တရုတ်နိုင်ငံက “အာကာသမိသားစုဥယျာဉ်” သို့ ပထမဆုံးအကြိမ်ပို့ဆောင်မည့် ကြွက်လေး ၄ ကောင် ရွေးချယ်ခဲ့ပြီးဖြစ်

ကျိုချွမ်၊ နိုဝင်ဘာ ၁ ရက် (ဆင်ဟွာ)

မကြာမီတွင် ရှန်ကျိုး-၂၁ လူလိုက်ပါအာကာသယာဉ်ဖြင့် အာကာသသို့ လိုက်ပါမည့် ကြွက်လေး ၄ ကောင်ကို တရုတ်နိုင်ငံ သိပ္ပံအကယ်ဒမီမှ ကျွမ်းကျင်ပညာရှင်များက အောက်တိုဘာ ၃၁ ရက်တွင် ရွေးချယ်ရန် ကြိုတင်ပြင်ဆင်ထားသော ကြွက်လေး ၄၈ ကောင်အနက်မှ ရွေးချယ်ပြီးဖြစ်သည်။ ယင်းသည် တရုတ်နိုင်ငံအနေဖြင့် ပထမဆုံးအကြိမ်အဖြစ် ကြွက်လေးများအား “အာကာသမိသားစုဥယျာဉ်” သို့ ဝင်ရောက်စေရန် ပို့လွှတ်ခြင်းဖြစ်သည်။

တရုတ် အာကာသစခန်းတွင် ပထမဆုံးအကြိမ် နို့တိုက်သတ္တဝါဆိုင်ရာ အာကာသသိပ္ပံလက်တွေ့စမ်းသပ်မှုကို ဖော်ဆောင်သွားမည်ဖြစ်ကြောင်း၊ အထီး နှစ်ကောင်၊ အမ နှစ်ကောင်ပါဝင်သည့် ကြွက်လေး ၄ ကောင်ကို ရွေးချယ်ကာ အာကာသယာဉ်ဖြင့် တစ်ပါတည်း ခေါ်ဆောင်သွားပြီး ဂြိုဟ်ပတ်လမ်းကြောင်းအတွင်း မွေးမြူသွားမည်ဖြစ်ပြီး ဆွဲငင်အားမရှိခြင်း၊ အလုံပိတ်ထားခြင်း စသည့် အာကာသ အခြေအနေများက ကြွက်လေး၏ အပြုအမူပုံစံအပေါ် သက်ရောက်မှုများကို အဓိကထား၍ သုတေသနပြုသွားမည်ဖြစ်ကြောင်း၊ ထို့နောက် အဆိုပါ အာကာသယာဉ်ဖြင့် ကမ္ဘာသို့ ပြန်လာကာ တစ်ဆင့်တိုး သိပ္ပံသုတေသနများ လုပ်ဆောင်သွားပြီး ကြွက်၏ တစ်သျှူးနှင့် အင်္ဂါအစိတ်အပိုင်းများစွာသည် အာကာသပတ်ဝန်းကျင်တွင် နှိုးဆွမှုရှိသော တုံ့ပြန်မှုနှင့် လိုက်လျောညီထွေရန် ပြောင်းလဲသော နိယာမများကို စူးစမ်းလေ့လာသွားမည်ဖြစ်ကြောင်း တရုတ်နိုင်ငံ လူလိုက်ပါအာကာသစီမံကိန်း ပြောရေးဆိုခွင့်ရှိသူ ကျန်းကျင့်ပေါက ယင်းမတိုင်မီ မိတ်ဆက်ပြောကြားခဲ့သည်။

