၂၀၂၄ ခုနှစ် နိုဝင်ဘာ ၉ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— အိုဆာဆူနာအသင်းနှင့် လာလီဂါပွဲစဉ်က အိမ်ကွင်းရှုံးပွဲဆက်နေသည့် ရီးရဲလ်မက်ဒရစ်အတွက် အရေးကြီးပွဲစဉ်ဖြစ်လာ
ရီးရဲလ်မက်ဒရစ်အသင်းအနေဖြင့် ယုံကြည်မှု ပြန်လည်တည်ဆောက်ရန်နှင့် လာလီဂါ အမှတ်ပေးချန်ပီယံဆုကို ပြန်လည်စိန်ခေါ်နိုင်ရန် ရည်မှန်းထားစဉ် အရေးပါသော ပွဲစဉ်တစ်ပွဲအဖြစ် အိုဆာဆူနာအသင်းအား နိုဝင်ဘာ ၉ ရက်၌ အိမ်ကွင်းတွင် လက်ခံကစားရမည်ဖြစ်သည်။
လွန်ခဲ့သော သီတင်းနှစ်ပတ်က ဘာစီလိုနာအား ၀-၄ ဂိုးဖြင့်လည်းကောင်း၊ အေစီမီလန်အား ၁-၃ ဂိုးဖြင့်လည်းကောင်း အိမ်ကွင်း၌ နှစ်ပွဲဆက် ရှုံးနိမ့်ခဲ့ပြီးနောက် ယခုဘောလုံးရာသီတွင် နည်းပြ ကာလိုအန်ဆလော့တီ၏ အသင်းအပေါ် အကြီးအကျယ် မေးခွန်းထုတ်စရာ ဖြစ်လာခဲ့သည်။ ရီးရဲလ်အသင်း၏ဘယ်ခြမ်းတွင် ဗင်နီစီယက်စ် ဂျူနီယာ ဆက်လက်နေရာယူထားသည့်အတွက် ဗဟိုတိုက်စစ်တွင် အသားကျရန် ရုန်းကန်ရလျက်ရှိသည့် တိုက်စစ်မှူး ကီလီယန် အမ်ဘာပေမှာ လာမည့် နိုင်ငံတကာပွဲစဉ်များအတွက် ရွေးချယ်ထားသော ပြင်သစ်အသင်း၏ လူစာရင်းမှ ချန်လှပ်ခံခဲ့ရသည်။
…..
— စပိန်အသင်းနည်းပြ ဒယ်လာဖွန်တေက ကစားသမားသစ်သုံးဦးအား ခေါ်ယူအားဖြည့်
စပိန်လက်ရွေးစင်အသင်းနည်းပြ လူးဝစ္စ ဒယ်လာဖွန်တေသည် လာမည့် ယူအီးအက်ဖ်အေ နေးရှင်းလိဂ်ပွဲစဉ်များ ယှဉ်ပြိုင်ကစားရန်အတွက် အသင်းလူစာရင်းတွင် မပါဝင်ဖူးသေးသည့် ကစားသမားသစ်သုံးဦးအား ရွေးချယ်ခဲ့သည်။
နိုဝင်ဘာ ၁၅ ရက်၌ ဒိန်းမတ်အသင်းနှင့်လည်းကောင်း၊ နိုဝင်ဘာ ၁၈ ရက်၌ ဆွစ်ဇာလန်အသင်းနှင့်လည်းကောင်း ယှဉ်ပြိုင်ကစားရမည့် ပွဲစဉ်များအတွက် ဘာစီလိုနာ ကွင်းလယ်ကစားသမား မာ့ခ်ကာဆာဒို၊ အက်သလက်တစ် ဘီလ်ဘာအို နောက်ခံလူ အိုင်တာ ပါရီဒက်စ်၊ ပေါ်တို တိုက်စစ်မှူး ဆာမူ အိုမိုရိုဒီယွန်းတို့အား အသင်းလူစာရင်း၌ ထည့်သွင်းရွေးချယ်ခဲ့သည်။ စပိန်အသင်းက အုပ်စုဗိုလ်အဖြစ် နောက်တစ်ဆင့်တက်နိုင်ရန် ရည်မှန်းထားသည်။
…..
