၂၀၂၅ ခုနှစ် ဇန်နဝါရီ ၂၈ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— စပိန်အသင်းနည်းပြ ဒယ်လာဖွန်တေးအား ယူရို ၂၀၂၈ ပြိုင်ပွဲအထိ စာချုပ်သက်တမ်းတိုး စပိန်လက်ရွေးစင်အသင်း နည်းပြဖြစ်သူ လူးဝစ္စ ဒယ်လာဖွန်တေးအား ယူရို ၂၀၂၈ ပြိုင်ပွဲ ပြီးဆုံးသည်အထိ စာချုပ်သက်တမ်း တိုးမြှင့်လိုက်ကြောင်း စပိန်ဘောလုံးအဖွဲ့ချုပ် (RFEF) က ဇန်နဝါရီ ၂၇ ရက်၌ ကြေညာခဲ့သည်။
စာချုပ်သစ်အရ ၎င်းအနေဖြင့် အသင်း၌ နှစ်နှစ်ကြာဆက်ရှိမည်ဖြစ်ကာ စပိန်အသင်းနည်းပြ လူးဝစ္စ အန်နရီကေး၏ နေရာတွင် အစားထိုးဝာာဝန်ယူခဲ့ပြီးနောက် ၎င်း၏ စွမ်းဆောင်မှုများအတွက် ယခုကဲ့သို့ ဂုဏ်ပြုခဲ့ခြင်းဖြစ်ကြောင်း သိရသည်။
…..
— နောက်ခံလူ ဒန်နီလို အသင်းမှထွက်ခွာသွားကြောင်း၊ ရီနာတို ဗီဂါအား ပြန်လည်ခေါ်ယူခဲ့ကြောင်း ဂျူဗင်တပ်စ် ကြေညာ
အီတလီစီးရီးအေ အသင်းကြီးတစ်သင်းဖြစ်သည့် ဂျူဗင်တပ်စ်က ဝါရင့်နောက်ခံလူ ဒန်နီလို လူးဝစ္စ ဒါလ်ဆေးဗားနှင့် လမ်းခွဲခဲ့ပြီး ချဲလ်ဆီးအသင်းမှ ရီနာတို ဗီဂါအား အငှားဖြင့် ပြန်လည်ခေါ်ယူခဲ့သည်။
အသက် ၃၄ နှစ်အရွယ် ဒန်နီလိုမှာ ၂၀၁၉ ခုနှစ် နွေရာသီတွင် မန်ချက်စတာစီးတီးအသင်းမှ ဂျူဗင်တပ်စ်အသင်းထံ ပြောင်းရွှေ့လာခဲ့ခြင်းဖြစ်ကာ ယမန်နှစ်တွင် ဂျူဗင်တပ်စ်၏ အသင်းခေါင်းဆောင် ဖြစ်လာခဲ့သည်။ အဆိုပါ ဘရာဇီးနောက်ခံလူမှာ ဂျူဗင်တပ်စ်အသင်းနှင့်အတူ ငါးနှစ်ခွဲကြာ ဖြတ်သန်းခဲ့ပြီး ပွဲပေါင်း ၂၁၃ ပွဲ ပါဝင်ကစားပေးခဲ့ကာ သွင်းဂိုး ၉ ဂိုး သွင်းယူခဲ့သလို စကူဒက်တိုနှင့် အီတလီစူပါဖလား တစ်ကြိမ်စီ ရယူနိုင်ခဲ့ပြီး အီတာလျံဖလား နှစ်ကြိမ်ဆွတ်ခူးနိုင်ခဲ့သည်။
…..
— ဘွန်ဒက်စ်လီဂါတွင် ဟော့ဖန်ဟိမ်းက ဖရန့်ဖွတ်အား နောက်ကျချေပဂိုး သွင်းယူ၍ သရေတစ်မှတ်ခွဲယူ
ဇန်နဝါရီ ၂၆ ရက်က ယှဉ်ပြိုင်ကစားခဲ့သည့် ဘွန်ဒက်စ်လီဂါပွဲစဉ်- ၁၉ တွင် ဟော့ဖန်ဟိမ်းအသင်းက ပွဲပြီးခါနီး နာကျင်အချိန်ပို၌ အဒမ် ဟလော့ဇက် သွင်းယူခဲ့သည့် ချေပဂိုးဖြင့် ဖရန့်ဖွတ်ထံမှ သရေတစ်မှတ် ခွဲယူနိုင်ခဲ့သည်။ အမှတ်ပေးဇယား တတိယနေရာမှ ဖရန့်ဖွတ်အတွက် ဟူဂို အီကီတီကေးက သွင်းဂိုးနှစ်ဂိုး သွင်းယူခဲ့သော်လည်း ဒုတိယနေရာမှ လေဗာကူဆင်နှင့် အမှတ်ကွာဟမှုကို လျှော့ချနိုင်ခဲ့ခြင်းမရှိပေ။
“ကျွန်တော်တို့ ဒီနေ့ ကောင်းကောင်းမကစားနိုင်ခဲ့ပါဘူး။ ဟော့ဖန်ဟိမ်းက သူတို့ရဲ့ရမှတ်နဲ့ အပြည့်အဝ ထိုက်တန်ပါတယ်။ တကယ်တော့ ကျွန်တော်တို့ ဒီပွဲမှာ အနိုင်ရချင်ခဲ့ပေမဲ့ ကျွန်တော်တို့ရဲ့ စွမ်းဆောင်ရည်က လုံလောက်မှုမရှိခဲ့ပါဘူး” ဟု ဖရန့်ဖွတ်နည်းပြ ဒီနို တော့ပ်မိုလာက ပြောကြားခဲ့သည်။
…..
