၂၀၂၅ ခုနှစ် ဧပြီ ၃ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— မာဆေးဆိုက်ဒါဘီတွင် လီဗာပူးလ် အနိုင်ရရှိခဲ့ပြီး ပရီးမီးယားလိဂ်၌ ၁၂ မှတ်ဖြတ်၍ ဆက်လက်ဦးဆောင်
ဧပြီ ၂ ရက်က ယှဉ်ပြိုင်ကစားခဲ့သည့် ပရီးမီးယားလိဂ် ပွဲစဉ်တစ်ပွဲဖြစ်သော မာဆေးဆိုက်ဒါဘီတွင် လီဗာပူးလ်က ပွဲချိန် ၅၇ မိနစ်၌ ဒီယိုဂို ဂျိုတာ၏ သွင်းဂိုးနှင့်အတူ ၁-၀ ဂိုးဖြင့် အနိုင်ရရှိခဲ့ပြီး ပရီးမီးယားလိဂ်တွင် ၁၂ မှတ်အသာဖြင့် ထိပ်ဆုံးမှ ဆက်လက်ဦးဆောင်လျက်ရှိသည်။
စုဖွဲ့မှုကောင်းသော အဲဗာတန်ခံစစ်ကြားမှ ခြေဖနောင့်ဖြင့်ပေါက်၍ ဖန်တီးပေးမှုကို ဂျိုတာက ပိတ်သွင်း၍ တစ်လုံးတည်းသော အနိုင်ဂိုးကို သွင်းယူခဲ့သဖြင့် အာနယ် ဆလော့၏ အသင်းမှာ ချန်ပီယံဆုဖလား ကိုင်မြှောက်နိုင်ရန်အတွက် လက်ကျန်ရှစ်ပွဲတွင် ၁၃ မှတ်သာ ရရှိရန်လိုအပ်တော့သည်။
မန်ချက်စတာစီးတီးကလည်း ရုန်းကန်နေရသော လက်စတာစီးတီးကို အိမ်ကွင်း၌ ၂-၀ ဂိုးဖြင့် အနိုင်ရရှိခဲ့ပြီး ပွဲကစားချိန် ၂ မိနစ်တွင် ဂျက်ခ် ဂရီးလစ်ရှ်က ဆယ်ဗင်ညို၏ ဖန်တီးပေးမှုမှတစ်ဆင့် အဖွင့်ဂိုးသွင်းယူခဲ့ကာ ပွဲကစားချိန် ၂၉ မိနစ်တွင် အိုမာ မာမွတ်ရှ်က ဒုတိယဦးဆောင်ဂိုး သွင်းယူခဲ့သည်။ သို့ဖြစ်ရာ မန်စီးတီးအနေဖြင့် အာလင်ဟာလန်း ဒဏ်ရာကြောင့် မပါဝင်နိုင်သော်လည်း တိုက်စစ်ပိုင်း ထက်မြက်နေဆဲဖြစ်ကြောင်း ပြသနိုင်ခဲ့သည်။
…..
— ဘာစီလိုနာက အက်သလက်တီကိုကို အနိုင်ယူ၍ စပိန်ဘုရင့်ဖလား ဗိုလ်လုပွဲသို့တက်ရောက်၊ ဗိုလ်လုပွဲတွင် ရီးရဲလ်မက်ဒရစ်နှင့် ထိပ်တိုက်တွေ့ဆုံ
စပိန်ဘုရင့်ဖလား (ကိုပါဒယ်ရေး) ဆီမီးဖိုင်နယ် ဒုတိယအကျော့ပွဲစဉ်အဖြစ် ဘာစီလိုနာအသင်းနှင့် အက်သလက်တီကိုမက်ဒရစ် အသင်းတို့ ဧပြီ ၂ ရက်က ယှဉ်ပြိုင်ကစားခဲ့ရာ ဘာစီလိုနာက အဝေးကွင်း၌ ၁-၀ ဂိုးဖြင့် အနိုင်ရရှိခဲ့ပြီး ရီးရဲလ်မက်ဒရစ်နှင့် ဗိုလ်လုပွဲ ယှဉ်ပြိုင်ကစားရမည်ဖြစ်သည်။
ဘာစီလိုနာအနေဖြင့် ဖယ်ရန်တောရက်စ်၏ ပထမပိုင်းသွင်းဂိုးဖြင့် ဗိုလ်လုပွဲသို့ တက်ရောက်နိုင်ခဲ့ခြင်းဖြစ်ကာ ဘာစီလိုနာက ပထမပိုင်းတွင် ပွဲကိုစိုးမိုးထားခဲ့သော်လည်း ဒုတိယပိုင်းတွင်မူ အက်သလက်တီကိုက ပြန်လည်ထိန်းချုပ်နိုင်ခဲ့သည်။
ဘာစီလိုနာနည်းပြ ဟန်ဆီဖလစ်ခ်က အသင်း၏ ထိပ်တန်းဂိုးသွင်းရှင် ‌ရောဘတ် လီဝန်ဒေါစကီး၏နေရာတွင် တောရက်စ်အား ပွဲထွက်ကစားသမားအဖြစ် အသုံးပြုခဲ့သလို ဒဏ်ရာရရှိထားသော ဒါနီ အိုလ်မို၏နေရာတွင် ဂါဗီအစား ဖာမင်လိုပက်ဇ်ကို အသုံးပြုခဲ့သည့်အတွက် ပရိသတ်အများအပြားကို အံ့အားသင့်စေခဲ့သည်။
…..
