တရုတ်နိုင်ငံနှင့် ဂျာမနီနိုင်ငံတို့အနေဖြင့် အပြန်အလှန်ဆွေးနွေးမှု ခိုင်မာအားကောင်းရေး၊ အလေးထားစရာ ကိစ္စရပ်များ ကိုင်တွယ်ဖြေရှင်းရေးအတွက် တရုတ်နိုင်ငံ ဝန်ကြီးချုပ် တိုက်တွန်း

ဂျိုဟန်းနက်စ်ဘာ့ဂ်၊ နိုဝင်ဘာ ၂၄ ရက် (ဆင်ဟွာ)

တရုတ်နိုင်ငံနှင့် ဂျာမနီနိုင်ငံတို့၏ အစိုးရများအနေဖြင့် အပြန်အလှန်ဆွေးနွေးမှုနှင့် ထိတွေ့ဆက်ဆံမှုများ ခိုင်မာအားကောင်းစေရေးအတွက် အတူတကွ ကြိုးပမ်းအားထုတ်ကာ ကိုယ်စီအလေးထားစရာ ကိစ္စရပ်များကိုလည်း သင့်တင့်လျောက်ပတ်စွာ ကိုင်တွယ်ဖြေရှင်းသင့်ကြောင်း တရုတ်နိုင်ငံ ဝန်ကြီးချုပ် လီချန်က နိုဝင်ဘာ ၂၃ ရက်၌ ပြောကြားခဲ့သည်။
ကမ္ဘာ့စက်မှုထိပ်သီးနိုင်ငံ ၂၀ (G20) ၏ ၂၀ ကြိမ်မြောက် ထိပ်သီးအစည်းအဝေး၌ ဂျာမနီဝန်ကြီးချုပ် ဖရီးဒရစ်မက်ဇ်နှင့် သီးခြားတွေ့ဆုံစဉ် လီက အထက်ပါအတိုင်း ပြောကြားခဲ့ခြင်းဖြစ်သည်။

တရုတ်နိုင်ငံနှင့် ဂျာမနီနိုင်ငံတို့သည် အပြန်အလှန်အားဖြင့် အရေးပါသော စီးပွားရေးနှင့် ကုန်သွယ်ရေးမိတ်ဖက်များဖြစ်ကြောင်း၊ လွန်ခဲ့သော ၅၃ နှစ်က သံတမန်ဆက်ဆံရေး စတင်ထူထောင်ချိန်မှစ၍ မိမိတို့နှစ်နိုင်ငံသည် အပြန်အလှန်ဆွေးနွေးမှုနှင့် ပူးပေါင်းဆောင်ရွက်မှုတို့ကို စဉ်ဆက်မပြတ် ခိုင်မာအားကောင်းအောင် လုပ်ဆောင်ခဲ့သဖြင့် နှစ်ဖက်စလုံး၏ ဘုံဖွံ့ဖြိုးတိုးတက်မှုကို ထိထိရောက်ရောက် မြှင့်တင်နိုင်ခဲ့ကြောင်း လီက ပြောကြားခဲ့သည်။
ယခုနှစ် မေလအတွင်း တရုတ်နိုင်ငံ သမ္မတ ရှီကျင့်ဖိန်က ဂျာမနီနိုင်ငံ ဝန်ကြီးချုပ် မက်ဇ်နှင့် တယ်လီဖုန်းဖြင့် ဆက်သွယ်ဆွေးနွေးခဲ့ကာ နှစ်နိုင်ငံဆက်ဆံရေး တစ်ဆင့်တိုး နက်ရှိုင်းစေရေးအတွက် လမ်းပြမြေပုံရေးဆွဲခဲ့ကြောင်း၊ အပြန်အလှန်လေးစားမှုဆိုသည်မှာ တရုတ်-ဂျာမနီ ဆက်ဆံရေးကို ထိန်းကျောင်းတည့်မတ်ပေးသည့် မူဝါဒပင်ဖြစ်ကာ အပြန်အလှန်အကျိုးဖြစ်ထွန်းသော ပူးပေါင်းဆောင်ရွက်မှုသည်လည်း ထိုဆက်ဆံရေးကို အဓိပ္ပာယ်ဖွင့်ဆိုပေးသည့် ဝိသေသလက္ခဏာပင်ဖြစ်ကြောင်း လီက ဆိုသည်။
တည်ငြိမ်၍ ရေရှည်တည်တံ့သော၊ အရည်အသွေးမြင့်မားသော ဘက်စုံမဟာဗျူဟာမြောက် မိတ်ဖက်ဆက်ဆံရေး ဖော်ဆောင်ခြင်းကလည်း နှစ်နိုင်ငံပြည်သူများ၏ အခြေခံအကျိုးစီးပွားများနှင့် ကိုက်ညီကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် ဂျာမနီနိုင်ငံနှင့် မဟာဗျူဟာမြောက်ဆက်ဆံရေး တိုးမြှင့်ရန်၊ ပင်မအကျိုးစီးပွားများနှင့် ကိုယ်စီအလေးထားစရာကိစ္စရပ်များအား အပြန်အလှန်လေးစားမှုရှိရေးကို ဆက်လက်စောင့်ထိန်းရန်၊ နှစ်နိုင်ငံဆက်ဆံရေး တိုးတက်ကောင်းမွန်ရေးအတွက် နိုင်ငံရေးအခြေခံအုတ်မြစ်ကို ခိုင်မာအောင်တည်ဆောက်ရန် ဆန္ဒရှိသည်ဟု လီက ဆက်လက်ပြောကြားသည်။
