တရုတ်ယဉ်ကျေးမှုပွဲတော်က ကိုင်ရိုတက္ကသိုလ်ဆီ အရောင်အသွေးနှင့် ချိတ်ဆက်မှု ဆောင်ကြဉ်းပေး

ကိုင်ရို၊ အောက်တိုဘာ ၂၁ ရက် (ဆင်ဟွာ)
အီဂျစ်နိုင်ငံ မြို့တော်ကိုင်ရိုရှိ Badr တက္ကသိုလ်၌ တရုတ်ယဉ်ကျေးမှုပွဲတော်ကို အောက်တိုဘာ ၂၀ ရက်က ကျင်းပခဲ့ပြီး တရုတ်ရိုးရာဓလေ့များကို တွေ့ကြုံခံစားရန် စိတ်အားထက်သန်သည့် ဆရာ၊ ဆရာမနှင့် ကျောင်းသား အများအပြားကို ဆွဲဆောင်ခဲ့သည်။
ယဉ်ကျေးမှုဖလှယ်ရေးနှင့် ချစ်ကြည်ရင်းနှီးမှုကို မြှင့်တင်ရန် ရည်ရွယ်ချက်ဖြင့် အဆိုပါပွဲသည် အီဂျစ်နိုင်ငံနှင့် တရုတ်နိုင်ငံအကြား ယဉ်ကျေးမှုဆိုင်ရာ ဆက်ဆံရေး တိုးတက်လာမှုကို မီးမောင်းထိုးပြခဲ့သည်။
ပွဲတော်တွင် တရုတ်စာလက်ရေးလှရေးနည်းနှင့် စက္ကူအလှညှပ် အလုပ်ရုံဆွေးနွေးပွဲများ၊ တရုတ်ရိုးရာ ဟန့်ဖူဝတ်စုံဇုန်နှင့် ဖက်ထုပ်နှင့် မုန့်ပေါင်းများကဲ့သို့သော ရိုးရာအဆာပြေများကို ခင်းကျင်းပြသထားသည့် ဆိုင်ခန်းများ ထည့်သွင်းပြသခဲ့သည်။ လက်ဖက်ရည်အနုပညာဧရိယာက လတ်လတ်ဆတ်ဆတ်ဖျော်ထားသော လက်ဖက်ရည်၏ရနံ့ဖြင့် ဧည့်သည်များကို ပုံမှန်ဆွဲဆောင်နိုင်ခဲ့သည်။
အဆိုပါနေ့၏ထူးခြားချက်မှာ အီဂျစ်ကျောင်းသားများက တရုတ်ကိုယ်ခံပညာဖြင့် ဖျော်ဖြေတင်ဆက်မှုဖြစ်ပြီး ကျယ်လောင်သောလက်ခုပ်သံများထွက်ပေါ်ခဲ့သည့်။ ထို့နောက် စင်မြင့်ပေါ်၌ ပရိသတ်များပါ အခြေခံလှုပ်ရှားမှုများကို ကြိုးစားလိုက်ပါလုပ်ဆောင်သည့် ကိုယ်ခံပညာလက်တွေ့လှုပ်ရှားမှုတစ်ခုကိုလည်း ပြုလုပ်ခဲ့သည်။
အီဂျစ်နိုင်ငံဆိုင်ရာ တရုတ်သံရုံးမှ သံမှူးကြီး လူချွန်းစိန်း က တရုတ်ဘာသာစကား လေ့လာခြင်း၏ ရေပန်းစားလာမှုမှာ အီဂျစ်လူငယ်များကို “တရုတ်ယဉ်ကျေးမှုအား နားလည်၊ ချစ်မြတ်နိုးပြီး လေ့လာရန် ကူညီပေးလျက်ရှိ” ကြောင်း ပြောကြားခဲ့သည်။
တရုတ်နိုင်ငံဆိုင်ရာ အီဂျစ်သံအမတ်ဟောင်း Magdy Amer က အဆိုပါတရုတ်ယဉ်ကျေးမှုပွဲတော်ကဲ့သို့သော အခမ်းအနားများမှာ ရှေးခေတ်ယဉ်ကျေးမှုနှစ်ခုကို ချိတ်ဆက်ပေးသည့် တံတားတစ်ခုဖြစ်ပြီး အပြန်အလှန်နားလည်မှုအား နက်ရှိုင်းစေသည်ဟု ပြောကြားခဲ့သည်။
Badr တက္ကသိုလ် ဥက္ကဌ Ashraf El-Shihy က အီဂျစ်နိုင်ငံနှင့် တရုတ်နိုင်ငံကြား ပူးပေါင်းဆောင်ရွက်မှုမှာ ရပ်ဝန်းနှင့် ပိုးလမ်းမစီမံကိန်းအောက်တွင် အခြေခံအဆောက်အအုံ၊ ကုန်သွယ်မှု၊ ရင်းနှီးမြှုပ်နှံမှုနှင့် ပညာရေးတို့တွင် တိုးချဲ့လုပ်ဆောင်လျက်ရှိကြောင်း ပြောကြားခဲ့သည်။ ထို့အပြင် နှစ်နိုင်ငံမှာ မိတ်ဖက်များအနေဖြင့်သာမက မိတ်ဆွေများအနေဖြင့်ပါ အတူတကွ ရှေ့သို့ ဆက်လက်ချီတက်သွားမည်ဟု ၎င်းက ဖြည့်စွက်ပြောကြားခဲ့ကြောင်းလည်း သိရသည်။ (Xinhua)

