ထိုင်ဝမ်နှင့် ပတ်သက်သည့် ဆာနာအဲ တာကာအိချိ၏ ပြောကြားချက်များကို တုံ့ပြန်သည့်အနေဖြင့် တရုတ်နိုင်ငံခြားရေးဝန်ကြီးဌာနက တရုတ်နိုင်ငံ ထိုင်ဝမ်အရေးနှင့်ပတ်သက်၍ ဂျပန်တွင် မည်သည့် ဝင်ရောက်ပြောဆိုပိုင်ခွင့်မျှမရှိဟု ဆို

ပေကျင်း၊ ဇန်နဝါရီ ၂၈ ရက် (ဆင်ဟွာ)

ဂျပန်ဝန်ကြီးချုပ် ဆာနာအဲ တာကာအိချိ၏ ထိုင်ဝမ်နှင့် ပတ်သက်သည့် ပြောကြားချက်များကို တုံ့ပြန်သည့်အနေဖြင့် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက သမိုင်းကြောင်းအရဖြစ်စေ၊ ဥပဒေအရဖြစ်စေ တရုတ်နိုင်ငံ ထိုင်ဝမ်အရေးအပေါ် ဝင်ရောက်ပြောကြားရန် ဂျပန်တွင် မည်သည့်ပြောဆိုပိုင်ခွင့်မျှမရှိဟု ဇန်နဝါရီ ၂၇ ရက်က ပြောကြားခဲ့သည်။
ထိုနေ့ ပုံမှန်သတင်းစာရှင်းလင်းပွဲတွင် သတင်းထောက်တစ်ဦးက ထိုင်ဝမ်တွင် အန္တရာယ်အကျပ်အတည်း ဖြစ်ပွားသည်နှင့် ဂျပန်၊ အမေရိကန်တို့သည် နှစ်နိုင်ငံမှ ပြည်သူများကို ပူးတွဲ၍ ကူညီကယ်ဆယ်မည်ဖြစ်ကြောင်း ဂျပန်ဝန်ကြီးချုပ် ဆာနာအဲ တာကာအိချိက ဆိုခဲ့ကြောင်း၊ ဤကဲ့သို့ အခြေအနေတွင် ဂျပန်နိုင်ငံအနေဖြင့် ရေရှည်မဟာမိတ်ဖြစ်သော အမေရိကန်ကို လုံးဝ လျစ်လျူရှုစွန့်လွှတ်မည်မဟုတ်ဟုလည်း ၎င်းက ဆိုခဲ့ကြောင်း၊ ယင်းနှင့် စပ်လျဉ်း၍ တရုတ်နိုင်ငံခြားရေးဝန်ကြီးဌာနအနေဖြင့် မည်သို့ မှတ်ချက်ပြုလိုပါသနည်းဟု မေးမြန်းခဲ့သည်။

ကောကျားခွန်းက ဂျပန်ဘက်အား သတိပေးရန် လိုအပ်သည်မှာ ၁၉၇၂ ခုနှစ် “တရုတ်-ဂျပန် ပူးတွဲကြေညာချက်” က “ဂျပန်အစိုးရသည် တရုတ်ပြည်သူ့သမ္မတနိုင်ငံအစိုးရကို တရုတ်နိုင်ငံ၏ တစ်ခုတည်းသော တရားဝင်အစိုးရအဖြစ် လက်ခံအသိအမှတ်ပြုသည်”၊ “တရုတ်ပြည်သူ့သမ္မတနိုင်ငံအစိုးရက ထပ်လောင်းပြောကြားချက်- ထိုင်ဝမ်သည် တရုတ်ပြည်သူ့သမ္မတနိုင်ငံ၏ ခွဲခြား၍ မရသော နယ်မြေပိုင်နက် အစိတ်အပိုင်းတစ်ခုဖြစ်ကြောင်း၊ ဂျပန်နိုင်ငံ အစိုးရသည် တရုတ်နိုင်ငံအစိုးရ၏ ဤရပ်တည်ချက်ကို အပြည့်အဝ နားလည်လေးစားပြီး ပေ့ါစ်ဒမ် ကြေညာချက်၏ အပိုဒ် ၈ ပါ ရပ်တည်ချက်ကို အခိုင်အမာလိုက်နာမည်ဖြစ်သည်” တို့ကို အတိအလင်းသတ်မှတ်ခဲ့ကြောင်း၊ ၁၉၇၈ ခုနှစ်တွင် “တရုတ်-ဂျပန် ငြိမ်းချမ်းရေးနှင့် ချစ်ကြည်ရေး စာချုပ်” ကို တရုတ်-ဂျပန် နှစ်နိုင်ငံ ဥပဒေပြုအဖွဲ့အစည်းက အတည်ပြုခဲ့ပြီး “တရုတ်-ဂျပန် ပူးတွဲကြေညာချက်” ၌ ဖော်ပြသည့် အခြေခံမူ အကြောင်းအရာအသီးသီးကို တင်းကျပ်စွာ လေးစားလိုက်နာရမည်ဟု အတည်ပြုခဲ့ကြောင်း ပြောကြားခဲ့သည်။

