ဒေသတွင်းနိုင်ငံများနှင့်အတူ ပိုမိုနီးကပ်သော တရုတ်-အာဆီယံ အေးအတူ ပူအမျှ အသိုက်အဝန်း တည်ဆောက်ရန် မြှင့်တင်ဆောင်ရွက်သွားမည်ဟု တရုတ်နိုင်ငံခြားရေးဝန်ကြီးဌာန ပြောကြား

ပေကျင်း၊ အောက်တိုဘာ ၂၃ ရက် (ဆင်ဟွာ)
တရုတ်နိုင်ငံသည် အိမ်နီးချင်းနိုင်ငံများနှင့် ခင်မင်ရင်းနှီးစွာ ဆက်ဆံခြင်း၊ အိမ်နီးချင်းနိုင်ငံများ ငြိမ်းချမ်းရေး၊ အိမ်နီးချင်းနိုင်ငံများ ချမ်းသာကြွယ်ဝရေး၊ “ချစ်ကြည်ရင်းနှီးခြင်း၊ စိတ်ရင်းစေတနာမှန်ကန်ခြင်း၊ အပြန်အလှန် အကျိုးဖြစ်ထွန်းစေလိုခြင်း၊ အားလုံးလက်ခံပါဝင်မှုရှိခြင်း”၊ အေးအတူ ပူအမျှ အတူယှဉ်တွဲနေထိုင်ခြင်း သဘောထားမူဝါဒများကို အခိုင်အမာ ထိန်းသိမ်းသွားပြီး ဒေသတွင်းနိုင်ငံများနှင့်အတူ ငြိမ်းချမ်းသော၊ အေးချမ်းသော၊ စည်ပင်သာယာသော၊ လှပသော၊ ချစ်ကြည်ရင်းနှီးသော ဘုံမိသားစုဥယျာဉ်ကို တည်ဆောက်ကာ ပိုမိုနီးကပ်သော တရုတ်-အာဆီယံ အေးအတူ ပူအမျှ အသိုက်အဝန်း တည်ဆောက်ရန် မြှင့်တင်ဆောင်ရွက်သွားမည်ကြောင်း တရုတ်နိုင်ငံခြားရေးဝန်ကြီးဌာန ကောကျားခွန်းက အောက်တိုဘာ ၂၂ ရက်တွင် ပြောကြားခဲ့သည်။
နောက်ဆုံး အချက်အလက်များအရ ယခုနှစ် ပထမသုံးလပတ်ကာလ သုံးခုတွင် အာဆီယံထံ တရုတ်နိုင်ငံ၏ တင်ပို့မှု စုစုပေါင်းတန်ဖိုးမှာ တရုတ်ယွမ် ၅.၅၇ ထရီလီယံရှိပြီး ယမန်နှစ်ကာလတူထက် ၉.၆ ရာခိုင်နှုန်းတိုးတက်လာကာ အာဆီယံသည် တရုတ်နိုင်ငံ၏ ပထမ အကြီးဆုံး ကုန်သွယ်ရေးမိတ်ဖက်အနေအထားကို ဆက်လက်ထိန်းသိမ်းထားနိုင်ဆဲဖြစ်ကြောင်း၊ တရုတ်-အာဆီယံ ကုန်စည်ပြပွဲစသည့် အခမ်းအနားအများအပြား အောင်မြင်စွာ ကျင်းပခဲ့ကြောင်း၊ ပြင်ပ မသေချာမရေရာမှုများ များပြားလာသည့် နောက်ခံအခြေအနေ၌ တရုတ်-အာဆီယံ ပူးပေါင်းဆောင်ရွက်မှု “ရေဆန်တက်နိုင်ခဲ့ခြင်း” ကို မီးမောင်းထိုးပြသခဲ့ကြောင်း၊ တရုတ်နိုင်ငံအနေဖြင့် တရုတ်-အာဆီယံ ပူးပေါင်းဆောင်ရွက်မှုကို မည်သို့ ရှုမြင်ပါသနည်း၊ လက်ရှိ တရုတ်-အာဆီယံ ဆက်ဆံရေးအပေါ် မည်သို့မှတ်ချက်ပြုလိုပါသနည်း ဟူ၍ သတင်းထောက်တစ်ဦးက အဆိုပါနေ့ သတင်းစာ ရှင်းလင်းပွဲတွင် မေးမြန်းခဲ့ခြင်းဖြစ်သည်။