“ဒီ ကြွက်အမည်းလေး ၄ ကောင်ကို မျိုးရိုးဗီဇညီညာမှုကောင်းမွန်ပြီး တစ်ကောင်နဲ့ တစ်ကောင် ကွဲပြားမှုနည်းပါးတဲ့ C57BL/6 မျိုးကွဲကို ရွေးချယ်ထားတာကြောင့် အာကာသ လက်တွေ့စမ်းသပ်မှုနဲ့ သိပ္ပံအချက်အလက်စုဆောင်းမှုတွေ လုပ်ဖို့ အထောက်အကူပြုတယ်” ဟု တရုတ် သိပ္ပံအကယ်ဒမီ သတ္တဗေဒသုတေသနဌာန၏ ဒုတိယသုတေသီ လီထျန်းတာက “အာကာသကြွက်လေးများ” ၏ ရွေးချယ်မှုအသေးစိတ်ကို ရှင်းပြခဲ့သည်။
ကြီးထွားမှုမျဉ်းကွေးများ၊ ဇီဝကမ္မနှင့် ဇီဝဓာတုဆိုင်ရာ အညွှန်းကိန်းများစသည့် စံသတ်မှတ်ချက်ပေါင်းများစွာအား အခြေခံ၍ အရွေးချယ်ခံ ကြွက်လေး အကောင် ၃၀၀ အပေါ် ကနဦး စစ်ဆေးရွေးချယ်မှု ပြုလုပ်ခဲ့ကြောင်း၊ ဒုတိယအဆင့် ဆက်လက်ပါဝင်ရွေးချယ်သော ကြွက်လေး အကောင် ၁၀၀ အား နားအတွင်းအာရုံခံစနစ်စွမ်းရည်နှင့် လိုက်လျောညီထွေရှိစေသော မွေးမြူရေးလေ့ကျင့်မှုများ ခံယူစေခဲ့ကြောင်း၊ ရွေးချယ်မှုနှင့် လေ့ကျင့်မှု အောင်မြင်ခဲ့သော ကြွက်လေး ၄၈ ကောင်အား ပေကျင်းမြို့မှ ကျိုချွမ်ဂြိုဟ်တုလွှတ်တင်ရေးစင်တာသို့ ပို့ဆောင်ကာ ပတ်ဝန်းကျင်နှင့် လိုက်လျောညီထွေရှိစေသော မွေးမြူမှုများ ပြုလုပ်ခဲ့ကြောင်း ၎င်းက ပြောကြားခဲ့သည်။
“ဒီနေ့ နံနက်ပိုင်းမှာပဲ နောက်ဆုံးအနေနဲ့ လိုက်ပါပျံသန်းမယ့် ကြွက်လေး ၄ ကောင်ကို အတည်ပြုခဲ့တယ်။ ‘လှောင်အိမ်တစ်ခုမှာ အထီးအမတစ်ကောင်စီတွဲထား’ တဲ့ ပုံစံနဲ့ ကြွက်စမ်းသပ်မှုယူနစ်နှစ်ခုမှာ ထားရှိပြီး အာကာသခရီး စတင်မှာဖြစ်တယ်” ဟု လီထျန်းတာက ပြောကြားခဲ့သည်။

ကြွက်လေးများသည် ဇီဝသိပ္ပံသုတေသန ကဏ္ဍတွင် အသုံးအများဆုံး လက်တွေ့စမ်းသပ်မှု တိရစ္ဆာန်များအနက် တစ်ခုဖြစ်ကြောင်း၊ ၎င်းတို့၏ မျိုးရိုးဗီဇသည် လူသားများနှင့် အလွန်ဆင်တူသည်။ အာကာသပတ်ဝန်းကျင်အောက်ရှိ ကြွက်များ၏ တစ်သျှူးနှင့် အင်္ဂါအစိတ်အပိုင်းများစွာသည် နှိုးဆွမှုရှိသော တုံ့ပြန်မှုနှင့် လိုက်လျောညီထွေရန် ပြောင်းလဲသော နိယာမများကို လေ့လာခြင်းသည် အာကာသပတ်ဝန်းကျင်၏ နို့တိုက်သတ္တဝါများအပေါ် သက်ရောက်မှု ယန္တရားများကို စူးစမ်းလေ့လာရန် အထောက်အကူဖြစ်စေကြောင်း သိရသည်။
အာကာသထဲတွင် ကြွက်လေးများ မည်သို့နေထိုင်သနည်း။ လီထျန်းတာက ရှုထောင့်အစုံမှ ဖြေကြားပေးခဲ့သည်။ ပထမဦးစွာ စက်ကိရိယာအတွင်းရှိ တိရစ္ဆာန်များအတွက် အလင်းရောင်စနစ်သည် နံနက် ၇ နာရီတွင် ဖွင့်ပေးပြီး ည ၇ နာရီတွင် ပိတ်သွားကာ မြေပြင်နှင့်တူညီသော ဇီဝကမ္မစက်ဝန်းကို ထိန်းသိမ်းပေးထားကြောင်း၊ အစားအကြွင်းအကျန်များ လျော့နည်းစေရန်၊ သွားကြိတ်သည့် အလေ့အထနှင့်ကိုက်ညီမှုရှိစေရန် ကြွက်စာကို အာဟာရမျှတစေရုံသာမက ပိုမိုမာကျောအောင် ပြုလုပ်ထားကြောင်း၊ စက်ကိရိယာအတွင်းရှိ ဦးတည်ချက်ထားသည့်လေတိုက်စက်ကွင်းသည် အမွေးအမျှင်များ၊ မစင်အညစ်အကြေးများစသည့် စွန့်ပစ်ပစ္စည်းများကို မစင်စုဆောင်းသော သေတ္တာထဲသို့ မှုတ်ထုတ်ပေးမည်ဖြစ်ပြီး ကြွက်လေးများ၏ မွေးမြူရေးပတ်ဝန်းကျင် သန့်ရှင်းမှု ထိန်းသိမ်းပေးထားမည်ဖြစ်ကြောင်း ပြောပြခဲ့သည်။

