မြန်မာနိုင်ငံရှိ တက္ကသိုလ်ကျောင်းသား/ကျောင်းသူများအတွက် Bank of China ပညာသင်ဆုများ ချီးမြှင့်

ရန်ကုန်၊ ဒီဇင်ဘာ ၇ ရက် (ဆင်ဟွာ)
Bank of China Hong Kong ရန်ကုန်ဘဏ်ခွဲက ရန်ကုန်တက္ကသိုလ်မှ မြန်မာကျောင်းသား/ကျောင်းသူဦးရေ ၁၀၀ အား ၂၀၂၄-၂၀၂၅ ပညာသင်နှစ် ပထမနှစ်ဝက်အတွက် ပညာသင်ထောက်ပံ့ကြေးဆုများနှင့် ပညာသင်ဆုများ ပေးအပ်ချီးမြှင့်ပွဲကို ရန်ကုန်မြို့တွင် ဒီဇင်ဘာ ၆ ရက်က ကျင်းပခဲ့သည်။
Bank of China Scholarship Program က ၂၀၂၂ ခုနှစ်မှစတင်၍ ရန်ကုန်တက္ကသိုလ်မှ ထူးချွန်သော ကျောင်းသား/ကျောင်းသူ ၃၀၀ ဦးကို ၎င်းတို့၏ ပညာသင်ယူမှုပြီးမြောက်စေရန်နှင့် ၎င်းတို့၏ အလုပ်အကိုင် စွမ်းရည်များ တိုးတက်ကောင်းမွန်လာစေရန် ပံ့ပိုးကူညီပေးခဲ့ကြောင်း သိရှိရခြင်းအတွက် အလွန်ဝမ်းမြောက်ကြောင်း မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး Ma Jia က ဆုချီးမြှင့်ခြင်းအခမ်းအနား၌ ပြောကြားခဲ့သည်။
ကျောင်းသား/ကျောင်းသူများအနေဖြင့် စာကြိုးစားသင်ပြီး အရည်အချင်းများ တိုးမြင့်လာ၍ တတ်နိုင်သမျှ ထူးချွန်ထက်မြက်သော လူတော်လူကောင်းများ ဖြစ်လာအောင် မိဘများနှင့် လူ့အဖွဲ့အစည်းကို ပြန်ပြီးအကျိုးပြုကာ နိုင်ငံ၏တည်ဆောက်ရေးနှင့် ဖွံ့ဖြိုးတိုးတက်ရေးကိုလည်း အထောက်အပံ့ပေးနိုင်မည်ဟု မျှော်လင့်မိကြောင်း ၎င်းက ဖြည့်စွက်ပြောခဲ့သည်။
Bank of China Hong Kong (Holdings) Limited ဒုတိယအမှုဆောင်အရာရှိချုပ် Li Tong က ပညာသင်ဆုများ အဆင်ပြေချောမွေ့စေရန် တရုတ်နိုင်ငံကျေးလက်ဒေသဖွံ့ဖြိုးတိုးတက်ရေးသင်း (CFRD) ၏ အခန်းကဏ္ဍကို ကျေးဇူးတင်ကြောင်း ထည့်သွင်းပြောကြားခဲ့သည်။
BOC Hong Kong ရန်ကုန်ဘဏ်ခွဲအနေဖြင့် လူမှုရေးတာဝန်များကို တက်ကြွစွာထမ်းဆောင်ပြီး ပရဟိတလုပ်ငန်းဆောင်ရွက်မှုများကိုလည်း များစွာလုပ်ဆောင်ခဲ့ကြောင်း ၎င်းက ဆိုသည်။
