China

ရှီကျင့်ဖိန်က ၃၂ ကြိမ်မြောက် အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) ခေါင်းဆောင်များ အလွတ်သဘောအစည်းအဝေးသို့ ဆက်လက်တက်ရောက်

တရုတ်နိုင်ငံ သမ္မတ ရှီကျင့်ဖိန်သည် တောင်ကိုရီးယားနိုင်ငံ ဂယောင်းဂျူမြို့၌ ဒေသစံတော်ချိန် နိုဝင်ဘာ ၁ ရက် နံနက်ပိုင်းက ကျင်းပသော ၃၂ ကြိမ်မြောက် အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) ခေါင်းဆောင်များ အလွတ်သဘောအစည်းအဝေး ဒုတိယအဆင့်အစည်းအဝေးကို တက်ရောက်၍ “စဉ်ဆက်မပြတ် သာယာလှပသော မနက်ဖြန်အား အတူတကွ ဖွင့်လှစ်ခြင်း” ဟူသော ခေါင်းစဉ်ဖြင့် အရေးကြီးမိန့်ခွန်းပြောကြားစဉ် (ဆင်ဟွာ)

ဂယောင်းဂျူ၊ နိုဝင်ဘာ ၁ ရက် (ဆင်ဟွာ)

ထိုသို့မိန့်ခွန်းပြောကြားရာတွင် ရှီကျင့်ဖိန်က လက်ရှိ သိပ္ပံနည်းပညာတော်လှန်ရေးနှင့် စက်မှုတော်လှန်ရေးလှိုင်းသစ်သည် နက်ရှိုင်းစွာ တိုးတက်ဖြစ်ပေါ်လျက်ရှိရာ လူသားမျိုးနွယ် လူမှုအသိုက်အဝန်းအတွက် အလားအလာသစ်များကို ဖွင့််လှစ်ပေးလိုက်ကြောင်း၊ တစ်ချိန်တည်းတွင်ပင် ကမ္ဘာ့စီးပွားရေးတိုးတက်မှုတွန်းအား မလုံလောက်ခြင်း၊ ကမ္ဘာလုံးဆိုင်ရာဖွံ့ဖြိုးတိုးတက်မှု လိုအပ်ချက်ကြီးမားလာခြင်း၊ ဥတုရာသီပြောင်းလဲခြင်း၊ စားနပ်ရိက္ခာနှင့် စွမ်းအင်ဖူလုံရေး စသည့် စိန်ခေါ်မှုများက ပြင်းထန်လျက်ရှိကြောင်း၊ အာရှ-ပစိဖိတ် စီးပွားရေးအစုအဖွဲ့အသီးသီးအနေဖြင့် အပြန်အလှန်အကျိုးဖြစ်ထွန်းသည့် ပူးပေါင်းဆောင်ရွက်မှုကို မြှင့်တင်သင့်ရာ အခွင့်အလမ်းသစ်များကို ဖမ်းဆုပ်ပြီး စိန်ခေါ်မှုအသစ်များကို ရင်ဆိုင်ကာ စဉ်ဆက်မပြတ်သာယာလှပသော မနက်ဖြန်အား အတူတကွ ဖွင့်လှစ်ရမည် ဖြစ်ကြောင်း ထောက်ပြ ပြောကြားခဲ့သည်။

