၂၀၂၅ ကမ္ဘာ့တောင်ဘက်ခြမ်း မီဒီယာနှင့် Think Tank အဆင့်မြင့်ဖိုရမ်တွင် ယူနန်သဘောတူညီချက် ထုတ်ပြန်

ကူမင်း၊ စက်တင်ဘာ ၈ ရက် (ဆင်ဟွာ)
၂၀၂၅ ကမ္ဘာ့တောင်ဘက်ခြမ်း မီဒီယာနှင့် Think Tank အဆင့်မြင့်ဖိုရမ်ကို စက်တင်ဘာ ၅ ရက်မှ ၉ ရက်အထိ တရုတ်နိုင်ငံ ယူနန်ပြည်နယ်၌ ကျင်းပလျက်ရှိသည်။ စက်တင်ဘာ ၆ ရက်တွင် ကျင်းပသည့် ဖိုရမ် ဖွင့်ပွဲအခမ်းအနား၌ “ကမ္ဘာ့တောင်ဘက်ခြမ်း မီဒီယာနှင့် Think Tank အဆင့်မြင့်ဖိုရမ် ယူနန်သဘောတူညီချက်” အား ထုတ်ပြန်ခဲ့သည်။
ကမ္ဘာ့တောင်ဘက်ခြမ်းနိုင်ငံများသည် ကာလကြာရှည်စွာ ငြိမ်းချမ်းရေးနှင့် လုံခြုံရေးအား ကာကွယ်မှုကို လက်ကိုင်ထားပြီး နိုင်ငံတကာအသိုက်အဝန်း၏ မရှိမဖြစ် အပြုသဘောအင်အားတစ်ခု ပိုမိုဖြစ်လာနေကြောင်း သဘောတူညီချက်က ထောက်ပြထားသည်။
ကမ္ဘာ့တောင်ဘက်ခြမ်းနိုင်ငံများမှ မီဒီယာနှင့် Think Tank များသည် ပေါင်းကူးတံတားနှင့် ချိတ်ဆက်မှု အခန်းကဏ္ဍမှ အပြည့်အဝပါဝင်၍ သဘောတူညီချက်များ ကျယ်ကျယ်ပြန့်ပြန့် စုစည်းကာ တရားမျှတမှုအသံများ ထုတ်ဖော်ပြောကြားခြင်းဖြင့် ကမ္ဘာ့တောင်ဘက်ခြမ်းက ကမ္ဘာလုံးဆိုင်ရာ စီမံခန့်ခွဲမှုအတွင်း ကိုယ်စားပြုနိုင်မှုနှင့် ပြောဆိုခွင့်အား မြှင့်တင်ရန်၊ ကမ္ဘာကြီး ငြိမ်းချမ်းတည်ငြိမ်မှုအား တွန်းအားပေးရန်အတွက် ဉာဏ်ပညာနှင့် အင်အားများဖြင့် အကျိုးထမ်းဆောင်ရမည်ဖြစ်ကြောင်း သဘောတူညီချက်တွင် ဖော်ပြထားသည်။
စစ်မှန်သော နိုင်ငံစုံပူးပေါင်းဆောင်ရွက်မှု မူဝါဒအား ကာကွယ်ခြင်း၊ ကမ္ဘာလုံးဆိုင်ရာ စီမံခန့်ခွဲမှုအား ပြီးပြည့်စုံစေခြင်းသည် ကမ္ဘာ့တောင်ဘက်ခြမ်းနိုင်ငံများ၏ ဘုံအကျိုးစီးပွားနှင့်ကိုက်ညီကြောင်း သဘောတူညီချက်က အလေးထား ဖော်ပြထားသည်။
