မြန်မာနိုင်ငံ၌ ဆောင်းဦးလယ်လမုန့်ပွဲတော် အထိမ်းအမှတ် ကဗျာစာဆိုပွဲ ကျင်းပ

ရန်ကုန်၊ စက်တင်ဘာ ၁၅ ရက် (ဆင်ဟွာ)

မကြာမီ ရောက်ရှိလာမည့် ဆောင်းဦးလယ်လမုန့်ပွဲတော် အထိမ်းအမှတ်အဖြစ် မြန်မာနိုင်ငံ ရန်ကုန်မြို့၌ စက်တင်ဘာ ၁၄ ရက်က ကဗျာစာဆိုပွဲအား ကျင်းပခဲ့ကြောင်း သိရသည်။အဆိုပါအခမ်းအနားတွင် ဆောင်းဦးလယ်ကဗျာစာဆိုခြင်း၊ ပီကင်းအော်ပရာ၊ တေးသီချင်းနှင့် ကပြ ဖျော်ဖြေတင်ဆက်မှုများ ပြုလုပ်ခဲ့ပြီး လမုန့်ပြုလုပ်ခြင်း ၊ လက်ဖက်ရည်ကြမ်းယဉ်ကျေးမှု ပြသခြင်းနှင့် လက်ရေးလှ ရေးသားဖော်ပြခြင်းကဲ့သို့သော ယဉ်ကျေးမှုဆိုင်ရာလှုပ်ရှားမှုများအား ပြုလုပ်ခဲ့ကြကြောင်း သိရသည်။ယင်းအခမ်းအနားသို့ မြန်မာနိုင်ငံရှိ တရုတ်လုပ်ငန်းတစ်ချို့မှ ဒေသခံဝန်ထမ်းများနှင့် တက္ကသိုလ် ကျောင်းသား/သူများအပါအဝင် လူပေါင်း ၁၅၀ နီးပါး တက်ရောက်ခဲ့ကြကြောင်း သိရသည်။

မြန်မာနိုင်ငံတွင် လနှင့် ပတ်သက်သည့် ဒဏ္ဍာရီပုံပြင်များ ၊ ရိုးရာပွဲတော်များ ရှိပြီး တရုတ်နိုင်ငံနှင့် တူညီသော သို့မဟုတ် နီးစပ်သော ရိုးရာဓလေ့များ ရှိကြောင်း ၊ ယင်းတို့က တရုတ်-မြန်မာ နှစ်နိုင်ငံ စာပေယဉ်ကျေးမှု နီးစပ်မှုနှင့် ပြည်သူအချင်းချင်း ခင်မင်ရင်းနှီးသမှုကို ဖော်ဆောင်နေခြင်း ဖြစ်ကြောင်း မြန်မာနိုင်ငံဆိုင်ရာ တရုတ်နိုင်ငံသံရုံး သံမှူး Li Qianguo က အခမ်းအနားတွင် ပြောကြားခဲ့သည်။ တက်ရောက်လာကြသူများ ကလည်း ကဗျာစာဆိုပွဲမှတစ်ဆင့် ချစ်ကြည်ရင်းနှီးမှုအား မြှင့်တင်ခဲ့ကြကြောင်း သိရသည်။

ရန်ကုန်တက္ကသိုလ် ပါမောက္ခချုပ် ဒေါက်တာတင်မောင်ထွန်းက မြန်မာနှင့် တရုတ် ယဉ်ကျေးမှုဓလေ့ ထုံးတမ်းများတွင် လပြည့်နေ့ကို ညီညွှတ်ခြင်း၊ ပြန်လည်ဆုံစည်းခြင်းနှင့် သာယာလှပခြင်းတို့အား ကိုယ်စားပြု ရည်ညွှန်းပြောဆိုကြကြောင်း ၊ အခမ်းအနား၌ ကဗျာရွတ်ဆိုခြင်း၊ လက်ရေးလှလေ့လာခြင်း၊ လမုန့် ပြုလုပ်ခြင်းနှင့် မြည်းစမ်းသုံးဆောင်ခြင်းက တရုတ်စာလေ့လာနေကြသည့် မြန်မာကျောင်းသား/သူများအား တရုတ်နိုင်ငံ၏ ရိုးရာယဉ်ကျေးမှုအကြောင်းကို ပိုမိုလေ့လာနိုင်ရုံသာမက မြန်မာနှင့် တရုတ်နိုင်ငံ ယဉ်ကျေးမှုဖလှယ်ရင်း အပြန်အလှန် ပိုမိုမြှင့်တင်လာနိုင်မည် ဖြစ်ကြောင်း ပြောကြားခဲ့သည်။ (Xinhua)
———————————
Poetry event held in Myanmar in celebration of Mid-Autumn Festival
YANGON, Sept. 15 (Xinhua) — A poetry event was held here on Saturday to celebrate the upcoming Mid-Autumn Festival.
During the event, Mid-Autumn poetry recitation, Peking Opera, songs and dances were performed, and cultural activities such as moon cake-making, tea culture display and calligraphy display were also carried out.
Nearly 150 people, including university students and local employees of some Chinese enterprises in Myanmar, attended the event.
Li Qianguo, counselor of the Chinese Embassy in Myanmar, said at the event that China and Myanmar have close cultural and people-to-people ties. The moon is closely associated with traditional festivals in both China and Myanmar. During the event, the participants enhanced friendship through poetry.
Tin Maung Tun, rector of University of Yangon, said that both Myanmar and Chinese cultures admire the full moon, which represents harmony, reunion and happiness. Poetry recitation and delicacy display at the event allow Myanmar students studying Chinese language to better understand traditional Chinese culture and facilitate cultural exchanges and mutual learning between the two sides.■
Photo – Students perform during an event to celebrate the upcoming Mid-Autumn Festival at the China Cultural Center in Yangon, Myanmar, Sept. 14, 2024. (Xinhua/Myo Kyaw Soe)