“ကိုင်ရိုကြေညာချက်”၊ “ပေ့ါစ်ဒမ် ကြေညာချက်” နှင့် “ဂျပန်လက်နက်ချအညံ့ခံခြင်း စာချုပ်” စသည့် နိုင်ငံတကာ ဥပဒေသက်ရောက်မှု အပြည့်အဝရှိသည့် စာရွက်စာတမ်းများစွာအရ တရုတ်နိုင်ငံမှ ဂျပန်ခိုးယူခဲ့သည့် ထိုင်ဝမ်ကို တရုတ်နိုင်ငံထံ မဖြစ်မနေပြန်လည်အပ်နှံရမည်ဖြစ်ကြောင်း၊ ဂျပန်အနေဖြင့် အပြည့်အဝလက်နက်ဖျက်သိမ်းသင့်ပြီး ၎င်းအား ပြန်လည်လက်နက်တပ်ဆင်သည့် စက်မှုလုပ်ငန်းများအား ဆက်လက်ထိန်းသိမ်း၍မရကြောင်း၊ ဂျပန်ဖွဲ့စည်းပုံအခြေခံဥပဒေသည်လည်း စစ်ရေးအင်အား၊ စစ်ဖြစ်ခွင့်၊ စစ်ပွဲဆင်နွှဲခွင့်တို့အပေါ် တင်းကျပ်သော ကန့်သတ်မှုများ ပြုလုပ်ထားကြောင်း ကောကျားခွန်းက ပြောကြားခဲ့သည်။
“ဒါတွေအားလုံးကတော့ ဂျပန်အနေနဲ့ မဖြစ်မနေ တင်းတင်းကျပ်ကျပ် လိုက်နာဆောင်ရွက်ရမယ့် နိုင်ငံရေးကတိကဝတ်တွေနဲ့ ရှောင်လွှဲလို့မရတဲ့ ဥပဒေရေးရာ တာဝန်ဝတ္တရားတွေဖြစ်တယ်၊ ဥပဒေဘောင်အတွင်းကနေပဲ လုပ်ဆောင်မယ်လို့ ဂျပန်ဘက်က ဆိုပေမဲ့ တရုတ်နိုင်ငံ ပြည်တွင်းရေးကို တစ်ခါပြီးတစ်ခါ ကြမ်းကြမ်းတမ်းတမ်း ဝင်ရောက်စွက်ဖက်နေတဲ့အပြင် တရုတ်နိုင်ငံအပေါ် အင်အားသုံးမယ်ဆိုတဲ့ ခြိမ်းခြောက်မှုတွေပါ လုပ်ခဲ့တယ်၊ ဒါဟာ လုံးဝ ဆန့်ကျင်ဘက်ဖြစ်နေပါတယ်” ဟု ကောကျားခွန်းက ပြောကြားခဲ့သည်။