ကမ္ဘာ့တောင်ဘက်ခြမ်း မီဒီယာနှင့် Think Tank များအနေဖြင့် လူသားမျိုးနွယ်တစ်ရပ်လုံး ဘုံစံတန်ဖိုးအား မြှင့်တင်၍ အတူဆွေးနွေး၊ အတူတည်ဆောက်၊ အတူမျှဝေသည့် ကမ္ဘာလုံးဆိုင်ရာ စီမံခန့်ခွဲမှုအမြင်အား အဆိုပြုရမည်ဖြစ်ကြောင်း၊ စည်းလုံးညီညွတ်မှု လိုလား၍ ပြိုကွဲမှု မလိုလားသော၊ ပူးပေါင်းဆောင်ရွက်မှု လိုလား၍ အတိုက်အခံပြုလုပ်မှု မလိုလားသော၊ တရားမျှတမှု လိုလား၍ ဗိုလ်ကျအနိုင်ကျင့်မှု မလိုလားသော ခေတ်၏အားကောင်းသောအသံများကို ကျယ်လောင်စွာ ထုတ်ဖော်ပြောဆို၍ နိုင်ငံတကာ စည်းစနစ်အား ပိုမိုတရားမျှတ၍ သဘောထားလျော်ကန်သော ဦးတည်ချက်သို့ ဖွံ့ဖြိုးတိုးတက်လာစေရန် အတူလက်တွဲ တွန်းအားပေးရမည်ဖြစ်ကြောင်း သဘောတူညီချက်က ဆိုထားသည်။
ခေတ်မီအသွင်ပြောင်းမှု ဖော်ဆောင်ခြင်းသည် ကမ္ဘာ့တောင်ဘက်ခြမ်းနိုင်ငံများ၏ ဘုံရည်မှန်းချက်ဖြစ်ကြောင်း၊ ကမ္ဘာ့တောင်ဘက်ခြမ်းနိုင်ငံများမှ မီဒီယာနှင့် Think Tank များအနေဖြင့် ဆင်းရဲနွမ်းပါးမှုလျှော့ချရေး၊ စက်မှုလုပ်ငန်းအသွင်ပြောင်းရေး၊ စိုက်ပျိုးရေးလုပ်ငန်း ခေတ်မီအသွင်ပြောင်းရေး၊ အစိမ်းရောင် စဉ်ဆက်မပြတ် ဖွံ့ဖြိုးတိုးတက်မှု စသည့် အကြောင်းအရာများနှင့် စပ်လျဉ်း၍ ကမ္ဘာ့တောင်ဘက်ခြမ်းနိုင်ငံများ၏ စီးပွားရေး ပေါင်းစပ်မှု၊ ဖွံ့ဖြိုးတိုးတက်မှုအား ပူးတွဲဖော်ဆောင်မှု၊ ရလဒ်များ အတူမျှဝေမှု၏ သက်ဝင်လှုပ်ရှားသော အကြောင်းအရာများအား ကောင်းမွန်စွာ တင်ဆက်ကာ နိုင်ငံအသီးသီး ဖွံ့ဖြိုးတိုးတက် သာယာဝပြောမှုကို အားဖြည့်ပြီး ခေတ်မီအသွင်ပြောင်းမှုလမ်းကို အတူလက်တွဲ ချီတက်ရမည်ဖြစ်ကြောင်း သဘောတူညီချက်တွင် ဖော်ပြထားသည်။
ကမ္ဘာ့တောင်ဘက်ခြမ်းနိုင်ငံများမှ မီဒီယာနှင့် Think Tank များအနေဖြင့် ယဉ်ကျေးမှုအမျိုးစုံလင်မှုအား အတူတကွ အဆိုပြု၍ လေးစားသင့်ပြီး ယဉ်ကျေးမှု ရှေ့ဆက်တည်ရှိရန်၊ ယဉ်ကျေးမှုဖြန့်ချိရန်၊ ကူးလူးဖလှယ်မှု မြှင့်တင်ရန် အရေးကြီးတာဝန်အား ပိုမိုကောင်းမွန်စွာထမ်းဆောင်သင့်ကြောင်း၊ “ကမ္ဘာ့အမွေအနှစ်ခရီးစဉ်” စသည့် လှုပ်ရှားမှုအစီအစဉ်များ ဖော်ဆောင်မှုကို ထောက်ခံအားပေး၍ မတူညီသောယဉ်ကျေးမှုများ အားလုံးပါဝင်မှုနှင့် အတူတည်ရှိမှုကို တွန်းအားပေးကာ နိုင်ငံအသီးသီးပြည်သူများ အပြန်အလှန် နားလည်သိရှိရင်းနှီးရန် မြှင့်တင်ရမည်ဖြစ်ကြောင်း သဘောတူညီချက်က ဆိုထားသည်။
ကမ္ဘာ့တောင်ဘက်ခြမ်းနိုင်ငံများမှ မီဒီယာနှင့် Think Tank များသည် ခေတ်သစ် သတင်းအချက်အလက် နည်းပညာအား ကောင်းမွန်စွာအသုံးပြု၍ လူသားနှင့် နည်းပညာ အပြန်အလှန်မြှင့်တင် အပြန်အလှန် တိုးတက်သော ဖွံ့ဖြိုးတိုးတက်မှုပုံစံကို တည်ဆောက်ပြီး ဖြန့်ချိမှုပုံစံ ပြုပြင်ပြောင်းလဲမှုအား တွန်းအားပေးကာ ကမ္ဘာ့စမတ်နည်းပညာ ကွာဟမှု လျှော့ချရေးအတွက် အကျိုးထမ်းဆောင်ရမည်ဖြစ်ကြောင်း၊ တစ်ချိန်တည်းတွင် သတင်းစာနယ်ဇင်းကျင့်ဝတ်နှင့် ကျွမ်းကျင်စံနှုန်းအား ခိုင်မြဲစွာစောင့်ထိန်း၍ ပရိသတ်များထံသို့ စစ်မှန်သော၊ ဓမ္မဓိဋ္ဌာန်ကျသော၊ ဘက်စုံဖြစ်သော၊ တရားမျှတမှုရှိသော သတင်းအချက်အလက်များအား ဖြန့်ချိကာ မီဒီယာ ဆန်းသစ်တီထွင် ဖွံ့ဖြိုးတိုးတက်သော စမတ်အနာဂတ်ဆီသို့ အတူလျှောက်လှမ်းသွားရမည်ဖြစ်ကြောင်း သဘောတူညီချက်တွင် ဖော်ပြထားသည်။
ယခုအကြိမ်ဖိုရမ်သည် ကမ္ဘာ့တောင်ဘက်ခြမ်းနိုင်ငံများမှ မီဒီယာနှင့် Think Tank များ၏ သဘောတူညီချက်များကို တစ်ဆင့်တိုးစုစည်းရန် မြှင့်တင်ပေးပြီး လူပုဂ္ဂိုလ်မွမ်းမံလေ့ကျင့်ပေးမှု၊ ပူးတွဲတွေ့ဆုံမေးမြန်းမှု၊ ဉာဏ်ရည်တု လက်တွေ့အသုံးပြုမှု စသည့်ကဏ္ဍများတွင် လက်တွေ့ပူးပေါင်းဆောင်ရွက်မှုအား နက်ရှိုင်းစွာ လုပ်ဆောင်ကာ “တောင်ဘက်ခြမ်းအသံများ” အတူတကွ ကျယ်လောင်စွာ ထုတ်ဖော်ပြောကြား၍ “တောင်ဘက်ခြမ်း တာဝန်သိမှု” အား ဖော်ပြသွားမည်ဖြစ်ကြောင်း၊ ကမ္ဘာ့တောင်ဘက်ခြမ်းအား ငြိမ်းချမ်းရေး ကာကွယ်ထိန်းသိမ်းသည့် တည်ငြိမ်မှုအင်အား၊ တံခါးဖွင့် ဖွံ့ဖြိုးတိုးတက်သည့် ခိုင်မြဲသောအင်အား၊ ကမ္ဘာလုံးဆိုင်ရာ စီမံခန့်ခွဲမှု၏ အပြုသဘောဆောင်သောအင်အား၊ ယဉ်ကျေးမှု အပြန်အလှန် လေ့လာသင်ယူမှု၏ မြှင့်တင်မှုအင်အား ဖြစ်လာအောင် တွန်းအားပေးရမည်ဖြစ်ကြောင်း ဖိုရမ်တက်ရောက်လာသော ကိုယ်စားလှယ်များက တစ်ပြေးညီ ပြောကြားကြသည်။