ယခုအချိန်ထိ အာကာသစခန်းသည် ဇီဘရားငါး၊ သစ်သီးယင်ကောင် စသည့် တိရစ္ဆာန်ငယ်များကို ဆက်လက်ရောက်ရှိခဲ့ပြီးဖြစ်သည်။ လူလိုက်ပါအာကာသ စီမံကိန်းသည် အာကာသစခန်း အသုံးချမှုနှင့် ဖွံ့ဖြိုးရေးအဆင့်သို့ ရောက်ရှိလာသည့်အချိန်မှစ၍ တရုတ်နိုင်ငံသည် အာကာသ ဇီဝသိပ္ပံ၊ အာကာသပစ္စည်းသိပ္ပံနှင့် မိုက်ခရိုဆွဲငင်အား လောင်ကျွမ်းခြင်းသိပ္ပံစသည့် ပညာရပ်ကဏ္ဍများစွာတွင် ဂြိုဟ်ပတ်လမ်းကြောင်းဆိုင်ရာ သိပ္ပံ လက်တွေ့စမ်းသပ်မှုများကို စဉ်ဆက်မပြတ်လုပ်ဆောင်လျက်ရှိပြီး သိပ္ပံနှင့်နည်းပညာဆိုင်ရာ ရလဒ်များသည် နိုင်ငံ၏စီးပွားရေးနှင့် ပြည်သူ့လူနေမှုဘဝအား ဝန်ဆောင်မှုပေးလျက်ရှိသည်။

အစီအစဉ်အရ ရှန်ကျိုး-၂၁ အာကာသယာဉ်မှူးအဖွဲ့သည် ဂြိုဟ်ပတ်လမ်းကြောင်းရှိ ကာလအတွင်း သိပ္ပံနှင့် အသုံးချစီမံကိန်းအသစ် ၂၇ ခုကို လုပ်ဆောင်သွားမည်ဖြစ်သည်။ (Xinhua)
………………….
(Chinese Version)
神舟二十一号｜4只小鼠已选定！我国首次送小鼠进入“太空家园”
新华社酒泉10月31日电（记者刘艺、黄一宸）即将随神舟二十一号载人飞船上行的4只小鼠，10月31日由中国科学院专家从48只备选小鼠中选定。这是我国首次送小鼠进入“太空家园”。
中国载人航天工程新闻发言人张静波此前介绍，将首次在中国空间站实施哺乳动物空间科学实验，选用两雌两雄4只小鼠，随飞船上行并进行在轨饲养，重点研究失重、密闭等空间条件对小鼠行为模式的影响，之后随飞船返回地面，进一步开展科学研究，探索小鼠多组织器官在空间环境的应激响应和适应性变化规律。
“这4只黑色小鼠，选用C57BL/6品系，遗传均一性好、个体间差异小，有利于开展空间实验和科学数据采集。”中国科学院动物研究所副研究员李天达介绍了“太空小鼠”的选拔细节，根据生长曲线、生理生化指标等多项标准，对300只参选小鼠进行初选；进入复选的100只小鼠，要经历前庭功能和适应性饲养训练；筛选和训练合格后的48只小鼠，从北京运抵酒泉卫星发射中心进行环境适应性饲养。
李天达说：“今天一早，我们确定了最终上天的4只小鼠，将以‘雌雄同笼’的方式装在两个小鼠实验单元中，开启太空之旅。”
据了解，小鼠是生命科学研究领域最为常用的实验动物之一，其基因组与人类高度相似。研究小鼠多组织器官在空间环境的应激响应和适应性变化规律，有助于探索空间环境对哺乳动物的影响机制。
小鼠在太空如何生活？李天达从多个方面进行解答：首先装置内的动物照明会在早7点亮起、晚7点关闭，保持与地面相同的生物节律；鼠粮不仅营养均衡，还制作得较为坚硬，以减少残渣并适合小鼠的磨牙习性；装置内部的定向风场会将毛发、粪便等垃圾吹入排泄物收集盒，保持小鼠饲养环境整洁……
截至目前，空间站已陆续迎来斑马鱼、果蝇等小动物。载人航天工程进入空间站应用与发展阶段以来，我国持续开展空间生命科学、空间材料科学、微重力燃烧科学等多学科领域在轨科学实（试）验，科研成果服务国计民生。
按计划，神舟二十一号航天员乘组在轨期间将新开展27项科学与应用项目。（完）
图说：10月31日晚，搭载神舟二十一号载人飞船的长征二号F遥二十一运载火箭在酒泉卫星发射中心点火发射。 新华社记者 李志鹏 摄