တရုတ်ရုပ်ရှင် “Dead to Rights” မလေးရှားတွင် ပထမဆုံးပြသမှုက ဒေသခံပရိသတ်များ၏ နှလုံးသားကို ထိမိစေခဲ့

ကွာလာလမ်ပူ၊ ဩဂုတ် ၂၅ ရက် (ဆင်ဟွာ)
တရုတ်ရုပ်ရှင် “Dead to Rights” ကို မလေးရှားနိုင်ငံ ကွာလာလမ်ပူမြို့တွင် ဩဂုတ် ၂၄ ရက်က ပထမဆုံး ပြသခြင်းအခမ်းအနားကျင်းပခဲ့သည်။ နန်ကျင်းလူအစုလိုက်အပြုံလိုက် သတ်ဖြတ်ခံမှု သမိုင်းကြောင်းကို နောက်ခံထား၍ ရိုက်ကူးထားသော ဤရုပ်ရှင်သည် ပရိသတ်များ၏ နှလုံးသားကို နက်နက်ရှိုင်းရှိုင်းထိမိစေခဲ့သည်။
ဤ ရုပ်ရှင်ပထမဆုံး ပြသခြင်းအခမ်းအနားကို မလေးရှား-တရုတ် နိုင်ငံရေး၊ စီးပွားရေး နယ်ပယ်မှ လူပုဂ္ဂိုလ်များ၊ ယဉ်ကျေးမှုနယ်ပယ်မှ ဧည့်သည်တော်များ၊ မီဒီယာကိုယ်စားလှယ်များနှင့် ရုပ်ရှင်ပရိသတ်များ လူပေါင်း ၁,၀၀၀ နီးပါး တက်ရောက်ခဲ့ကြသည်။ ရုပ်ရှင်ပြသမှု ပြီးဆုံးချိန်တွင် ပရိသတ်များသည် ရုပ်ရှင်ရုံ ထိုင်ခုံများထက်တွင် ရင်ထဲတွင် လေးနက်စွာ ခံစားကြရရာ အချို့သောလူများသည် နီရဲနေသော မျက်ဝန်းများကို လက်က တစ်ရှုးဖြင့် သုတ်နေကြပေသည်။
ရုပ်ရှင်သည် သမိုင်းကြောင်းကို မှတ်တမ်းတင်ရုံသာမက လောကသားတို့အား သမိုင်းကြောင်းကို နှလုံးသွင်းရန်၊ ငြိမ်းချမ်းရေး ထိန်းသိမ်းကာကွယ်ခြင်း၏ အရေးပါမှုကို မှတ်သားရန် သတိပေးသော နက်ရှိုင်းသည့် သတိပေးချက်လည်းဖြစ်ကြောင်း၊ “ဒီလို ‘သမိုင်းကြောင်းကို မှတ်သားပြီး ငြိမ်းချမ်းရေးကို တန်ဖိုးထားမြတ်နိုးတဲ့’ စိတ်ဓာတ်ကို မျိုးဆက်တစ်ခုပြီးတစ်ခု လက်ဆင့်ကမ်းသွားနိုင်မယ်လို့ မျှော်လင့်ပါတယ်” ဟု မလေးရှားနိုင်ငံ ပရိသတ် Danny Mah က သတင်းထောက်အား ပြောကြားခဲ့သည်။
ဤရုပ်ရှင်သည် တရုတ်ပြည်သူများ၏ ကြံ့ခိုင်သောစိတ်ဓာတ်ကို ဂုဏ်ပြုသောအားဖြင့် ရိုက်ကူးထားခြင်းဖြစ်သလို လူသားများအား ခက်ခဲစွာရယူရသော ငြိမ်းချမ်းရေးကို တန်ဖိုးထားရန် သတိပေးနေခြင်းလည်းဖြစ်သည်ဟု မလေးရှားနိုင်ငံ Johor ပြည်နယ်မှ လာရောက်ကြည့်ရှုသော David Foong က ခံစားမှုအပြည့်ဖြင့် ဆိုခဲ့သည်။
တရုတ်နိုင်ငံမှလာသော ပရိသတ် ယွီကျွင့်ယွမ်က “ရုပ်ရှင်ကြည့်ပြီးတော့ မြင်ကွင်းများစွာ မျက်လုံးထဲမှာ ရှင်းလင်းစွာ ထင်ကျန်ရစ်နေဆဲပါပဲ။ ကျွန်တော်တို့ ငြိမ်းချမ်းရေးကို လှိုက်လှိုက်လှဲလှဲမြတ်နိုးကြတယ်၊ ဒီသမိုင်းကြောင်းကိုလည်း လောကသားတို့ရဲ့ နှလုံးသားထဲမှာ ထာဝရစွဲထင်ကျန်ရစ်ဖို့လည်း မျှော်လင့်ပါတယ်။ စစ်ပွဲက အလွန့်အလွန်ကို ကြောက်မက်ဖွယ်ကောင်းပါတယ်၊ ကျွန်တော်တို့ အသက်ကို ချစ်မြတ်နိုးတန်ဖိုးထားကြသလို မိမိတို့ရဲ့ မိသားစုဥယျာဉ်ကို ပို၍ချစ်မြတ်နိုးတန်ဖိုးထားကြတယ်” ဟု ပြောကြားခဲ့သည်။
မလေးရှားနိုင်ငံတွင် ရုပ်ရှင် ဖြန့်ချိသူ Mega Films Distribution Sdn. Bhd., အမှုဆောင် ဒါရိုက်တာ Chiah Choon Kang က “ဒီရုပ်ရှင်ဇာတ်ကားမှတစ်ဆင့် ပရိသတ်များထံ ‘ငြိမ်းချမ်းရေးအား တန်ဖိုးထားမြတ်နိုးခြင်း’ အယူအဆကို လက်ဆင့်ကမ်းပေးဖို့ မျှော်လင့်ပါတယ်” ဟု ပြောကြားခဲ့သည်။ (Xinhua)

