Business
ဆေးဝါးကုမ္ပဏီများက သုံးစွဲသူပြည်သူများထံ တိုက်ရိုက်ဆေးရောင်းချပွဲ မြန်မာနိုင်ငံ ရန်ကုန်မြို့၌ ပြုလုပ်
ရန်ကုန်၊ ဇူလိုင် ၁၉ ရက် (ဆင်ဟွာ)
မြန်မာနိုင်ငံ ရန်ကုန်မြို့ ကုန်သည်လမ်းနှင့် လမ်း ၃၀ ထောင့်ရှိ မြန်မာကုန်သွယ်မှုမြှင့်တင်ရေးအဖွဲ့ ရန်ကုန်တိုင်းဒေသကြီးဦးစီးမှူးရုံးတွင် ဆေးဝါးကုမ္ပဏီများက သုံးစွဲသူပြည်သူများထံ ဇူလိုင် ၁၇ ရက်မှ ၃၁ ရက်အထိ တိုက်ရိုက်ဆေးရောင်းချပွဲပြုလုပ်လျက်ရှိကြောင်း သိရသည် ။
မြန်မာနိုင်ငံရှိ ဆေးဝါးသုံးစွဲသူပြည်သူများ ပြည်တွင်း၌ သင့်တင့်မျှတသည့် ဈေးနှုန်းဖြင့် အဆင်ပြေစွာ ဝယ်ယူသုံးစွဲနိုင်ရေးနှင့် ဆေးဝါးများ မပြတ်လပ်ရေးအတွက် ရည်ရွယ်၍ မြန်မာနိုင်ငံ ဆေးနှင့် ဆေးပစ္စည်းလုပ်ငန်းရှင်များအသင်းမှ ဦးဆောင်၍ အပတ်စဉ် တနင်္လာနေ့မှ စနေနေ့အထိ (တနင်္ဂနွေနေ့နှင့် အများပြည်သူရုံးပိတ်ရက်မှအပ နံနက် ၉ နာရီမှ ညနေ ၄ နာရီအထိ) ရောင်းချပေးလျက်ရှိကြောင်း သိရသည် ။ (Xinhua)