— ဘရာဇီး စီးရီးအေ ဘောလုံးပြိုင်ပွဲတွင် ပါမီးရက်စ်က ဂရီမီယိုအား လူငယ်ကြယ်ပွင့် အက်စတယ်ဗို၏ သွင်းဂိုးဖြင့် အနိုင်ရရှိ
နိုဝင်ဘာ ၈ ရက်က ယှဉ်ပြိုင်ကစားခဲ့သည့် ဘရာဇီး စီးရီးအေ ဘောလုံးပြိုင်ပွဲတွင် လက်ရှိချန်ပီယံ ပါမီးရက်စ်အသင်းက ဂရီမီယိုအား ၁-၀ ဂိုးဖြင့် အနိုင်ရရှိခဲ့ပြီး ဆယ်ကျော်သက် ကြယ်ပွင့်ကစားသမား အက်စတယ်ဗိုက တစ်လုံးတည်းသော အနိုင်ဂိုးအား သွင်းယူခဲ့သည်။
ပွဲချိန် ၇၃ မိနစ်တွင် ပါမီးရက်စ်ကစားသမား ဒူဒူ၏ အဝေးကန်ချက်အား ပြိုင်ဘက်ဂိုးသမား အော်ဂတ်စတင် မာချီဆင် ပုတ်ထုတ်ရာမှ လျှံထွက်လာသည့်ဘောလုံးကို အက်စတယ်ဗိုက အနီးကပ်သွင်းယူခဲ့သည်။ အသက် ၁၇ နှစ်အရွယ် အက်စတယ်ဗိုသည် လာမည့်နှစ် ဇူလိုင်လတွင် ချဲလ်ဆီးအသင်းသို့ ပြောင်းရွှေ့ကစားမည်ဖြစ်ကာ ယခုနှစ် ထိပ်တန်းအဆင့် ပွဲစဉ်များတွင် ၂၇ ပွဲ ပါဝင်ကစားထားပြီး ၁၂ ဂိုး သွင်းယူကာ ဂိုးဖန်တီးမှု ၈ ကြိမ် ပြုလုပ်ထားသည်။
…..
— WTT Champions Frankfurt စားပွဲတင်တင်းနစ်ပြိုင်ပွဲတွင် တရုတ်ကစားသမား လျင်ရှီးတုန်းက ဂျပန်ကစားသမားအား အနိုင်ယူ
နိုဝင်ဘာ ၈ ရက်က ယှဉ်ပြိုင်ခဲ့သည့် WTT Champions Frankfurt စားပွဲတင်တင်းနစ်ပြိုင်ပွဲတွင် တရုတ်နိုင်ငံမှ တက်သစ်စကြယ်ပွင့် လျင်ရှီးတုန်းက ဂျပန်ကစားသမား ဆိုရ မာဆုရှိမအား ၃-၁ ဖြင့် အနိုင်ရရှိကာ ဆီမီးဖိုင်နယ်သို့ တက်ရောက်သွားခဲ့သည်။
အဆိုပါပြိုင်ပွဲ၌ ဆီဒင်-၂ ကစားသမားဖြစ်သည့် လျင်က မာဆုရှိမ၏ အပြင်းအထန် တုံ့ပြန်မှုကို ကြံ့ကြံ့ခံကျော်လွှား၍ အမျိုးသားတစ်ဦးချင်းပြိုင်ပွဲ၌ နောက်တစ်ဆင့်သို့ တက်ရောက်နိုင်ခဲ့ခြင်းဖြစ်သည်။ (Xinhua)

…………………
(English Version)
Vital game as Real Madrid entertains Osasuna following consecutive home defeats
Real Madrid has a vital game at home to Osasuna on Saturday as they look to recover confidence and form and get back into the race for the La Liga title.
A pair of consecutive home defeats – 4-0 to FC Barcelona two weeks ago and a 3-1 loss to AC Milan – have raised big questions about Carlo Ancelotti’s side this season. Kylian Mbappe, who has been left out of the France squad for the forthcoming internationals, is struggling to adapt to a central role while Vinicius Jr continues on the left.
…..
Spain coach De la Fuente hands debut call-ups to three players
Spain national coach Luis de la Fuente has handed debut call-ups to three players for his side’s forthcoming UEFA Nations League games.
FC Barcelona midfielder Marc Casado, Athletic Bilbao defender Aitor Paredes and Porto forward Samu Omorodion are included in the squad to play Denmark on November 15, followed by a home match against Switzerland three days later, as Spain looks to finish top of their group.
…..
Teenager Estevao leads Palmeiras to victory over Gremio
Chelsea-bound teenager Estevao scored late as reigning champions Palmeiras clinched a 1-0 home win over Gremio in Brazil’s Serie A championship on Friday.
The 17-year-old struck in the 73rd minute with a first-time effort from close range after Dudu’s long-range attempt was parried away by goalkeeper Agustin Marchesin. Estevao, who will join Chelsea next July, has now scored 12 goals and provided eight assists in 27 top-flight games this year.
…..
China’s Lin Shidong denies Matsushima at WTT Champions Frankfurt
China’s rising star Lin Shidong secured a semifinal spot with a 3-1 win over Sora Matsushima of Japan on Friday at WTT Champions Frankfurt.
Seeded second in the tournament, Lin withstood a strong comeback attempt by Matsushima to advance in the men’s singles competition.