materials in orbit. Enditem
English Caption
This photo taken on Oct. 22, 2024 shows the combination of the Shenzhou-19 crewed spaceship and a Long March-2F carrier rocket being transferred to the launch area. (Photo by Wang Jiangbo/Xinhua)