၂၀၂၄ ခုနှစ် ဒီဇင်ဘာ ၂၉ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— ခရစ္စမတ်ပွဲကျပ်ကာလ ဒီဇင်ဘာ ၂၉ ရက် ပရီးမီးယားလိဂ်ပွဲစဥ်များတွင် လီဗာပူးလ်နှင့် ဝက်စ်ဟမ်း၊ မန်စီးတီးနှင့် လက်စတာစီးတီး ပွဲစဥ်များ ပါဝင်
ခရစ္စမတ်ပွဲကျပ်ကာလ ပရီးမီးယားလိဂ် ပွဲစဥ်များကို ဒီဇင်ဘာ ၂၉ ရက်၌ ဆက်လက်ယှဥ်ပြိုင်ကစားမည်ဖြစ်ပြီး ပွဲစဥ် ၆ ပွဲ ယှဥ်ပြိုင်မည်ဖြစ်ကာ လီဗာပူးလ်အသင်းက ပြိုင်ဘက်များကို အမှတ်ပိုဖြတ်နိုင်ရန် ကြိုးပမ်းမည်ဖြစ်သလို မန်ချက်စတာစီးတီးအသင်းကလည်း နိုင်ပွဲပြန်လည်ရရှိရေးအတွက် ကြိုးပမ်းသွားမည်ဖြစ်သည်။
လီဗာပူးလ်အသင်းက အသင်းလိုက်စုစည်းမှု တဖြည်းဖြည်း ပိုကောင်းလာပုံရသည့် ဝက်စ်ဟမ်းအသင်းအား အဝေးကွင်း၌ သွားရောက်ယှဥ်ပြိုင်ရမည်ဖြစ်ကာ ဝက်စ်ဟမ်းအနေဖြင့် နည်းပြ ဂျူလန်လိုပယ်တယ်ဂီအပေါ် ကျရောက်နေသော ဖိအားများကို ဖယ်ရှားနိုင်ရန် ကြိုးပမ်းမည်ဖြစ်သည်။
လီဗာပူးလ်အသင်းဘက်တွင် ဒေါမနစ် ဆိုဘော့စ်ဆလိုင် ပွဲပယ်ခံထားရသလို ဝက်စ်ဟမ်းအသင်းဘက်တွင်လည်း လူးကက်စ် ပါကူအက်တာ၊ ဂီဒို ရော့ဒရီဂက်ဇ်နှင့် တိုမတ်စ် ဆိုဆစ်ခ်တို့ ပါဝင်နိုင်မည်မဟုတ်ပေ။
မန်စီးတီးနည်းပြ ပက်ပ်ဂွါဒီယိုလာကမူ လက်စတာစီးတီး၏ ခံစစ်ပိုင်း အားနည်းမှုကြောင့် တိုက်စစ်မှူး အာလင် ဟာလန်းအနေဖြင့် ပုံစံကောင်းပြန်ရပြီး အသင်းအတွက် နိုင်ပွဲပြန်လည်ရှာဖွေပေးနိုင်မည်ဟု မျှော်လင့်နေဖွယ်ရှိသည်။
…..
— ခရူဇီယိုအသင်းက အဲဗာတန် တောင်ပံကစားသမားဟောင်း ဘိုလာစီကို ခေါ်ယူ
အဲဗာတန်နှင့် အက်စတွန်ဗီလာအသင်းတို့၏ တောင်ပံကစားသမားဟောင်း ယန်းနစ် ဘိုလာစီအား အလွတ်ပြောင်းရွှေ့ကြေးဖြင့် အပြီးသတ်ခေါ်ယူခဲ့ကြောင်း ဘရာဇီး စီးရီးအေကလပ် ခရူဇီယိုအသင်းက ဒီဇင်ဘာ ၂၇ ရက်၌ ကြေညာခဲ့သည်။
အသက် ၃၅ နှစ်အရွယ် ဘိုလာစီမှာ ယခုလအစောပိုင်းက ဘရာဇီးလိဂ် ဒုတိယတန်းသို့ တန်းဆင်းသွားသည့် Criciuma အသင်းနှင့် လမ်းခွဲခဲ့ပြီးနောက် ယခုကြေညာချက် ထွက်ပေါ်လာခြင်းဖြစ်သည်။
…..
United Cup တင်းနစ်ပြိုင်ပွဲတွင် တရုတ်နိုင်ငံမှ Gao Xinyu နှင့် Zhang Zhizhen တို့ လက်စွမ်းပြအနိုင်ရရှိ
ဩစတြေးလျနိုင်ငံ ပါ့သ်မြို့တွင် ဒီဇင်ဘာ ၂၇ ရက်၌ ကျင်းပသည့် United Cup တင်းနစ်ပြိုင်ပွဲတွင် တရုတ်တင်းနစ်မယ် Gao Xinyu က တစ်ပွဲရှုံးနိမ့်နေရာမှာ အနိုင်ပြန်ယူခဲ့သလို Zhang Zhizhen ကလည်း အမှားအယွင်း မရှိသလောက်နီးပါးဖြစ်ခဲ့ကာ တရုတ်အသင်းအနေဖြင့် ကျား၊မ နှစ်ယောက်တွဲ အသင်းလိုက်ပြိုင်ပွဲတွင် ဘရာဇီးအသင်းအား ၃ ပွဲပြတ် အနိုင်ရလဒ်ဖြင့် စတင်နိုင်ခဲ့သည်။
တရုတ်တင်းနစ်ကစားသမားများဖြစ်သည့် Gao နှင့် Zhang တို့မှာ RAC Arena အားကစားကွင်း၌ ပြုလုပ်သည့် တစ်ဦးချင်းပွဲစဥ်များတွင်လည်း အသီးသီးအနိုင်ရရှိထားသဖြင့် နှစ်ယောက်တွဲ ပွဲစဥ်မတိုင်မီကပင် နိုင်ပွဲ ၂ ပွဲ ရယူထားနိုင်ခဲ့သည်။

………………………..
(English Version)
Liverpool, Man City back in action in hectic Premier League Xmas program
The frantic Premier League holiday program of matches continues on Sunday with six games, which see Liverpool look to extend its lead, while Manchester City continues the search for an elusive win.
Liverpool travels to play a West Ham side that is slowly looking more cohesive as a team to lift the pressure on coach Julen Lopetegui.
Dominik Szoboszlai is suspended for Liverpool, while West Ham has Lucas Paqueta, Guido Rodriguez and Tomas Soucek all sitting the game out for disciplinary reasons.
Manchester City coach Pep Guardiola will be hoping that Leicester City’s fragile defense will offer striker Erling Haaland the chance to recover his form in front of goal and offer his team a route back to winning ways.
…..
Cruzeiro signs former Everton winger Bolasie
Cruzeiro has completed the signing of former Everton and Aston Villa winger Yannick Bolasie on a free transfer, the Brazilian Serie A club said on Friday.
The announcement came after the 35-year-old parted ways with Criciuma, who was relegated to Brazilian football’s second tier earlier this month.
…..
Gao, Zhang inspire China to opening win at United Cup
Gao Xinyu came back from one set down and Zhang Zhizhen was almost flawless as China started the mixed team United Cup with a 3-0 victory over Brazil in Perth on Friday.
China had a 2-0 lead ahead of the mixed doubles after Gao and Zhang prevailed in contrasting singles matches at RAC Arena.