— စတုဂတ်က လိုက်ပ်ဇစ်ကို အနိုင်ယူ၍ ဂျာမန်ဖလား ဗိုလ်လုပွဲသို့တက်ရောက်
ဧပြီ ၂ ရက်က စတုဂတ်နှင့် လိုက်ပ်ဇစ်အသင်းတို့ ယှဉ်ပြိုင်ကစားခဲ့သည့် ဂျာမန်ဖလားပြိုင်ပွဲ ဆီမီးဖိုင်နယ်ပွဲစဉ်တွင် စတုဂတ်က ၃-၁ ဂိုးဖြင့် အနိုင်ရရှိကာ ဗိုလ်လုပွဲသို့ တက်ရောက်သွားခဲ့ပြီဖြစ်သည်။ စတုဂတ်အသင်းမှာ ဗိုလ်လုပွဲအဖြစ် တတိယတန်းမှ Arminia Bielefeld အသင်းနှင့် ယှဉ်ပြိုင်ရမည်ဖြစ်သည်။
“ကျွန်တော်တို့ သင့်တော်တဲ့အချိန်မှာ အချင်းချင်း အထောက်အကူပေးနိုင်ခဲ့ပြီး ရလာတဲ့ အခွင့်အရေးတွေကို အကောင်းဆုံးအသုံးချနိုင်ခဲ့ပါတယ်” ဟု စတုဂတ်နည်းပြချုပ် ဆီဘက်ရှန် ဟိုးနက်စ်က ဆိုသည်။ “အထူးသဖြင့် လိုက်ပ်ဇစ်က တစ်ဂိုးပြန်သွင်းပြီးနောက်ပိုင်း ကျွန်တော့်အသင်းရဲ့ ကစားပုံကို ချီးကျူးရပါမယ်။ ပြိုင်ဘက်က ခြိမ်းခြောက်အန္တရာယ်ပေးနေဆဲဖြစ်ပေမဲ့ ကျွန်တော်တို့ ပွဲပြီးတဲ့အထိ တောင့်ထားနိုင်ခဲ့ပါတယ်။ ဘာလင်မှာ ကစားရမယ့် ဗိုလ်လုပွဲကိုရောက်ဖို့က မျှော်မှန်းချက်တစ်ခုပါ။ အခုတော့ ကျွန်တော်တို့ အဲဒီထက်ပိုပြီး လိုချင်ပါတယ်” ဟု ၎င်းက ဆက်လက်ပြောကြားခဲ့သည်။
…..