မြန်မာနိုင်ငံရှိ ကျောင်းသား/ကျောင်းသူများကို ပညာသင်ဆုများ ချီးမြှင့်ခြင်းသည် လူ့စွမ်းအားအရင်းအမြစ်များ ထွက်ပေါ်လာရေး၊ မြန်မာနိုင်ငံ စီးပွားရေးရေရှည်ဖွံ့ဖြိုးတိုးတက်စေရေး ပြည်သူများဘဝတိုးတက်ကောင်းမွန်လာစေရေးတို့အတွက် ရည်ရွယ်ခြင်းဖြစ်ကြောင်း ၎င်းက ဆိုသည်။
ရန်ကုန်တက္ကသိုလ် ပါကမောက္ခချုပ် ဒေါက်တာ တင်မောင်ထွန်းက မြန်မာနိုင်ငံတွင် ပညာရေးအတွက် အခက်အခဲရှိနေသော၊ ပညာထူးချွန်သော ကျောင်းသား/ကျောင်းသူများအား လိုအပ်သည့် အကူအညီများပေးအပ်ခြင်းအတွက် Bank of China Hong Kong နှင့် CFRD တို့ကို ကျေးဇူးတင်ကြောင်း ပြောကြားခဲ့သည်။
BOC ပညာသင်ဆုအစီအစဉ်က ကျောင်းသား/ကျောင်းသူများကို ပညာသင်ထောက်ပံ့ကြေး ချီးမြှင့်ခြင်းသာမကဘဲ ကျောင်းသား/ကျောင်းသူများ၏ အရည်အသွေးမြှင့်တင်ခြင်းအပြင် စာသင်ခန်းပြင်ပအတွေ့အကြုံများရရှိစေရန် internship အစီအစဉ်များကိုလည်း စီစဉ်ဆောင်ရွက်ပေးသည့်အတွက် အလွန်ကောင်းမွန်သည့် လုပ်ငန်းအစီအစဉ်ဖြစ်ကြောင်း ၎င်းက ချီးကျူးပြောကြားခဲ့သည်။
ထို့ပြင် ကျောင်းသား/ကျောင်းသူများအနေဖြင့်လည်း BOC က ရှေ့ဆက်ဆောင်ရွက်မည့် အလုပ်ရုံဆွေးနွေးပွဲများနှင့် လေ့ကျင့်ရေး၊ သင်တန်းအစီအစဉ်များတွင်လည်း ပါဝင်ကြရန် တိုက်တွန်းကြောင်း၊ ထိုကဲ့သို့ ပါဝင်ခြင်းအားဖြင့် ဗဟုသုတများ ရရှိနိုင်သည်သာမက အနာဂတ်လုပ်ငန်းခွင်အတွက်လည်း အတွေ့အကြုံများ ရရှိစေမည်ဖြစ်ကြောင်း ဒေါက်တာ တင်မောင်ထွန်းက ပြောခဲ့သည်။
ယခုကဲ့သို့ အစီအစဉ်သည် တရုတ်-မြန်မာ ချစ်ကြည်ရေးအတွက် ပေါင်းကူးတံတားလည်း ဖြစ်စေမည်ဖြစ်ကြောင်း၊ ပညာသင်ဆုရရှိသော ကျောင်းသား/ကျောင်းသူများအနေဖြင့်လည်း ထူးချွန်ထက်မြက်သူများအဖြစ် ပိုမိုကြိုးစားပြီး နိုင်ငံအတွက် လူ့စွမ်းအားအရင်းအမြစ်များဖြစ်အောင် ကြိုးစားစေလိုကြောင်း ၎င်းက ဖြည့်စွက်ပြောခဲ့သည်။
၂၀၂၄-၂၀၂၅ ပညာသင်နှစ် ပထမနှစ်ဝက် ကျောင်းသား/ကျောင်းသူများအတွက် ဒီဇင်ဘာ ၆ ရက်တွင် ပေးအပ်ခဲ့သော BOC ပညာသင်ဆုအစီအစဉ်သည် ရန်ကုန်တက္ကသိုလ်မှ ကျောင်းသား/ကျောင်းသူ ၁၀၀ အား ပညာသင်ထောက်ပံ့ကြေးဆု ၇၅ ခုနှင့် ပညာသင်ဆု ၂၅ ခု ပေးအပ်ချီးမြှင့်ခဲ့ခြင်းဖြစ်ကြောင်း သိရသည်။ (Xinhua)