ထို့အတူ နှစ်ဖက်အနေဖြင့် နယ်ပယ်အသီးသီး၌ လက်တွေ့ပူးပေါင်းဆောင်ရွက်မှုများ တိုးမြှင့်ကာ တရုတ်-ဂျာမနီ ဆက်ဆံရေး၏ အနှစ်သာရကို စဉ်ဆက်မပြတ် ကြွယ်ဝတိုးတက်စေရန် လုပ်ဆောင်သွားမည်ဟု မျှော်လင့်ကြောင်းလည်း လီက ပြောကြားခဲ့သည်။
ဂျာမနီနိုင်ငံအနေဖြင့် တရုတ်နိုင်ငံအပေါ် ကျိုးကြောင်းမျှတ၍ လက်တွေ့ကျသောမူဝါဒကို ကျင့်သုံးမည်ဟု မျှော်လင့်ကြောင်း၊ ထို့အတူ နှစ်နိုင်ငံဆက်ဆံရေး တိုးမြှင့်ဖော်ဆောင်ရာတွင် အတားအဆီးများနှင့် ဖိအားများကို ကျော်လွှားနိုင်ရန် ကြိုးပမ်းကာ ဘုံအကျိုးစီးပွားများကို အလေးအနက်ထား၍ ပူးပေါင်းဆောင်ရွက်မှု အခြေခံအုတ်မြစ်ကို ခိုင်မာအောင်တည်ဆောက်သွားမည်ဟုလည်း မျှော်လင့်ကြောင်း လီက ဆိုသည်။
တရုတ်နိုင်ငံသည်လည်း ဖွံ့ဖြိုးတိုးတက်မှု အခွင့်အလမ်းများကို အမိအရအသုံးချကာ ဆန်းသစ်တီထွင်မှုရှိသော ပူးပေါင်းဆောင်ရွက်မှုများကို ပွင့်လင်းသော စိတ်သဘောထားဖြင့် အပြည့်အဝအသုံးချရေးအတွက် ဂျာမနီနိုင်ငံနှင့် လက်တွဲဆောင်ရွက်ရန် ဆန္ဒရှိကြောင်း ဝန်ကြီးချုပ်လီက ပြောကြားခဲ့ကာ စက်မှုလုပ်ငန်းအသွင်ပြောင်းမှုကို မြှင့်တင်အားပေးရန်နှင့် ပူးပေါင်းဆောင်ရွက်မှု တွန်းအားသစ်များကို အသက်သွင်းကာ တိုးမြှင့်ရန်အတွက် စွမ်းအင်သစ်၊ အဆင့်မြင့်နည်းပညာဖြင့် ကုန်ထုတ်လုပ်မှု၊ ဇီဝဆေးပညာ၊ ဟိုက်ဒရိုဂျင်စွမ်းအင်နည်းပညာ၊ မောင်းသူမဲ့မော်တော်ယာဉ်နည်းပညာ စသည့် ထွန်းသစ်စနယ်ပယ်များတွင် ပူးပေါင်းဆောင်ရွက်မှုဆိုင်ရာ တိုးတက်မှုများကိုလည်း အမြော်အမြင်ရှိစွာပြောဆိုခဲ့သည်။
ယခုနှစ်သည် တရုတ်နိုင်ငံနှင့် ဥရောပသမဂ္ဂ (အီးယူ) တို့ကြား သံတမန်ဆက်ဆံရေးထူထောင်မှု နှစ် ၅၀ ပြည့် အထိမ်းအမှတ်ကာလဖြစ်သည့်အားလျော်စွာ အီးယူအနေဖြင့် တရုတ်-အီးယူ ဆက်ဆံရေးအား ပိုမိုရေရှည်မျှော်တွေးသောရှုထောင့်မှ ပိုမိုအမြင်ကျယ်စွာ၊ ပိုမိုစိတ်သဘောထားပွင့်လင်းစွာ ရှုမြင်နိုင်ရေးအတွက် ဂျာမနီနိုင်ငံက အထောက်အကူပေးနိုင်မည်ဟု မျှော်လင့်ကြောင်းလည်း လီက ပြောကြားခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/8oN
………………..
(English Version)
Chinese premier urges China, Germany to strengthen dialogue, address concerns
JOHANNESBURG, Nov. 23 (Xinhua) — Chinese Premier Li Qiang said on Sunday that the governments of China and Germany should make joint efforts to strengthen dialogue and communication, and properly handle their respective concerns.
Li made the remarks when meeting with German Chancellor Friedrich Merz here on the sidelines of the 20th Group of 20 (G20) Summit.