ထို့အပေါ် ရှီကျင့်ဖိန်က အကြုံပြုချက် သုံးရပ် အဆိုပြုခဲ့သည်။

ပထမအနေဖြင့် ဒစ်ဂျစ်တယ်၊ စမတ် စွမ်းအားပေးနိုင်မှုကို မြှင့်တင်၍ အာရှ-ပစိဖိတ် ဆန်းသစ်ဖန်တီးမှုဖြင့် တိုးတက်ရေး အားသာချက်သစ်ကို ပုံဖော်ရမည် ဖြစ်ကြောင်း၊ နည်းပညာသစ်၏ တွန်းအားနှင့် စွမ်းအားပေးနိုင်မှု အခန်းကဏ္ဍကို အပြည့်အဝအသုံးချကာ ဒစ်ဂျစ်တယ်အသွင်၊ စမတ်အသွင်၊ အစိမ်းရောင်အသွင် ဖွံ့ဖြိုးတိုးတက်ရေး အခွင့်အလမ်းများကို အမိအရ ဖမ်းဆုပ်ကာ အရည်အသွေးသစ် ကုန်ထုတ်စွမ်းအားများ ဖွံ့ဖြိုးတိုးတက်စေရန် အရှိန်မြှင့် ပျိုးထောင်ရမည် ဖြစ်ကြောင်း၊ ဒေတာအချက်အလက် လုံခြုံစွာ စနစ်တကျ စီးဆင်းရေးကို တွန်းအားပေးရန်၊ နည်းပညာအရင်းအမြစ် တံခါးဖွင့်ပူးပေါင်းဆောင်ရွက်ခြင်းကို နက်ရှိုင်းစေရန်၊ ယှဉ်ပြိုင်အားရှိသည့် တံခါးဖွင့် ဆန်းသစ်တီထွင်မှုဂေဟစနစ်သစ်ကို ဖန်တီးတည်ဆောက်ရန် လုပ်ဆောင်ရမည်ဖြစ်ကြောင်း၊ လူသားမျိုးနွယ်တစ်ရပ်လုံး၏ အကျိုးစီးပွားကို ရည်မှန်းကာ ဉာဏ်ရည်တု (AI) ကဏ္ဍကို အကျိုးရှိသော၊ လုံခြုံသော၊ တရားမျှတသော ဦးတည်ချက်သို့ ကောင်းမွန်စနစ်ကျစွာ တိုးတက်ရန် တွန်းအားပေးရမည်ဖြစ်ကြောင်း၊ နိုင်ငံတကာအသိုက်အဝန်းအတွက် ဉာဏ်ရည်တုပြည်သူ့ထုတ်ကုန်များကို ပံ့ပိုးပေးရန် တရုတ်နိုင်ငံက ကမ္ဘာ့ဉာဏ်ရည်တုပူးပေါင်းဆောင်ရွက်မှုအဖွဲ့ကို တည်ထောင်ရန် အဆိုပြုကြောင်း၊ APEC အဖွဲ့ဝင်အသီးသီးနှင့်အတူ ပြည်သူလူထု၏ ဉာဏ်ရည်တု အရည်အသွေးကို မြှင့်တင်ကာ အာရှ-ပစိဖိတ် ဒေသတွင်း ဒစ်ဂျစ်တယ်နှင့် ဉာဏ်ရည်တုကဏ္ဍ ကွာဟချက် ရင်ကြားစေ့ရေးကို ဆောင်ရွက်သွားလိုကြောင်း ရှီကျင့်ဖိန်က ပြောကြားခဲ့သည်။

