ဂရင်းလန်းကျွန်းအား သိမ်းယူရန် အမေရိကန်၏ ကြိုးပမ်းမှုကို ဒိန်းမတ်ဝန်ကြီးချုပ် ပြင်းပြင်းထန်ထန်ဝေဖန်၊ နိုင်ငံတကာဥပဒေကို လေးစားရန် တိုက်တွန်း

‌အော်စလို၊ ဧပြီ ၄ ရက် (ဆင်ဟွာ)
ဂရင်းလန်းကျွန်းအား သိမ်းယူရန် အမေရိကန်၏ ကြိုးပမ်းမှုကို ဒိန်းမတ်နိုင်ငံ ဝန်ကြီးချုပ် မက်ဖရက်ဒရစ်ဆင်က နိုင်ငံတကာဥပဒေကို ကိုးကား၍ ပြတ်ပြတ်သားသား ပယ်ချလိုက်ပြီး အမေရိကန်အနေဖြင့် ဒိန်းမတ်နိုင်ငံနှင့် ဂရင်းလန်းကျွန်းအား “ဖိအားပေးခြိမ်းခြောက်မှုများ” လုပ်ဆောင်နေသည်ဟုလည်း စွပ်စွဲခဲ့သည်။
“နိုင်ငံတကာလုံခြုံရေးအတွက်လို့ အကြောင်းပြပြီးတော့လည်း တခြားနိုင်ငံတွေကို သိမ်းယူလို့မရနိုင်ပါဘူး” ဟု ဂရင်းလန်းကျွန်း၏မြို့တော် နုခ် (Nuuk) တွင် ဂရင်းလန်းကျွန်း တာဝန်ရှိသူများနှင့် ပူးတွဲသတင်းစာရှင်းလင်းပွဲအတွင်း ဖရက်ဒရစ်ဆင်က ပြောကြားခဲ့သည်။ “နိုင်ငံနယ်နိမိတ်၊ အချုပ်အခြာအာဏာ၊ နယ်မြေပိုင်နက်ပြည့်စုံမှု စတာတွေက နိုင်ငံတကာဥပဒေမှာ အခိုင်အမာတည်ရှိနေပါတယ်။ နိုင်ငံငယ်လေးတွေအနေနဲ့ အင်အားကြီးနိုင်ငံတွေကို ကြောက်ရွံ့စရာမလိုအောင် ဒုတိယကမ္ဘာစစ်အပြီးမှာ အဲဒီမူဝါဒတွေကို ချမှတ်ခဲ့တာဖြစ်တယ်” ဟု ၎င်းက ဆက်လက်ပြောကြားခဲ့သည်။
ထိုစဉ် ဖရက်ဒရစ်ဆင်က ၎င်းအနေဖြင့် အမေရိကန်၏ ဖိအားပေးမှု၊ ခြိမ်းခြောက်မှုများကို အလေးအနက် စိုးရိမ်လျက်ရှိကြောင်း ပြောကြားခဲ့သည်။ “အသင်တို့က ဒိန်းမတ်နိုင်ငံရဲ့ ပိုင်နက်နယ်မြေ တစ်စိတ်တစ်ပိုင်းကို ထိန်းချုပ်ရယူဖို့ ကြိုးပမ်းနေချိန်မှာ၊ ကျွန်မတို့အနေနဲ့ အရင်းနှီးဆုံး မဟာမိတ်နိုင်ငံရဲ့ ဖိအားပေးခြိမ်းခြောက်မှုတွေနဲ့ ရင်ဆိုင်နေရချိန်မှာ ကျွန်မတို့ နှစ်ပေါင်းများစွာ လေးစားအားကျခဲ့တဲ့ နိုင်ငံအပေါ်မှာ ကျွန်မတို့ရဲ့သဘောထားက ဘယ်လိုရှိလာမလဲ” ဟုလည်း ၎င်းက မေးခွန်းထုတ်ခဲ့သည်။
အမေရိကန်သမ္မတ ဒေါ်နယ်ထရမ့်က ဒိန်းမတ်၏ ကိုယ်ပိုင်အုပ်ချုပ်ခွင့်ရ နယ်မြေဖြစ်သော ဂရင်းလန်းကျွန်းအား ရယူရန် စိတ်ဝင်စားကြောင်း အဆက်မပြတ် ပြောဆိုနေချိန်တွင် ထိုသတင်းစာရှင်းလင်းပွဲကို ပြုလုပ်ခဲ့ခြင်းဖြစ်ပြီး ယင်းအား ဒိန်းမတ်ရုပ်သံ DR က တိုက်ရိုက်ထုတ်လွှင့်ခဲ့ကြောင်း သိရသည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ http://xhtxs.cn/2uy

ဒိန်းမတ်နိုင်ငံ၏ ကိုယ်ပိုင်အုပ်ချုပ်ခွင့်ရနယ်မြေ ဂရင်းလန်းကျွန်း၏မြို့တော် နုခ်တွင် ဆိုင်းဘုတ်ကိုင်ဆောင်၍ ဆန္ဒပြနေသည့် အမျိုးသမီးတစ်ဦးအား ၂၀၂၅ ခုနှစ် မတ် ၂၈ ရက်က တွေ့ရစဉ် (ဆင်ဟွာ)

……………….
(English Version)
Danish PM rebukes U.S. attempt to annex Greenland, urging respect of int’l law
OSLO, April 3 (Xinhua) — Accusing the United States of subjecting Denmark and Greenland to “pressure and threats,” Danish Prime Minister Mette Frederiksen on Thursday firmly rejected U.S. attempt to annex the Greenland, citing international law.
“You cannot annex other countries — not even under the pretext of international security,” Frederiksen said at a press conference with Greenlandic officials in Nuuk, the capital of Greenland. “National borders, sovereignty, territorial integrity – these are rooted in international law. These principles were established after World War II so that small countries would not have to fear large ones.”
Meanwhile, she expressed deep concern over what she described as pressure and threats from the United States. “When you seek to take over part of the Kingdom (of Denmark)’s territory, when we are subjected to pressure and threats by our closest ally, what are we to think about the country we have admired for so many years?” Frederiksen said.
The press conference, which was broadcast live by Danish broadcaster DR, was held amid U.S. President Donald Trump’s continuous expression of interest in acquiring Greenland, an autonomous territory of Denmark. http://xhtxs.cn/2uy
English Caption 1
People march to protest in front of the U.S. Embassy in Copenhagen, capital of Denmark, on March 29, 2025. (Photo by Liu Zhichao/Xinhua)
English Caption 2
A woman holding a protest sign is pictured in Nuuk, capital of Greenland, an autonomous territory of Denmark, March 28, 2025. (Xinhua/Peng Ziyang)