ဟောင်ကောင် အထူးအုပ်ချုပ်ခွင့်ရဒေသ အုပ်ချုပ်ရေးမှူးက ၂၀၂၅ ခုနှစ် မူဝါဒရေးရာမိန့်ခွန်း ပြောကြား

ဟောင်ကောင်၊ စက်တင်ဘာ ၁၈ ရက် (ဆင်ဟွာ)
ဟောင်ကောင် အထူးအုပ်ချုပ်ခွင့်ရဒေသ (HKSAR) အုပ်ချုပ်ရေးမှူး လီကျားချောင်း (John Lee) က ၎င်း၏ စတုတ္ထအကြိမ်မြောက် မူဝါဒရေးရာမိန့်ခွန်းအား ပြောကြားခဲ့ကာ ထိုမိန့်ခွန်း၌ စီးပွားရေးနှင့် ပြည်သူများ၏ စားဝတ်နေရေးဟူသော အဓိက ကဏ္ဍနှစ်ရပ်အား အလေးထားပြောကြားခဲ့ကြောင်း သိရသည်။
ယခုနှစ်မှာ တရုတ်နိုင်ငံ၏ ၁၄ ကြိမ်မြောက် ငါးနှစ်စီမံကိန်းကာလ၏ အဆုံးသတ်ကာလ ဖြစ်သကဲ့သို့ ၁၅ ကြိမ်မြောက် ငါးနှစ်စီမံကိန်းအတွက် ကြိုတင်ပြင်ဆင်ရသည့် နှစ်လည်းဖြစ်ကြောင်း၊ ယင်းမူဝါဒမိန့်ခွန်းမှာ တက်ကြွအားမာန်ပြည့်သည့် စီးပွားရေးအတွက် ကြိုးပမ်းအားထုတ်ကာ ဖွံ့ဖြိုးတိုးတက်မှုကို ဆက်လက်ဖော်ဆောင်ပြီး ပြည်သူများ၏ လူနေမှုဘဝကို မြှင့်တင်ရာတွင် ဟောင်ကောင်အတွက် လမ်းပြမြေပုံဖြစ်ကာ မိမိတို့၏ တိုးတက်မှုကို တည်ငြိမ်သောအဆင့်မှ ကြွယ်ဝချမ်းသာသော အဆင့်သို့ အရှိန်အဟုန်မြှင့်တင်ပေးလျက်ရှိကြောင်း လီက အလေးအနက်ပြောကြားခဲ့သည်။
ထို့ပြင် နိုင်ငံအဆင့် ဖွံ့ဖြိုးတိုးတက်မှု မဟာဗျူဟာများနှင့် ထိထိရောက်ရောက် ချိန်ညှိရန်၊ အခင်းအကျင်းသစ်တစ်ခုအား ပီပြင်ခိုင်မာအောင် ဖော်ဆောင်ရာတွင် အရေးပါသော ထိုးဖောက်အောင်မြင်မှုများ ရရှိရန် ဟောင်ကောင်အတွက် မဟာဗျူဟာမြောက် စီမံချက်တစ်ရပ်ကိုလည်း ကြေညာခဲ့သည်။
စီမံအုပ်ချုပ်မှုအပိုင်းနှင့် ပတ်သက်၍ ၎င်း၏ အဓိကရည်မှန်းချက်မှာ ပြည်သူများ၏ လူနေမှုဘဝကို မြှင့်တင်ပေးရန်ပင်ဖြစ်သည်ဟု လီက အလေးအနက်ပြောကြားခဲ့သည်။ မြောက်ပိုင်းမြို့ကြီး (Northern Metropolis) အကောင်အထည်ဖော် တည်ဆောက်မှုအား အရှိန်အဟုန်မြှင့်တင်ကာ ၎င်း၏ဦးဆောင်မှုအောက်တွင် မြောက်ပိုင်းမြို့ကြီး အကောင်အထည်ဖော် တည်ဆောက်ရေးကော်မတီ ဖွဲ့စည်းသွားမည့် အစီအစဉ်များကိုလည်း လီက ကြေညာခဲ့သည်။
ထို့ပြင် ဟောင်ကောင်ဒေသမှာ “တစ်နိုင်ငံ စနစ်နှစ်မျိုး” မူဝါဒအောက်တွင် ပြည်ပစီးပွားရေးလုပ်ငန်းများကို ဆွဲဆောင်ထားနိုင်ကာ တရုတ်ပြည်မကြီးမှ စီးပွားရေးလုပ်ငန်းများအား နိုင်ငံတကာနှင့် ချိတ်ဆက်ရာတွင် အထောက်အကူပေးနိုင်သည့် တစ်မူထူးခြားသော အားသာချက်များကို ပိုင်ဆိုင်ထားသည်ဟု လီက ဆိုသည်။ “အရင်တုန်းကဆိုရင် ကျွန်တော်တို့ဟာ စီးပွားရေးလုပ်ငန်းတွေ ဝင်ရောက်လာဖို့နဲ့ အံ့မခန်း တိုးတက်အောင်မြင်မှုတွေ ရယူဖို့အတွက် အဓိကအာရုံစိုက်ခဲ့တာပါ။ ဒါပေမဲ့ ဟောင်ကောင်အတွက် အနာဂတ် အခွင့်အလမ်းတွေဟာ တရုတ်ပြည်မကြီးက စီးပွားရေးလုပ်ငန်းတွေ ပြည်ပမှာ တိုးချဲ့နိုင်အောင် အကူအညီပေးရာကနေ ရောက်ရှိလာမှာပါ” ဟု ၎င်းက ပြောသည်။
စီမံအုပ်ချုပ်မှု ပိုမိုကောင်းမွန်စေရေးအတွက် မိမိအနေဖြင့် ဌာနဆိုင်ရာ အကြီးအကဲများ (HoDs) အတွက် တာဝန်ခံမှုစနစ်နှင့် AI စွမ်းဆောင်မှုမြှင့်တင်ရေးအဖွဲ့တို့ကို ဖွဲ့စည်းသွားမည်ဟု လီက ပြောကြားခဲ့သည်။