Noting that China and Germany are each other’s important economic and trade partners, Li said that since the establishment of diplomatic ties 53 years ago, China and Germany have continuously strengthened dialogue and cooperation, which effectively promoted both sides’ common development.
Noting that in May, Chinese President Xi Jinping had a phone call with Merz, charting the course for further deepening bilateral relations, Li said mutual respect is the principle guiding China-Germany relations, and win-win cooperation is their defining feature.
Developing a stable, sustainable and high-quality all-round strategic partnership is in line with the fundamental interests of the two peoples, he said.
China is willing to enhance strategic communication with Germany, adhere to respecting each other’s core interests and major concerns, and cement the political foundation for the development of the bilateral relations, Li said.
Li said he also expects the two sides to expand pragmatic cooperation in all fields, and continuously enrich the content of China-Germany relations.
It is hoped that the German side will practice a rational and pragmatic China policy, Li said, expressing expectations for Germany’s efforts to overcome obstacles and pressure when promoting bilateral ties, and focus on common interests and consolidate the foundation of cooperation.
China is willing to work with Germany to seize development opportunities and exploit innovative cooperation with an open attitude, said the Chinese premier, envisaging cooperation progress in emerging fields such as new energy, intelligent manufacturing, biomedicine, hydrogen energy technology and intelligent driving, in order to promote industrial transformation and upgrades, and activate new cooperation impetus.
Noting that this year marks the 50th anniversary of the establishment of diplomatic relations between China and the European Union (EU), Li said he expects Germany to help the EU to view China-EU ties from a longer-term perspective, with a broader vision and a more open mindset. xhtxs.cn/8oN
English Caption
Chinese Premier Li Qiang meets with German Chancellor Friedrich Merz in Johannesburg, South Africa, Nov. 23, 2025. (Xinhua/Zhai Jianlan)