အီဂျစ်နိုင်ငံ ကိုင်ရိုပြည်နယ် မြို့တော်ကိုင်ရိုရှိ Badr တက္ကသိုလ်၌ တရုတ်ယဉ်ကျေးမှုပွဲတော်အတွင်း တရုတ်ကိုယ်ခံပညာရပ်ဖြင့် ဖျော်ဖြေတင်ဆက်နေကြသူများကို ၂၀၂၅ ခုနှစ် အောက်တိုဘာ ၂၀ ရက်က တွေ့ရစဉ် (ဆင်ဟွာ)

……………..
(English Version)
Chinese culture festival brings color, connection to Cairo campus
CAIRO, Oct. 20 (Xinhua) — Badr University in Cairo hosted a Chinese culture festival on Monday, drawing large crowds of students and faculty eager to experience Chinese traditions.
With the aim of promoting cultural exchanges and friendship, the event highlighted growing cultural ties between Egypt and China.
The festival featured Chinese calligraphy and paper-cutting workshops, a traditional Chinese Hanfu costume zone, and booths serving traditional snacks such as dumplings and steamed buns. A tea art corner drew steady visitors with its aroma of freshly brewed tea.
The day’s highlight was a Chinese martial arts performance by Egyptian students, which drew loud applause and was followed by an interactive session where spectators tried basic moves on stage.
Lu Chunsheng, minister counselor at the Chinese Embassy in Egypt, said the growing popularity of Chinese language studies was helping more young Egyptians “understand, love and study Chinese cultures.”
Former Egyptian ambassador to China Magdy Amer said events like the festival serve as “a bridge linking two ancient civilizations” and help deepen mutual understanding.
Badr University President Ashraf El-Shihy said cooperation between Egypt and China is expanding in infrastructure, trade, investment, and education under the Belt and Road Initiative. He added that the two nations are “not just partners but friends moving forward together.” ■
English Caption 1
Students show Chinese ethnic costumes during a Chinese cultural event held at Badr University in Cairo, Cairo Governorate, Egypt, Oct. 20, 2025. (Xinhua/Sui Xiankai)
English Caption 2
Performers show Chinese martial arts during a Chinese cultural event held at Badr University in Cairo, Cairo Governorate, Egypt, on Oct. 20, 2025. (Xinhua/Sui Xiankai)