ယင်းမူဝါဒမိန့်ခွန်း၌ မူဝါဒရည်မှန်းချက်များ၊ အဓိကကျသော အစီအမံများနှင့် အဓိကကျသော စွမ်းဆောင်ရည် ညွှန်းကိန်းများနှင့် စပ်လျဉ်း၍ အသေးစိတ်ပါဝင်မည်ဖြစ်ကာ မူဝါဒအစီအမံများနှင့် ဆက်စပ် ကိစ္စရပ်များနှင့် စပ်လျဉ်း၍ အသေးစိတ်ဖော်ပြထားသည့် နောက်ဆက်တွဲ အစီရင်ခံစာကိုလည်း ပြုစုသွားမည်ဟု လီက အရိပ်အမြွက်ပြောကြားခဲ့သည်။ (Xinhua)

…………………..
(English Version)
HKSAR chief executive delivers 2025 Policy Address
HONG KONG, Sept. 17 (Xinhua) — John Lee, chief executive of China’s Hong Kong Special Administrative Region (HKSAR), delivered his fourth policy address on Wednesday, which he said is anchored in two pillars: the economy and people’s livelihood.
Noting that this year marks the conclusion of China’s 14th Five-Year Plan period and the preparatory year for the 15th Five-Year Plan, Lee said, “this policy address serves as a roadmap for Hong Kong to strive for a vibrant economy, pursue development, and improve people’s livelihood — accelerating our advancement from stability to prosperity.
It also outlines a strategic plan for Hong Kong to proactively align with national development strategies and achieve breakthroughs in forging a new landscape.”
Lee stressed that his ultimate objective in governance is to improve people’s livelihood. Lee announced plans to accelerate the development of the Northern Metropolis, establishing a “Committee on Development of the Northern Metropolis” under his leadership.
Furthermore, under “one country, two systems,” Hong Kong enjoys the unique advantages of attracting overseas enterprises and assisting Chinese mainland enterprises to go global, Lee noted. “In the past, we focused primarily on bringing in enterprises, achieving remarkable growth and success. The new opportunities ahead for Hong Kong, however, will come from helping Chinese mainland enterprises expand abroad,” he said.
To strengthen governance, Lee said he will establish an accountability system for Heads of Department (HoDs) as well as an AI Efficacy Enhancement Team.
Lee indicated that the policy address will elaborate on the policy objectives, key measures and key performance indicators, and a supplement offering more details on the policy measures and related matters has also been compiled.
English Caption
John Lee, chief executive of China’s Hong Kong Special Administrative Region (HKSAR), delivers his fourth policy address to the HKSAR Legislative Council in Hong Kong, south China, Sept. 17, 2025. (Xinhua/Wang Shen)