တရုတ်နှင့် အာဆီယံနိုင်ငံများသည် ပထဝီတည်နေရာချင်း နီးစပ်ခြင်း၊ အယူအဆများ ယှက်နွှယ်ချိတ်ဆက်ခြင်း၊ အကျိုးစီးပွား ပေါင်းစည်းခြင်းတို့ ရှိရာ ဘက်စုံ မဟာဗျူဟာ မိတ်ဖက်ဆက်ဆံရေး စဉ်ဆက်မပြတ်နက်ရှိုင်းစေခဲ့ပြီး အာရှတိုက်နှင့် ကမ္ဘာကြီး ဖွံ့ဖြိုးတိုးတက်ရေးအတွက် တည်ငြိမ်မှုနှင့် သေချာမှု ဖြည့်တင်းပေးခဲ့ကြောင်း ကောကျားခွန်းက ပြောကြားခဲ့သည်။
တရုတ်-အာဆီယံ အဆင့်မြင့် ကူးလူးဖလှယ်မှု များစွာဖြင့် နီးကပ်မှုရှိကာ နိုင်ငံရေးအရ အပြန်အလှန်ယုံကြည်မှုမှာ ခိုင်မာ နက်ရှိုင်းပြီး ပေါင်းစည်းဖွံ့ဖြိုးတိုးတက်မှု အရှိန်အဟုန်မှာ အဆက်မပြတ် အားကောင်းလာခဲ့ကြောင်း၊ နှစ်ဖက်သည် ဖွံ့ဖြိုးတိုးတက်ရေး မဟာဗျူဟာ ချိတ်ဆက်မှုကို အထူးအလေးထားပြီး “တရုတ်-အာဆီယံ ဘက်စုံမဟာဗျူဟာမြောက် မိတ်ဖက်ဆက်ဆံရေး လှုပ်ရှားမှု အစီအစဉ် (၂၀၂၆ ခုနှစ်-၂၀၃၀ ခုနှစ်)” ကို ရေးဆွဲခဲ့ကြောင်း၊ နှစ်ဖက်သည် အားသာချက် အပြန်အလှန် ဖြည့်စွမ်းပေးမှုကို အပြည့်အဝ အသုံးချ၍ ထုတ်လုပ်ရေးနှင့် ထောက်ပံ့ရေးကွင်းဆက် ပေါင်းစည်းမှုနှင့် ခံနိုင်ရည်စွမ်းကို အားကောင်းစေကာ လွတ်လပ်သော ကုန်သွယ်ရေးဇုန် ၃.၀ မြှင့်တင်ထားသော ဗားရှင်းကို ယခုနှစ်အတွင်း တရားဝင်လက်မှတ်ရေးထိုးမည်ဖြစ်ပြီး ဒေသတွင်း စီးပွားရေး တစ်သားတည်းဖြစ်ရေး လုပ်ငန်းစဉ်နှင့် ကမ္ဘာ့ ကုန်သွယ်ရေး မြှင့်တင်မှုအတွက် ပိုမိုကြီးမားသော စွမ်းအားများ ဖြည့်တင်းပေးကြောင်း ကောကျားခွန်းက ပြောကြားခဲ့သည်။
တရုတ်-လာအို မီးရထားလမ်း၊ ဂျကာတာ-ဘန်ဒေါင်း မြန်နှုန်းမြင့်ရထားလမ်း စသည်တို့ တည်ငြိမ်စွာ လည်ပတ်လျက်ရှိပြီး အပြန်အလှန် ချိတ်ဆက်မှုအဆင့်ကို မြှင့်တင်ပေးကာ မီးရထားလမ်းတစ်လျှောက်စီးပွားရေးကို ဖွံ့ဖြိုးတိုးတက်စေခဲ့ကြောင်း၊ ဉာဏ်ရည်တု (AI) ၊ ဒစ်ဂျစ်တယ် စီးပွားရေး စသည့် ထွန်းသစ်စကဏ္ဍ ပူးပေါင်းဆောင်ရွက်မှုမှာ စဉ်ဆက်မပြတ် ဖွံ့ဖြိုးလျက် ဆန်းသစ်တီထွင်မှုဖြင့် မောင်းနှင်သော ဖွံ့ဖြိုးတိုးတက်ရေးက အလားအလာအသစ်များ ဖွင့်လှစ်ပေးမည်ဖြစ်ကြောင်း ၎င်းက ပြောကြားခဲ့သည်။