— သမိုင်းကြောင်းနှင့် အနာဂတ် ဂုဏ်ကျက်သရေတို့ ပေါင်းစပ်ထားသော တရုတ်နိုင်ငံ၏ အကြီးဆုံး မြေစေးတင်းနစ်ကွင်းကြီးကို တရားဝင်ဖွင့်လှစ်
တရုတ်နိုင်ငံ၏ အကြီးဆုံး မြေစေးတင်းနစ်ကွင်းကြီးဖြစ်သော ကျဲ့ကျန်း ဟူကျိုး နိုင်ငံတကာ မြေစေးကွင်း တင်းနစ်စင်တာအား မျက်စိပသာဒဖြစ်ဖွယ်ကောင်းသော ထိုက်ဟူရေကန်စပ်၌ တရားဝင်ဖွင့်လှစ်လိုက်ပြီဖြစ်သည်။ ကွင်းမာအမျိုးအစား တင်းနစ်ကွင်း လေးခု၊ Roland Garros စံချိန်စံညွှန်းမီ မြေစေးတင်းနစ်ကွင်း ၁၄ ခု၊ ပရိသတ် ၅,၀၀၀ ဆံ့ ပင်မအားကစားရုံတစ်ရုံ၊ ပရိသတ် ၂,၀၀၀ ဆံ့ ဆင့်ပွားအားကစားကွင်းတစ်ခုတို့ ပါဝင်သော အဆိုပါ တင်းနစ်စင်တာမှာ တရုတ်နိုင်ငံ၏ တင်းနစ်အားကစား အခြေခံအဆောက်အအုံ ကဏ္ဍကို တစ်ခေတ်ဆန်းစေခဲ့သည်။
ကမ္ဘာ့အဆင့်-၁ တင်းနစ်ကစားသမားဟောင်းဖြစ်သူ အန်ဒရေ အဂ္ဂါဆီက အဆိုပါ တင်းနစ်စင်တာ၏ အလွန်ခေတ်မီဆန်းသစ်သော အဆောက်အအုံများကို ချီးကျူးခဲ့သည်။
“ကျွန်တော့်စိတ်ထဲမှာပေါ်လာတဲ့ စကားလုံးကတော့ အံ့မခန်းလောက်စရာဖြစ်ပြီး အလွန်အကျိုးရှိတယ်ဆိုတာပါပဲ။ ဒီအဆောက်အအုံက ကြီးကျယ်ခမ်းနားပြီး ကျွန်တော်တွေ့ဖူးသမျှထဲက အကောင်းဆုံး အဆောက်အအုံတစ်ခုပါပဲ။ လူငယ်မျိုးဆက်သစ်တွေ တင်းနစ်အားကစားကို နည်းမှန်လမ်းမှန် လေ့လာသင်ယူနိုင်ဖို့ ဒီမြေစေးကွင်းကို တည်ဆောက်ခဲ့တာက သိပ်ကိုအမြင်စူးရှပါတယ်” ဟု ၎င်းက ပြောကြားခဲ့သည်။ (Xinhua)

……………………….
(English Version)
Liverpool wins derby to retain 12-point lead in Premier League
Diogo Jota scored a 57th-minute goal to see Liverpool win the Merseyside derby 1-0 against Everton and retain a 12-point lead in the Premier League on Wednesday.
Jota’s goal after Luis Diaz’s back-heel was enough to beat a well-organized defense and leave Arne Slot’s side needing just 13 points from eight games to assure the title.
Jack Grealish needed just two minutes to open the scoring for Manchester City at home to struggling Leicester City, taking advantage of an assist from Savinho. Omar Marmoush doubled the lead before the half hour, showing there is life without the injured Erling Haaland.
…..
Barcelona books Copa del Rey final against Real Madrid
FC Barcelona won 1-0 away to Atletico Madrid on Wednesday to secure a Copa del Rey final appearance against Real Madrid.
Ferran Torres’ first-half goal sealed Barca’s spot in the Cup final in a game where Barca dominated the first 45 minutes before Atletico took control after the break.
Barca coach Hansi Flick surprised many with his starting lineup, fielding Torres ahead of top scorer Robert Lewandowski, while Fermin Lopez started instead of Gavi, who replaced the injured Dani Olmo.
…..
Stuttgart powers past Leipzig to reach German Cup final
VfB Stuttgart will meet third-tier side Arminia Bielefeld in the German Cup final after a 3-1 victory over RB Leipzig on Wednesday.
“We supported each other at the right moments and made the most of our chances,” said Stuttgart head coach Sebastian Hoeness. “I have to take my hat off to the team, especially after Leipzig pulled one back. They remained dangerous, but we held on until the end. Reaching the final in Berlin is a dream, now we want even more.”
…..
China’s largest clay tennis center blends history, future glory
On the picturesque shores of Taihu Lake, the Zhejiang Huzhou International Clay Tennis Center – the largest clay tennis facility in China – has officially opened. Boasting four hard courts, 14 Roland Garros-standard clay courts, a 5,000-seat main stadium, and a 2,000-seat secondary arena, the venue redefines tennis infrastructure in the country.
Former world No. 1 Andre Agassi praised the venue’s state-of-the-art facilities.
“For me the word comes to mind is extraordinary and very efficient. The facility is magnificent. It’s one of the best I have ever seen and it’s very smart to build red clay court for the young children to learn the sport the right way,” he said.