ဒုတိယအနေဖြင့် အစိမ်းရောင်နှင့် ကာဗွန်လျော့နည်းရေးကို အခိုင်အမာဆောင်ရွက်ကာ အာရှ-ပစိဖိတ် စဉ်ဆက်မပြတ် ဖွံ့ဖြိုးတိုးတက်ရေးပုံစံသစ်ကို တည်ဆောက်ရမည် ဖြစ်ကြောင်း၊ နောင်လာနောက်သား သားစဉ်မြေးဆက်များအပေါ် တာဝန်ယူသည့်သဘောထားကို အရင်းခံကာ အစိမ်းရောင်ဖွံ့ဖြိုးတိုးတက်ရေး မဟာဗျူဟာချိတ်ဆက်မှုကို အားဖြည့်ရန်၊ အရည်အသွေးကောင်းမွန်သည့် အစိမ်းရောင်နည်းပညာနှင့် ထုတ်ကုန်ပစ္စည်းများ လွတ်လပ်စွာ စီးဆင်းမှုကို မြှင့်တင်ရန်၊ ဖွံ့ဖြိုးတိုးတက်မှုပုံစံကို အစိမ်းရောင် ကာဗွန်လျော့နည်းမှု အသွင်ပြောင်းရေး အရှိန်မြှင့်တင်ဆောင်ရွက်ရန်၊ ဥတုရာသီပြောင်းလဲမှုအား တက်ကြွစွာ ကိုင်တွယ်စီမံရန် လုပ်ဆောင်ရမည်ဖြစ်ကြောင်း၊ တရုတ်နိုင်ငံသည် ကာဗွန်ဒိုင်အောက်ဆိုဒ် ထုတ်လွှတ်မှု အမြင့်ဆုံးမှ ပြန်လည်လျှော့ချရေး၊ ကာဗွန်ထုတ်လုပ်မှု မျှခြေအဆင့် ရောက်ရှိရေး ရည်မှန်းချက်များကို ကြေညာသည့်အချိန်မှစ၍ ကမ္ဘာတစ်ဝန်း အကြီးဆုံးသော၊ ဖွံ့ဖြိုးတိုးတက်မှု အလျင်မြန်ဆုံးသော ပြန်လည်ပြည့်ဖြိုးမြဲစွမ်းအင်စနစ်ကို တည်ဆောက်ပြီးဖြစ်ကြောင်း၊ ဥတုရာသီပြောင်းလဲမှု ကိုင်တွယ်စီမံရေး ၂၀၃၅ ခုနှစ် နိုင်ငံ၏ကိုယ်ပိုင် အကျိုးဆောင်မှုရည်မှန်းချက်ကို တင်ပြပြီးဖြစ်ရာ ကာဗွန်ထုတ်လုပ်မှုစုစုပေါင်းပမာဏနှင့် အတိုင်းအတာ နှစ်ခုလုံးထိန်းချုပ်မှုကို ဘက်စုံဖော်ဆောင်သွားမည် ဖြစ်ကြောင်း ၎င်းက ပြောကြားခဲ့သည်။
တတိယအနေဖြင့် အများအကျိုးဖြစ်ထွန်း၍ မျှဝေခံစားရေးကို အကောင်အထည်ဖော်ဆောင်ကာ အာရှ-ပစိဖိတ် အားလုံးပါဝင်သည့် ဖွံ့ဖြိုးတိုးတက်ရေးအလားအလာသစ်ကို ပြသရမည်ဖြစ်ကြောင်း၊ ပြည်သူ့အကျိုး ဦးထိပ်ထားခြင်းကို အခိုင်အမာလက်ကိုင်ထားကာ မူဝါဒညှိနှိုင်းဆွေးနွေးမှု၊ အတွေ့အကြုံမျှဝေမှု၊ လက်တွေ့ပူးပေါင်းဆောင်ရွက်မှုကို မြှင့်တင်ရမည်ဖြစ်ကြောင်း၊ ကုလသမဂ္ဂ၏ ၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးတိုးတက်ရေးအစီအစဉ်ကို ဘက်စုံအကောင်အထည်ဖော်ကာ ဆင်းရဲနွမ်းပါးမှုကို လက်တွဲအတူဖယ်ရှား၍ အာရှ-ပစိဖိတ် ပြည်သူတစ်ရပ်လုံး ဘုံကြွယ်ဝချမ်းသာရေးကို မြှင့်တင်ရမည်ဖြစ်ကြောင်း၊ APEC စီးပွားရေးနည်းပညာ ပူးပေါင်းဆောင်ရွက်မှု၏ အစဉ်အလာအားသာချက်ကို အပြည့်အဝအသုံးပြုကာ ဖွံ့ဖြိုးဆဲစီးပွားရေးအစုအဖွဲ့နိုင်ငံများ ဟန်ချက်ညီညီ တိုးတက်ဖွံ့ဖြိုးရေး ဖော်ဆောင်မှုကို ကူညီပံ့ပိုးပေးရမည် ဖြစ်ကြောင်း၊ တရုတ်နိုင်ငံသည် လူအုပ်စုတစ်ရပ်လုံး၊ သက်တမ်းကာလတစ်ရပ်လုံးအား လွှမ်းခြုံထားသော လူဦးရေဝန်ဆောင်မှုစနစ်ကို ကောင်းမွန်ပြည့်စုံအောင် အရှိန်မြှင့်ဆောင်ရွက်သွားမည်ဖြစ်ပြီး လူဦးရေ အရည်အသွေးမြင့်ဖွံ့ဖြိုးတိုးတက်ရေးကို မြှင့်တင်သွားမည်ဖြစ်ကြောင်း၊ ဉာဏ်ရည်တုဖြင့် ကျန်းမာရေးကဏ္ဍအား ပံ့ပိုးရေး၊ အမျိုးသမီး၏ ဒစ်ဂျစ်တယ်ကဏ္ဍ အရည်အသွေးမြှင့်တင်ရေး စသည့် အဆိုပြုချက်များကို တွန်းအားပေး ဖော်ဆောင်ကာ ပိုမိုများပြားသော ပူးပေါင်းဆောင်ရွက်ခြင်း အောင်မြင်မှုရလဒ်များဖြင့် အာရှ-ပစိဖိတ်ဒေသပြည်သူများ အကျိုးဖြစ်ထွန်းအောင် ဆောင်ရွက်သွားမည် ဖြစ်ကြောင်း ရှီကျင့်ဖိန်က ပြောကြားခဲ့သည်။
အဆိုပါအစည်းအဝေးတွင် “၂၀၂၅ ခုနှစ် APEC ခေါင်းဆောင်များ ဂယောင်းဂျူကြေညာချက်”၊ “APEC ဉာဏ်ရည်တု အဆိုပြုချက်”၊ “APEC လူဦးရေဖွဲ့စည်းပုံပြောင်းလဲမှုအား ကိုင်တွယ်စီမံရေး မူဘောင်သဘောတူညီချက်” စသည့် အောင်မြင်မှုရလဒ် စာရွက်စာတမ်းများအား ထုတ်ပြန်ခဲ့သည်။
အစည်းအဝေးအပြီးတွင် စီးပွားရေးအစုအဖွဲ့ခေါင်းဆောင်များ အဖွဲ့လိုက် အမှတ်တရဓာတ်ပုံရိုက်ကူးခဲ့ကြသည်။
အောက်တိုဘာ ၃၁ ရက် ညပိုင်းတွင် ရှီကျင့်ဖိန်သည် APEC ခေါင်းဆောင်များ အလွတ်သဘောအစည်းအဝေး ဂုဏ်ပြုကြိုဆိုပွဲအခမ်းအနားသို့ တက်ရောက်ခဲ့သည်။
အဆိုပါ အခမ်းအနားအစီအစဉ်များသို့ ဝမ်ရိ တက်ရောက်ခဲ့သည်။ (Xinhua)

