ဂါဇာ၌ ထိုးစစ်ဆင်မှု အဆင့်သစ်သို့ရောက်ရှိဟု အစ္စရေး ကြေညာ

ဂျေရုဆလမ်၊ ဧပြီ ၄ ရက် (ဆင်ဟွာ)
ဂါဇာဒေသတွင် အစ္စရေး၏ ထိုးစစ်ဆင်မှု အဆင့်သစ်သို့ ‌ရောက်ရှိလာပြီဖြစ်ကြောင်း အစ္စရေးစစ်တပ်က ဧပြီ ၃ ရက်၌ ကြေညာခဲ့ပြီး စစ်ဆင်ရေးများကို အရှိန်မြှင့်တင်လျက်ရှိရာ မတ်လလယ်မှစ၍ အစ္စရေး၏ စစ်ဆင်ရေးများကြောင့် လူပေါင်း ၂၅၀ ကျော် သေဆုံးခဲ့ပြီး ၎င်းတို့မှာ စစ်သွေးကြွများ သို့မဟုတ် ဟားမက်စ်အဖွဲ့နှင့် ပတ်သက်ဆက်နွှယ်သူများဖြစ်ကြောင်း အစ္စရေးဘက်က ပြောကြားထားသော်လည်း ပါလက်စတိုင်း ကျန်းမာ‌ရေးဆိုင်ရာ တာဝန်ရှိသူများက ထုတ်ပြန်ထားသော သေဆုံးသူဦးရေမှာမူ ထို့ထက်ပိုမိုများပြားကြောင်း သိရသည်။
အပစ်အခတ်ရပ်စဲမှု ပျက်ပြယ်သွားပြီးနောက် ဂါဇာဒေသတွင် မတ် ၁၈ ရက်က စစ်ဆင်ရေးများ ပြန်လည်စတင်ချိန်မှစ၍ အစ္စရေးတပ်ဖွဲ့ဝင်များက တိုက်ခိုက်မှုပေါင်း ၆၀၀ ကျော် ပြုလုပ်ခဲ့သည်ဟု အစ္စရေးကာကွယ်ရေးတပ် ပြော‌ရေးဆိုခွင့်ရှိသူ အက်ဖီ ဒက်ဖရင်က အတည်ပြုပြောကြားခဲ့သည်။
“ဒီစီမံချက်က ဓားစာခံတွေ ပြန်လွတ်မြောက်ရေး၊ ဟားမက်စ်အဖွဲ့ရဲ့ စစ်ရေးနဲ့ စီမံအုပ်ချုပ်ရေး စွမ်းရည်တွေ ဖြိုဖျက်ရေးဆိုတဲ့ ဒီစစ်ပွဲရဲ့ ရည်မှန်းချက်တွေကို ဖော်ဆောင်ဖို့ပဲဖြစ်တယ်” ဟု ဒက်ဖရင်က သတင်းစာရှင်းလင်းပွဲ၌ ပြောကြားခဲ့သည်။
ဂါဇာဒေသ ကျန်းမာရေးဆိုင်ရာ တာဝန်ရှိသူများကမူ အစ္စရေး၏ ထိုးစစ်ဆင်မှု ပြန်လည်စတင်ခဲ့ပြီးနောက် အရပ်သားနှင့် တိုက်ခိုက်ရေးသမားများ အပါအဝင် လူပေါင်း ၁,၁၆၃ ဦး သေဆုံးခဲ့ပြီး ၂,၇၃၅ ဦး ဒဏ်ရာရရှိခဲ့သည်ဟု ဧပြီ ၃ ရက်၌ ပြောကြားခဲ့သည်။
အစ္စရေးစစ်တပ်က ၎င်းတို့၏ လေကြောင်းရန်ကာကွယ်ရေးစနစ်များသည် ဂါဇာဘက်မှ ပစ်လွှတ်လိုက်သော ဒုံးကျည်တစ်စင်းကို ကြားဖြတ်ပစ်ချခဲ့ကြောင်း၊ နယ်စပ်ရှိ နာဟာအော့ဇ် ဒေသတွင် သတိပေးဥသြသံများ ထွက်ပေါ်ခဲ့ကြောင်း ဧပြီ ၃ ရက် နှောင်းပိုင်းက ပြောကြားခဲ့သည်။ ယင်းဖြစ်စဉ်တွင် ထိခိုက်ဒဏ်ရာရမှု ဖြစ်ပွားသည့် သတင်းများ ထွက်ပေါ်ခဲ့ခြင်းမရှိကြောင်း သိရသည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ xhtxs.cn/2uu
…………………….
(English Version)
Israel announces “new stage” in Gaza offensive
JERUSALEM, April 3 (Xinhua) — Israel’s military said on Thursday it has entered a “new stage” of its offensive in Gaza, escalating operations that have killed over 250 people it identified as militants or Hamas-affiliated individuals since mid-March, while Palestinian health officials reported a higher death toll.
Israel Defense Forces Spokesperson Effie Defrin stated that Israeli forces had conducted more than 600 strikes in Gaza since resuming operations on March 18, following the collapse of a ceasefire.
“The plan serves the objectives of the war — the return of the hostages and the dismantling of Hamas’ military and governmental capabilities,” Defrin said in a press briefing.
The health authorities in Gaza, which do not distinguish between civilian and combatant casualties, said on Thursday that 1,163 people had been killed and 2,735 injured since the offensive resumed.
Late Thursday, Israel’s military said its air defenses intercepted a rocket fired from Gaza, triggering sirens in the border community of Nahal Oz. No injuries were reported.
English Caption
Palestinians forced to flee from the Al-Shayma area in Beit Lahia, northern Gaza Strip, are seen on a street in Gaza City, on March 22, 2025. (Photo by Abdul Rahman Salama/Xinhua)