တရုတ်-အာဆီယံ ယဉ်ကျေးမှုဖလှယ်မှုနှင့်အပြန်အလှန်လေ့လာသင်ယူမှုခြေလှမ်းများသည် တစ်နေ့တခြား အရှိန်မြင့်တက်လာကြောင်း၊ “တရုတ်-အာဆီယံ ယဉ်ကျေးမှုဖလှယ်ရေးနှစ်” လှုပ်ရှားမှုများသည် တက်ကြွစွာဖွံ့ဖြိုးလျက် ပညာရေး၊ လူငယ်၊ Think Tank၊ မီဒီယာ စသည့်ကဏ္ဍများတွင် ပူးပေါင်းဆောင်ရွက်မှုများ ကြွယ်ဝသော ရလဒ်များ ရရှိခဲ့ကြောင်း၊ တရုတ်နိုင်ငံက “အာဆီယံ ဗီဇာ” မိတ်ဆက်ခဲ့ပြီး စင်ကာပူ၊ ထိုင်း၊ မလေးရှားနိုင်ငံ သုံးနိုင်ငံနှင့် အပြန်အလှန် ဗီဇာ အပြည့်အဝ ကင်းလွတ်စေခဲ့သလို ဘရူနိုင်းနိုင်ငံနှင့် အပြန်အလှန်အားဖြင့် နိုင်ငံသားများအား ဗီဇာကင်းလွတ်မှုခံစားခွင့် ပေးခဲ့ကြောင်း၊ ဆွေမျိုးရင်းချာများဆီ သွားရောက်လည်ပတ်သကဲ့သို့ ကူးလူးသွားလာမှုများသည် စိတ်နှလုံးချင်း ပိုမိုရင်းနှီးစေခဲ့ကြောင်း ကောကျားခွန်းက ပြောကြားခဲ့သည်။
တရုတ်နှင့်အာဆီယံတို့သည် ဒေသတွင်း ငြိမ်းချမ်းရေးနှင့် တည်ငြိမ်ရေးကို ထိန်းသိမ်းရာတွင် အားစိုက်ဆောင်ရွက်လျက်ရှိကြောင်း၊ တရုတ်နိုင်ငံသည် အာဆီယံက ဒေသတွင်းဖွဲ့စည်းပုံမူဘောင်၏ ဗဟိုကျသည့်အခန်းကဏ္ဍကို ခိုင်ခိုင်မာမာ အားပေးလျက်ရှိပြီး အာဆီယံအတွင်းရေးပြဿနာများကို “အာဆီယံနည်းလမ်း” ဖြင့် ဖြေရှင်းရန် အားပေးလျက်ရှိကြောင်း၊ တရုတ်နိုင်ငံသည် တောင်တရုတ်ပင်လယ်အရေးတွင် တိုက်ရိုက်ပါဝင်ပတ်သက်သော နိုင်ငံများနှင့် ညှိနှိုင်းဆွေးနွေးမှုများမှတစ်ဆင့် သဘောထားကွဲလွဲချက်များကို သင့်လျော်ကောင်းမွန်စွာ ဖြေရှင်းရန်၊ အာဆီယံနိုင်ငံများနှင့် “တောင်တရုတ်ပင်လယ်နိုင်ငံများ အပြုအမူဆိုင်ရာ ကြေညာစာတမ်း” ကို ဘက်စုံ ထိရောက်စွာ အကောင်အထည်ဖော်ရန်၊ “တောင်တရုတ်ပင်လယ်နိုင်ငံများ အပြုအမူဆိုင်ရာ သတ်မှတ်ချက်” ညှိနှိုင်းဆွေးနွေးမှုကို အရှိန်မြှင့်တင်ရန်၊ ပင်လယ်ပြင်ဆိုင်ရာ လက်တွေ့ပူးပေါင်းဆောင်ရွက်မှုကို နက်ရှိုင်းစေရန် နှင့် ငြိမ်းချမ်းသော၊ ချစ်ကြည်ရင်းနှီးသော၊ ပူးပေါင်းဆောင်ရွက်သော ပင်လယ်အဖြစ် အတူတကွ တည်ဆောက်ရန် အားစိုက်ဆောင်ရွက်လျက်ရှိကြောင်း ကောကျားခွန်းက ပြောကြားခဲ့သည်။