— ကယ်ဂရီမြို့၌ ကျင်းပသည့် ISU အမြန်စကိတ်စီး ကမ္ဘာ့ဖလားပြိုင်ပွဲတွင် ဂျော်ဒန်စတိုးဇ်က ရွှေတံဆိပ်သုံးခု ဆွတ်ခူး
ကနေဒါနိုင်ငံ ကယ်ဂရီမြို့တွင် ဇန်နဝါရီ ၂၆ ရက်၌ ကျင်းပခဲ့သည့် ISU အမြန်စကိတ်စီး ကမ္ဘာ့ဖလားပြိုင်ပွဲတွင် အမေရိကန် စကိတ်စီးကစားသမား ဂျော်ဒန်စတိုးဇ်က အမျိုးသား မီတာ ၅၀၀ ပြိုင်ပွဲတွင် ချန်ပီယံဆုကို သိမ်းပိုက်နိုင်ခဲ့သည့်အတွက် ၎င်းပြိုင်ပွဲတွင် ရွှေတံဆိပ်သုံးခု ဆွတ်ခူးနိုင်ခဲ့သည်။
ဇန်နဝါရီ ၂၄ ရက်က မီတာ ၁,၅၀၀ ပြိုင်ပွဲနှင့် ဇန်နဝါရီ ၂၅ ရက်က မီတာ ၁,၀၀၀ ပြိုင်ပွဲတို့တွင် အောင်ပွဲခံနိုင်ခဲ့ပြီးနောက် အသက် ၂၀ အရွယ် အမေရိကန် စကိတ်စီးကစားသမားအနေဖြင့် အချိန် ၃၃.၈၅ စက္ကန့်ဖြင့် ဗိုလ်စွဲခဲ့ခြင်းဖြစ်ကာ ယမန်နှစ် World Single Distance ချန်ပီယံရှစ်ပြိုင်ပွဲတွင် ၎င်းကိုယ်တိုင် တင်ထားသည့် စံချိန်ကို လိုက်မီရန် ၀.၁၆ စက္ကန့်သာ လိုခဲ့သည်။ (Xinhua)

……………………
(English Version)
Hoffenheim stun Frankfurt late to share spoils in Bundesliga
Hugo Ekitike’s brace wasn’t enough as third-placed Eintracht Frankfurt failed to close the gap on second-placed Bayer Leverkusen after Hoffenheim snatched a late 2-2 draw thanks to Adam Hlozek’s stoppage-time equalizer at the closer of the 19th round on Sunday.
“We didn’t play well today. Hoffenheim fully deserved their point. Of course, we would have liked to win, but our performance simply wasn’t good enough,” said Frankfurt coach Dino Toppmoller.
…..
Spain coach De la Fuente extends contract to Euro 2028
The Spanish Football Federation (RFEF) announced on Monday that it has extended the contract of Luis de la Fuente, the coach of the Spanish national team, until after the 2028 European Championships.
The new deal extends his two-year stay and is a reward for the work De la Fuente has done with Spain since replacing Luis Enrique as the head of the national team.
…..
Juve announces Danilo out, Veiga in
Italian Serie A giant Juventus made a like-for-like replacement on Monday, parting ways with veteran defender Danilo Luiz da Silva while securing the loan signing of Renato Veiga from Chelsea.
Danilo, 34, joined Juve from Manchester City in the summer of 2019 and became club captain last year. In his five-and-a-half year spell with Juve, the Brazilian made 213 appearances, scoring nine goals, and won one Scudetto, one Italian Super Cup and two Italian Cups.
…..
Stolz completes golden hat-trick at ISU Speed Skating World Cup in Calgary
Jordan Stolz of the United States completed his golden hat-trick at the ISU Speed Skating World Cup in Calgary, Canada as he captured the title of the men’s 500 meters on Sunday.
Having reaped victories in the 1,500m on Friday and 1,000m on Saturday, the 20-year-old American crossed the line in 33.85 seconds, only 0.16 seconds off the track record he had set at last year’s World Single Distance Championships.