တရုတ်ရေတပ် အမှတ် ၉၈၉ တပ်ဖွဲ့ မလေးရှားနိုင်ငံသို့ ချစ်ကြည်ရေးခရီးစဉ် ရောက်ရှိ

ကွာလာလမ်ပူ၊ နိုဝင်ဘာ ၂၉ ရက် (ဆင်ဟွာ)

ပင်လယ်ပြင်ခရီးဝေး ဘက်စုံလက်တွေ့လေ့ကျင့်ရေးမစ်ရှင် ဆောင်ရွက်လျက်ရှိသည့် တရုတ်နိုင်ငံရေတပ် အမှတ် ၉၈၉ တပ်ဖွဲ့သည် မလေးရှားနိုင်ငံ ကလန် ဆိပ်ကမ်း (Port Klang) သို့ နိုဝင်ဘာ ၂၉ ရက်က ရောက်ရှိပြီး ၄ ရက်ကြာ မလေးရှားနိုင်ငံ ချစ်ကြည်ရေးခရီးစဉ် စတင်ခဲ့သည်။
ဒေသစံတော်ချိန် နံနက် ၁၀ နာရီခန့်တွင် တရုတ်ရေတပ် ချန်ပိုင်ဆန်းသင်္ဘော၊ ကျိန့်ဟော် သင်္ဘောနှင့် “ရှန့်ချန်ကျင့် အမှတ် (၁)” သင်္ဘောများသည် ကလန်ဆိပ်ကမ်းသို့ ဖြေးညင်းစွာ မောင်းနှင်ကာ ကမ်းကပ်ခဲ့သည်။
မလေးရှားနိုင်ငံဆိုင်ရာ တရုတ်သံရုံးဝန်ထမ်းများ၊ ပညာတော်သင်ကျောင်းသားကိုယ်စားလှယ်များ၊ ဒေသခံ တရုတ်လူမျိုးနှင့် တရုတ်နွယ်ဖွားကိုယ်စားလှယ်များ၊ မလေးရှားတော်ဝင်ရေတပ် အရာရှိစစ်သည်များ စသည့် လူပေါင်း ၂၀၀ ကျော်သည် ဆိပ်ကမ်းတွင် လာရောက်ကြိုဆိုခဲ့ကြသည်။ ရေတပ်အင်ဂျင်နီယာတက္ကသိုလ်၊ ရေတပ်လေကြောင်းတက္ကသိုလ်မှ သင်တန်းသားများက သင်္ဘောကုန်းပတ်တွင် အဖွဲ့လိုက်တန်းစီကာ လာရောက်ကြိုဆိုသည့် လူထုကို နှုတ်ဆက်ခဲ့ကြသည်။

ယခုအကြိမ်ခရီးစဉ်တွင် ချန်ပိုင်ဆန်းသင်္ဘောနှင့် “ရှန့်ချန်ကျင့် အမှတ် (၁)” သင်္ဘောသည် ပထမဆုံး မလေးရှားနိုင်ငံသို့ ရောက်ရှိခြင်းဖြစ်ပြီး ကျိန့်ဟော်သင်္ဘောသည် တတိယအကြိမ်မြောက် မလေးရှားနိုင်ငံသို့ ရောက်ရှိခြင်းဖြစ်သည်။
ခရီးစဉ်ရောက်ရှိသည့်ကာလအတွင်း ချန်ပိုင်ဆန်းသင်္ဘော၊ ကျိန့်ဟော် သင်္ဘောတို့တွင် အများပြည်သူ လာရောက်ကြည့်ရှုရေးအစီအစဉ် ကျင်းပသွားမည်ဖြစ်ပြီး တပ်ဖွဲ့အရာရှိစစ်သည်များက မလေးရှား အမျိုးသားရေကြောင်းဗဟိုဌာနသို့ သွားရောက်လေ့လာကြည့်ရှုခြင်း၊ မလေးရှားတော်ဝင်ရေတပ် လူငယ်အရာရှိစစ်သည်များနှင့် ကူးလူးဖလှယ်မှုအစီအစဉ်များ ကျင်းပသွားမည်ဖြစ်သည်။ (Xinhua)

မလေးရှားနိုင်ငံ ကလန်ဆိပ်ကမ်းသို့ တရုတ်ရေတပ်သင်္ဘောပေါ်ပါ သင်တန်းသားများက သင်္ဘောကုန်းပတ်တွင် အဖွဲ့လိုက်တန်းစီကာ လာရောက်ကြိုဆိုသည့် လူထုအား နှုတ်ဆက်ခဲ့ကြသည်ကို ၂၀၂၅ ခုနှစ် နိုဝင်ဘာ ၂၉ ရက်က တွေ့ရစဉ် (ဆင်ဟွာ)

မလေးရှားနိုင်ငံ ကလန်ဆိပ်ကမ်းသို့ တရုတ်ရေတပ်သင်္ဘောပေါ်ပါ သင်တန်းသားများက သင်္ဘောကုန်းပတ်တွင် အဖွဲ့လိုက်တန်းစီကာ လာရောက်ကြိုဆိုသည့် လူထုအား နှုတ်ဆက်ခဲ့ကြသည်ကို ၂၀၂၅ ခုနှစ် နိုဝင်ဘာ ၂၉ ရက်က တွေ့ရစဉ် (ဆင်ဟွာ)

——————-
(Chinese Version)
中国海军989编队抵达马来西亚进行友好访问
新华社吉隆坡11月29日电（白鸽 吕志浩）正在执行远海综合实习任务的中国海军989编队29日抵达马来西亚巴生港，开始对马来西亚进行为期4天的友好访问。
当地时间10时许，中国海军长白山舰、郑和舰和“向前进1号”船缓缓驶入巴生港码头。中国驻马来西亚大使馆工作人员、留学生代表、华侨华人代表以及马来西亚皇家海军官兵等200余人到码头迎接。来自海军工程大学和海军航空大学的学员在甲板分区列队，向欢迎人群致意。
本次访问是长白山舰和“向前进1号”船首访马来西亚，郑和舰第3次访问马来西亚。访问期间，长白山舰和郑和舰将举行舰艇开放活动，编队官兵将赴马来西亚国家水文中心参观，与马来西亚皇家海军青年官兵开展交流活动。（完）
图说1：11月29日，中国海军989编队抵达马来西亚巴生港。新华社发（于涛摄）
图说2、3：11月29日，在马来西亚巴生港，学员在甲板分区列队，向欢迎人群挥手致意。新华社发（于涛摄）