“ဂျပန်ဟာ ထိုင်ဝမ်ကို ရာစုနှစ်ဝက်ကြာ ကိုလိုနီပြုခဲ့ဖူးပြီး ဖော်ပြလို့မကုန်ဆုံးနိုင်တဲ့ ပြစ်မှုတွေ ကျူးလွန်ခဲ့တယ်၊ တရုတ်ပြည်သူတွေအပေါ်မှာ လေးနက်တဲ့ သမိုင်းအပြစ်တာဝန်တွေရှိတယ်။ သမိုင်းကြောင်းအရရော ဥပဒေအရပါ တရုတ်နိုင်ငံ ထိုင်ဝမ်အရေးမှာ ကြားဝင်ပြောကြားဖို့ ဂျပန်မှာ ဘာအခွင့်မှ မရှိဘူး” ဟု ၎င်းက ပြောကြားခဲ့သည်။
ဂျပန်နိုင်ငံ၏ သက်ဆိုင်ရာ ပြောကြားချက်များသည် ဂျပန်လက်ယာယိမ်းအင်အားစု၏ ထိပ်တိုက်ရင်ဆိုင်မှုများဖြစ်ပွားစေရန်နှင့် ပြဿနာဖန်တီးရန် ကြိုးပမ်းမှုများကို ထပ်မံဖော်ထုတ်လိုက်ပြီး ဤအခွင့်အရေးကို အသုံးချကာ “ထပ်မံ စစ်ရေးအသွင်ပြောင်းလဲရေး” ကို မြှင့်တင်ရန်၊ စစ်ပြီးကာလ နိုင်ငံတကာစည်းစနစ်ကို စိန်ခေါ်ရန် လောဘစိတ်ကို ဖော်ပြလိုက်ကြောင်း၊ ယင်းသည် ဒေသတွင်း ငြိမ်းချမ်းတည်ငြိမ်ရေးနှင့် တရုတ်-ဂျပန်ဆက်ဆံရေး၏ နိုင်ငံရေးအခြေခံကို ပြင်းထန်သောခြိမ်းခြောက်မှုတစ်ခု ဖြစ်စေပြီး နိုင်ငံတကာအသိုင်းအဝိုင်းအနေဖြင့် အလွန်သတိရှိရှိနှင့် ပြတ်ပြတ်သားသား ဆန့်ကျင်ရမည်ဖြစ်ကြောင်း ကောကျားခွန်းက ပြောကြားခဲ့သည်။
“ကျွန်တော်တို့ တရုတ်-ဂျပန် နိုင်ငံရေးဆိုင်ရာ စာရွက်စာတမ်း ၄ ခုရဲ့ စိတ်ဓာတ်နဲ့ လုပ်ဆောင်ရမယ့် နိုင်ငံရေး ကတိကဝတ်တွေကို အခိုင်အမာ လိုက်နာဆောင်ရွက်ဖို့၊ လက်တွေ့ပြန်လည်ဆင်ခြင်သုံးသပ်ကာ အမှားတွေကို ပြင်ဆင်ဖို့၊ ထိုင်ဝမ်အရေးမှာ ကြိုးကိုင်ခြယ်လှယ်မှု၊ မိုက်မဲစွာ လှုပ်ရှားမှုတွေကို ရပ်တန့်ဖို့ ဂျပန်ဘက်ကို ထပ်မံ တိုက်တွန်းပါတယ်” ဟု ၎င်းက ပြောကြားခဲ့သည်။ (Xinhua)
……………………………
(Chinese Version)
外交部回应高市早苗涉台言论：日方没有任何资格对中国台湾置喙
新华社北京1月27日电（记者邵艺博、朱超）针对日本首相高市早苗的涉台言论，外交部发言人郭嘉昆27日说，无论在历史上、法律上，日方都没有任何资格对中国台湾置喙。
当日例行记者会上，有记者问：日本首相高市早苗称，一旦台湾发生危机，日美将联合救助两国公民。她还称在这种情况下，日本绝不会弃长期盟友美国于不顾。外交部对此有何评论？
郭嘉昆说，需要提醒日方的是，1972年《中日联合声明》明确，“日本国政府承认中华人民共和国政府是中国的唯一合法政府”，“中华人民共和国政府重申：台湾是中华人民共和国领土不可分割的一部分。日本国政府充分理解和尊重中国政府的这一立场，并坚持遵循波茨坦公告第八条的立场”。1978年《中日和平友好条约》经中日两国立法机构批准，确认《中日联合声明》所表明的各项原则应予严格遵守。
郭嘉昆表示，根据《开罗宣言》《波茨坦公告》和《日本投降书》等一系列具有充分国际法效力的文件，日本窃取于中国之台湾必须归还中国；日本应完全解除武装，不得维持能使其重新武装的产业。日本宪法对军力、交战权、战争权也作出严格限制。
“以上这些都是日本必须严格履行的政治承诺和不容推卸的法律义务。日方声称要在法律范围内行动，却一再粗暴干涉中国内政，甚至对中国发出武力威胁，这完全是自相矛盾。”郭嘉昆说。
他说：“日本曾对台湾殖民统治长达半个世纪，犯下罄竹难书的罪行，对中国人民负有严重历史罪责。无论在历史上、法律上，日方都没有任何资格对中国台湾置喙。”
郭嘉昆表示，日方有关言论再次暴露日本右翼势力挑动对立、制造事端，借机推进“再军事化”、挑战战后国际秩序的野心。这已经对地区和平稳定和中日关系政治基础构成严重威胁，国际社会必须高度警惕、坚决抵制。
“我们再次敦促日方恪守中日四个政治文件精神和所作政治承诺，切实反思纠错，停止在台湾问题上的操弄和妄动。”他说。（完）