“နိုင်ငံတကာ အခြေအနေ ပိုပြီး ပြောင်းလဲလေ ပူးပေါင်းဆောင်ရွက်မှု ဦးတည်ချက်ကို ပိုပြီးတည်ငြိမ်အောင်ထားလေဖြစ်ပြီး ဘုံအကျိုးဖြစ်ထွန်းတဲ့လမ်းကို အတူတကွတည်ဆောက်ရပါမယ်”၊ “တရုတ်နိုင်ငံက အိမ်နီးချင်းနိုင်ငံတွေနဲ့ ခင်မင်ရင်းနှီးစွာ ဆက်ဆံခြင်း၊ အိမ်နီးချင်းနိုင်ငံတွေ ငြိမ်းချမ်းရေး၊ အိမ်နီးချင်းနိုင်ငံတွေ ချမ်းသာကြွယ်ဝရေး၊ “ချစ်ကြည်ရင်းနှီးခြင်း၊ စိတ်ရင်းစေတနာမှန်ကန်ခြင်း၊ အပြန်အလှန် အကျိုးဖြစ်ထွန်းစေလိုခြင်း၊ အားလုံးလက်ခံပါဝင်မှုရှိခြင်း”၊ အေးအတူ ပူအမျှ အတူယှဉ်တွဲနေထိုင်ခြင်း သဘောထားမူဝါဒတွေကို အခိုင်အမာ ထိန်းသိမ်းသွားပြီး ဒေသတွင်းနိုင်ငံတွေနဲ့အတူ ငြိမ်းချမ်းတဲ့၊ အေးချမ်းတဲ့၊ စည်ပင်သာယာတဲ့၊ လှပတဲ့၊ ချစ်ကြည်ရင်းနှီးတဲ့ ဘုံမိသားစုဥယျာဉ်ကို တည်ဆောက်ကာ ပိုမိုနီးကပ်တဲ့ တရုတ်-အာဆီယံ အေးအတူ ပူအမျှ အသိုက်အဝန်း ဖွဲ့စည်းတည်ဆောက်ဖို့ မြှင့်တင်ဆောင်ရွက်သွားမှာ ဖြစ်ပါတယ်” ဟူ၍ ကောကျားခွန်းက ပြောကြားခဲ့သည်။ (Xinhua)
……………………………
(Chinese Version)
外交部：将同地区国家一道，推动构建更为紧密的中国－东盟命运共同体
新华社北京10月22日电（记者邵艺博、董雪）外交部发言人郭嘉昆22日说，中方将坚持睦邻、安邻、富邻、亲诚惠容、命运与共的理念方针，同地区国家一道，建设和平、安宁、繁荣、美丽、友好的共同家园，推动构建更为紧密的中国－东盟命运共同体。
当日例行记者会上，有记者问：最新数据显示，今年前三季度，中国对东盟进出口总值5.57万亿元人民币，同比增长9.6%，东盟继续保持中国第一大贸易伙伴地位，中国－东盟博览会等多项活动成功举行。在外部不确定性增多的背景下，中国东盟合作“逆势而上”，亮点纷呈。中方如何看待中国东盟合作？对当前中国东盟关系有何评价？
郭嘉昆说，中国与东盟国家地理相近、理念相通、利益相融，全面战略伙伴关系持续深化，为亚洲和世界发展注入稳定性和确定性。
郭嘉昆表示，中国东盟高层往来频密，政治互信巩固深化，融合发展的势头不断增强。双方高度重视发展战略对接，制定《中国－东盟全面战略伙伴关系行动计划（2026-2030）》。双方充分发挥优势互补，强化产供链融合与韧性，今年年内将正式签署自贸区3.0版升级议定书，为促进区域经济一体化进程和全球贸易注入更大动能。中老铁路、雅万高铁等平稳运行，提升互联互通水平，带动沿线经济发展。人工智能、数字经济等新兴领域合作方兴未艾，创新驱动发展开辟新前景。
郭嘉昆说，中国东盟文明交流互鉴的步伐日益加快。“中国－东盟人文交流年”活动蓬勃开展，教育、青少年、智库、媒体等领域合作成果丰硕。中国推出“东盟签证”，同新、泰、马三国全面互免签证，与文莱互予对方公民免签待遇。走亲戚般的往来，让心相通更加紧密。
郭嘉昆表示，中国东盟共同致力于维护地区和平稳定。中方坚定支持东盟在区域架构中的中心地位，支持以“东盟方式”解决好东盟内部问题。中方致力于同南海直接当事国通过对话协商妥处分歧，与东盟国家全面有效落实《南海各方行为宣言》，加快推进“南海行为准则”磋商，深化海上务实合作，共同建设和平、友谊、合作之海。
“国际风云越是变幻，越要把稳合作之舵，同筑共赢之路。”郭嘉昆说，“中方将坚持睦邻、安邻、富邻、亲诚惠容、命运与共的理念方针，同地区国家一道，建设和平、安宁、繁荣、美丽、友好的共同家园，推动构建更为紧密的中国－东盟命运共同体。”（完）