ယခုအကြိမ်ဖိုရမ်ကို ဆင်ဟွာသတင်းဌာန၊ တရုတ်ကွန်မြူနစ်ပါတီ ယူနန်ပြည်နယ်ကော်မတီ၊ ယူနန်ပြည်နယ် ပြည်သူ့အစိုးရတို့မှ အတူတကွ ကြီးမှူးကျင်းပခြင်းဖြစ်သည်။ နိုင်ငံနှင့်ဒေသ ၁၁၀ မှ မီဒီယာ၊ Think Tank ၊ အစိုးရအဖွဲ့အစည်းနှင့် နိုင်ငံတကာနှင့် ဒေသတွင်း အဖွဲ့အစည်း ၂၆၀ ၏ ကိုယ်စားလှယ်ပေါင်း ၅၀၀ ခန့် တက်ရောက်ခဲ့ကြောင်း သိရသည်။ (Xinhua)

——————–
(Chinese Version)
2025全球南方媒体智库高端论坛发布云南共识
新华社昆明9月6日电（记者刘杨、唐健辉）2025全球南方媒体智库高端论坛5日至9日在云南举行。6日，在论坛开幕式上，发布了《全球南方媒体智库高端论坛云南共识》。
共识指出，全球南方国家长期以来坚持维护和平安全，日益成为国际社会中一支不可或缺的建设性力量。全球南方国家媒体智库应当充分发挥桥梁纽带作用，广泛凝聚共识，发出正义声音，为提升全球南方在全球治理中的代表性和话语权、推动世界和平稳定贡献智慧和力量。
共识强调，捍卫真正的多边主义、完善全球治理符合全球南方国家共同利益。全球南方媒体智库应当弘扬全人类共同价值，倡导共商共建共享的全球治理观，响亮发出要团结不要分裂、要合作不要对抗、要公正不要霸权的时代强音，携手推动国际秩序朝着更加公正合理的方向发展。
共识说，实现现代化是全球南方国家的共同目标。全球南方国家媒体智库应当聚焦减贫、工业化、农业现代化、绿色可持续发展等议题，讲好全球南方国家经济融合、发展联动、成果共享的生动故事，助力各国发展繁荣，携手同行现代化之路。
共识说，全球南方国家媒体智库应当共同倡导尊重文明多样性，更好履行赓续文明、传播文化、促进交流的重要职责，支持开展“世界遗产游”等行动计划，推动不同文明包容共存，促进各国人民相知相亲。
共识说，全球南方国家媒体智库应当善用新一代信息技术构建人与技术互促互进的发展模式，推动传播方式变革，为弥合全球智能技术鸿沟作出贡献，同时坚守新闻伦理和专业标准，向受众传播真实、客观、全面、公正的新闻信息，共同迈向媒体创新发展的智能未来。
与会代表一致表示，本届论坛将促进全球南方国家媒体智库进一步凝聚共识，深化人员培训、联合采访、人工智能应用等领域务实合作，共同唱响“南方声音”，展现“南方担当”，推动全球南方成为维护和平的稳定力量、开放发展的中坚力量、全球治理的建设力量、文明互鉴的促进力量。
本届论坛由新华社、中共云南省委、云南省人民政府共同主办。来自全球110个国家和地区的260余家媒体、智库、政府机构及国际和地区组织的约500名代表出席。（完）
图说：9月6日拍摄的2025全球南方媒体智库高端论坛开幕式现场。新华社记者 胡超 摄