မလေးရှားနိုင်ငံ ကွာလာလမ်ပူမြို့တွင် တရုတ်ရုပ်ရှင် “Dead to Rights” မလေးရှား၌ ပထမဆုံး ပြသခြင်းအခမ်းအနား၌ ပရိသတ်တစ်ဦးက ရုပ်ရှင်လက်မှတ် ပြသနေသည်ကို ဩဂုတ် ၂၄ ရက်က တွေ့ရစဉ် (ဆင်ဟွာ)

……………………
(Chinese Version)
《南京照相馆》马来西亚首映触动当地观众
新华社吉隆坡8月24日电（记者王嘉伟　毛鹏飞）中国电影《南京照相馆》24日在马来西亚首都吉隆坡举行首映礼，这部以南京大屠杀为历史背景的电影深深触动了观众。
近千名马中两国政商界人士、文化界嘉宾、媒体代表及影迷出席首映礼。影片放映结束后，观众们坐在座位上神情凝重，有人手握纸巾擦拭已泛红的眼圈。
马来西亚观众马子明对记者说，影片不仅仅是历史的记录，更是深刻的警醒，提醒世人要铭记历史，铭记维护和平的重要性。“希望这种‘铭记历史、珍爱和平’的精神能代代传承。”
从柔佛州赶来观影的马来西亚观众冯嘉伟感慨地说，这部电影是对中国人民坚韧精神的致敬，同时也警醒人们要珍惜来之不易的和平。
来自中国的观众喻俊园说：“看完电影后，很多画面依然历历在目。我们热爱和平，也希望这段历史能永远铭刻在世人心中。战争是极其可怕的，我们热爱生命，更热爱自己的家园。”
影片在马发行方美加电影发行有限公司执行董事谢俊江说：“希望借助这部影片向观众传递‘珍爱和平’的理念。”（完）
图说1：8月24日，在马来西亚吉隆坡，一名观众观影后同《南京照相馆》海报合影留念。新华社记者 程一恒 摄
图说2：8月24日，在马来西亚吉隆坡，观众在《南京照相馆》马来西亚首映礼上展示电影票。新华社记者 程一恒 摄