တရုတ်-တောင်ကိုရီးယား ဆက်ဆံရေး ဖွံ့ဖြိုးတိုးတက်မှုက တတိယနိုင်ငံ၏ အကြောင်းရင်းများကြောင့် ဖြစ်ပေါ်လာသော သက်ရောက်မှုများကိုလည်း မခံသင့်ကြောင်း တရုတ်နိုင်ငံခြားရေးဝန်ကြီးဌာန ဆို

ပေကျင်း၊ ဩဂုတ် ၂၈ ရက် (ဆင်ဟွာ)
တရုတ်-တောင်ကိုရီးယားဆက်ဆံရေး ဖွံ့ဖြိုးတိုးတက်မှုသည် နှစ်နိုင်ငံ၏ ဘုံအကျိုးစီးပွားများမှ ဆင်းသက်လာခြင်းဖြစ်ပြီး တတိယနိုင်ငံကို ဦးတည်ခြင်း မရှိသလို တတိယနိုင်ငံ၏ အကြောင်းရင်းများကြောင့် ဖြစ်ပေါ်လာသော သက်ရောက်မှုများကိုလည်း မခံသင့်ကြောင်း၊ တောင်ကိုရီးယားအနေဖြင့် တရုတ်နှင့်အတူ စိတ်တူကိုယ်တူ လျှောက်လှမ်းကာ တရုတ်-တောင်ကိုရီးယား မဟာဗျူဟာမြောက် ပူးပေါင်းဆောင်ရွက်မှု မိတ်ဖက် ဆက်ဆံရေး စဉ်ဆက်မပြတ် ကောင်းမွန် တည်ငြိမ်စွာ ဖွံ့ဖြိုးတိုးတက်ရေး အတူတကွ ကြိုးပမ်း တွန်းအားပေးဆောင်ရွက်သွားရန် မျှော်လင့်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက ၂၇ ရက်တွင် ပြောကြားခဲ့သည်။
တောင်ကိုရီးယားသမ္မတ လီဂျေမြောင်က တောင်ကိုရီးယားနိုင်ငံအနေဖြင့် “လုံခြုံရေးအတွက် အမေရိကန်ကို အားကိုးပြီး စီးပွားရေးအတွက် တရုတ်ကို အားကိုးသော” လမ်းကြောင်းကို ဆက်လက်၍ လျှောက်လှမ်းနိုင်တော့မည်မဟုတ်ကြောင်း၊ ဤယုတ္တိဗေဒသည်လည်း ဆက်လက်တည်တံ့နိုင်မည် မဟုတ်ကြောင်း ပြောကြားခဲ့သည်။ ဤပြောကြားချက်သည် လူအများ ကျယ်ကျယ်ပြန့်ပြန့် အာရုံစိုက်မှုကို ခံခဲ့ရကြောင်း၊ ယင်းနှင့် ပတ်သက်၍ တရုတ်နိုင်ငံအနေဖြင့် မည်သို့မှတ်ချက်ပြုလိုပါသနည်းဟု သတင်းထောက်တစ်ဦးက ထိုနေ့က ပုံမှန်သတင်းစာရှင်းလင်းပွဲတွင် မေးမြန်းခဲ့ခြင်းဖြစ်သည်။
“ကောင်းမွန်တည်ငြိမ်ပြီး စဉ်ဆက်မပြတ် နက်ရှိုင်းလာတဲ့ တရုတ်-တောင်ကိုရီးယား ဆက်ဆံရေးဟာ နှစ်နိုင်ငံ ပြည်သူများရဲ့ အခြေခံ အကျိုးစီးပွားနဲ့ ကိုက်ညီမှုရှိသလို ဒေသတွင်းမှသည် ကမ္ဘာကြီး ငြိမ်းချမ်းတည်ငြိမ်ရေး၊ ဖွံ့ဖြိုးတိုးတက်သာယာဝပြောရေးအထိ အကျိုးပြုရာ ဒါက တရုတ်-တောင်ကိုရီးယား နှစ်ဖက် သဘောတူညီချက်ဖြစ်တယ်” ဟု ကောကျားခွန်းက ပြောကြားခဲ့သည်။ တရုတ်-တောင်ကိုရီးယားဆက်ဆံရေး ဖွံ့ဖြိုးတိုးတက်မှုသည် နှစ်ဖက် ဘုံအကျိုးစီးပွားဖြစ်ပြီး တတိယနိုင်ငံကို ဦးတည်ခြင်း မရှိသလို မည်သည့် တတိယနိုင်ငံ၏ ဩဇာလွှမ်းမိုးမှုကိုလည်း ခံမည်မဟုတ်ကြောင်း ၎င်းက ပြောကြားခဲ့သည်။
တရုတ်နိုင်ငံ၏ တောင်ကိုရီးယားနိုင်ငံဆိုင်ရာ မူဝါဒသည် တည်ငြိမ်မှုနှင့် စဉ်ဆက်မပြတ်မှုကို ထိန်းသိမ်းထားကြောင်း၊ တောင်ကိုရီးယားအနေဖြင့် တရုတ်နှင့်အတူ စိတ်တူကိုယ်တူ လျှောက်လှမ်းကာ တရုတ်-တောင်ကိုရီးယား မဟာဗျူဟာမြောက် ပူးပေါင်းဆောင်ရွက်မှု မိတ်ဖက် ဆက်ဆံရေး စဉ်ဆက်မပြတ် ကောင်းမွန် တည်ငြိမ်စွာ ဖွံ့ဖြိုးတိုးတက်ရေး အတူတကွ ကြိုးပမ်း တွန်းအားပေးဆောင်ရွက်သွားရန် မျှော်လင့်ကြောင်း ၎င်းက ပြောကြားခဲ့သည်။ (Xinhua)
……………………….
(Chinese Version)
外交部：中韩关系发展不应受第三方因素影响
新华社北京8月27日电（记者董雪、朱超）外交部发言人郭嘉昆27日表示，中韩关系发展源于双方共同利益，不针对第三方，也不应受第三方因素影响。希望韩方同中方相向而行，共同努力推动中韩战略合作伙伴关系持续健康稳定发展。
当日例行记者会上，有记者问：韩国总统李在明表示，韩国不能继续走“安全靠美国、经济靠中国”的路线，这个逻辑不可能再维持下去。这一表态引发广泛关注。中方对此有何评论？
“一个健康稳定、持续深化的中韩关系，符合两国人民根本利益，也有利于地区乃至世界和平稳定与发展繁荣，这是中韩双方的共识。”郭嘉昆表示，中韩关系发展源于双方共同利益，不针对第三方，也不应受第三方因素影响。
他说，中方对韩政策保持连续性、稳定性。希望韩方同中方相向而行，共同努力推动中韩战略合作伙伴关系持续健康稳定发展。（完）