မြန်မာနိုင်ငံ ရန်ကုန်မြို့တွင် ၂၀၂၄ ခုနှစ် ဒီဇင်ဘာ ၆ ရက်က ကျင်းပသော Bank of China (BOC) ပညာသင်ဆုအစီအစဉ် ဆုချီးမြှင့်ခြင်းအခမ်းအနား၌ အမှာစကားပြောကြားနေသော မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး Ma Jia ကို တွေ့ရစဉ် (ဆင်ဟွာ)

မြန်မာနိုင်ငံ ရန်ကုန်မြို့တွင် ၂၀၂၄ ခုနှစ် ဒီဇင်ဘာ ၆ ရက်က ကျင်းပသော Bank of China (BOC) ပညာသင်ဆုအစီအစဉ် ဆုချီးမြှင့်ခြင်းအခမ်းအနား၌ အမှာစကားပြောကြားနေသော Bank of China Hong Kong (Holdings) Limited ဒုတိယအမှုဆောင်အရာရှိချုပ် Li Tong ကို တွေ့ရစဉ် (ဆင်ဟွာ)

………………………
(English Version)
Bank of China awards scholarships to university students in Myanmar

YANGON, Dec. 6 (Xinhua) — The Bank of China Hong Kong Yangon Branch awarded stipends and scholarships to 100 Myanmar students from the University of Yangon for the first semester of the 2024-25 academic year at a ceremony held in Yangon on Friday.
Speaking at the event, Chinese Ambassador to Myanmar Ma Jia said that she was happy to know that the Bank of China (BOC) Scholarship Program has helped 300 students from the University of Yangon to complete their studies and improve their job skills since the launch of the program in 2022.
She added she hopes that the students would study hard and improve their skills, and strive to become excellent and good people as much as possible, so that they can contribute to their parents and society, and contribute to the building and development of the country.
Li Tong, Deputy Chief Executive of Bank of China Hong Kong (Holdings) Limited, thanked the China Foundation for Rural Development (CFRD) for its role in facilitating the scholarships.
He highlighted that in recent years, the BOC Hong Kong Yangon Branch has actively engaged in social and philanthropic activities.
The provision of scholarships to the students in Myanmar aims to enhance human resource development, promote sustainable economic growth in Myanmar, and improve the lives of its people, she said.
Dr. Tin Maung Tun, Rector of the University of Yangon, expressed gratitude to the Bank of China Hong Kong and CFRD for their support to students in need in Myanmar.
He also praised the BOC Scholarship Program for not only offering financial assistance but also providing capacity-building opportunities and internship programs for students.
He encouraged students to participate in workshops and training sessions organized by BOC, saying that these activities would provide them with valuable knowledge and experiences for their future careers.
He added that such programs serve as a bridge for China-Myanmar friendship. He also urged the students to work hard to become outstanding citizens who can contribute to the country’s development.
On Friday, the BOC scholarship program for the students for the first semester of the 2024-25 academic year provided 75 stipends and 25 scholarships for 100 students from the University of Yangon.
Photo 1: Participants pose for a group photo during the awarding ceremony of the Bank of China (BOC) Scholarship Program in Yangon, Myanmar, Dec. 6, 2024. (Xinhua/Myo Kyaw Soe)
Photo 2: Chinese Ambassador to Myanmar Ma Jia speaks during the awarding ceremony of the Bank of China (BOC) Scholarship Program in Yangon, Myanmar, Dec. 6, 2024. (Xinhua/Myo Kyaw Soe)
Photo 3: Li Tong, deputy chief executive of the Bank of China Hong Kong (Holdings) Limited, speaks during the awarding ceremony of the Bank of China (BOC) Scholarship Program in Yangon, Myanmar, Dec. 6, 2024. (Xinhua/Myo Kyaw Soe)