——————
(Chinese Version)
习近平继续出席亚太经合组织第三十二次领导人非正式会议
新华社韩国庆州11月1日电（记者孙承斌　高川）当地时间11月1日上午，国家主席习近平在韩国庆州出席亚太经合组织第三十二次领导人非正式会议第二阶段会议，并发表题为《共同开创可持续的美好明天》的重要讲话。
习近平指出，当前，新一轮科技革命和产业变革深入发展，为人类社会开辟了新前景。同时，世界经济增长动能不足，全球发展赤字扩大，气候变化、粮食和能源安全等挑战加剧。亚太各经济体应该加强互利合作，把握新机遇，应对新挑战，共同开创可持续的美好明天。　　习近平提出3点建议：
一是强化数智赋能，塑造亚太创新发展新优势。充分发挥新技术的驱动和赋能作用，抢抓数字化、智能化、绿色化机遇，加快培育发展新质生产力。推进数据安全有序流动，深化技术开源开放合作，创建具有竞争力的开放创新生态。以全人类福祉为念，推动人工智能朝着有益、安全、公平方向健康有序发展。中国倡议成立世界人工智能合作组织，为国际社会提供人工智能公共产品，愿同亚太经合组织各成员一道，共同提升民众人工智能素养，弥合亚太地区数字和智能鸿沟。
二是坚持绿色低碳，打造亚太可持续发展新范式。本着对子孙后代负责的态度，加强绿色发展战略对接，促进优质绿色技术和产品自由流通，加快推动发展方式绿色低碳转型，积极应对气候变化。中国宣布碳达峰碳中和目标以来，已经建成全球最大、发展最快的可再生能源体系，提交了应对气候变化2035年国家自主贡献目标，将全面实施碳排放总量和强度双控制度。
三是落实普惠共享，展现亚太包容发展新气象。坚持人民至上，加强政策沟通、经验分享、务实合作，全面落实联合国2030年可持续发展议程，携手消除贫困，促进亚太全体人民共同富裕。充分发挥亚太经合组织经济技术合作的传统优势，助力发展中经济体实现平衡发展。中国将加快完善覆盖全人群、全生命周期的人口服务体系，促进人口高质量发展，推动落实人工智能助力卫生健康、提升女性数字素养等倡议，让更多合作成果惠及亚太地区人民。（讲话全文另发）
会议发表《2025年APEC领导人庆州宣言》《APEC人工智能倡议》《APEC应对人口结构变化框架合作文件》等成果文件。
会后，与会经济体领导人集体合影。
10月31日晚，习近平出席亚太经合组织领导人非正式会议欢迎宴会。
王毅参加上述活动。（完）
1. 当地时间11月1日上午，国家主席习近平在韩国庆州出席亚太经合组织第三十二次领导人非正式会议第二阶段会议，并发表题为《共同开创可持续的美好明天》的重要讲话。新华社记者谢环驰摄