ယူဂန္ဓာနိုင်ငံဆိုင်ရာ တရုတ်နိုင်ငံသံရုံးက အစိုးရပညာသင်ဆုရ ကျောင်းသား ၃၉ ဦးအား တရုတ်နိုင်ငံသို့ စေလွှတ်မည်

ကမ်ပါလာ၊ သြဂုတ် ၉ ရက် (ဆင်ဟွာ)

ယူဂန္ဓာနိုင်ငံဆိုင်ရာ တရုတ်နိုင်ငံသံရုံးသည် တရုတ်အစိုးရပညာသင်ဆုများဖြင့် ဘာသာရပ်အသီးသီးတွင် ပညာသင်ကြားရန် စီစဉ်ထားသည့် ယူဂန္ဓာကျောင်းသား ၃၉ ဦးအတွက် နှုတ်ဆက်ပွဲအခမ်းအနားကို သြဂုတ် ၈ ရက်၌ ကျင်းပခဲ့သည်။
အဆိုပါပညာသင်ဆုများသည် နှစ်နိုင်ငံကြား နက်ရှိုင်းသော ဆက်ဆံရေးကို ထင်ဟပ်စေသည်ဟု ယူဂန္ဓာနိုင်ငံဆိုင်ရာ တရုတ်နိုင်ငံသံအမတ်ကြီး ကျန်းလိကျုံးက ၎င်းအခမ်းအနားတွင် ပြောကြားခဲ့သည်။
“လွန်ခဲ့တဲ့နှစ်တွေအတွင်း ယူဂန္ဓာကျောင်းသား ရာပေါင်းများစွာ တရုတ်နိုင်ငံမှာ ပညာသင်ကြားခဲ့ပါတယ်။ အဒီကျောင်းသားတွေထဲက အများစုက ယူဂန္ဓာကို ပြန်ကြကာ ယူဂန္ဓာအစိုးရအဖွဲ့၊ စီးပွားရေး၊ ပညာရေးနဲ့ အခြားနယ်ပယ်အသီးသီးမှာ ခေါင်းဆောင်တွေ ဖြစ်လာကြပါတယ်” ဟု ကျန်းက ပြောကြားခဲ့သည်။ “ကျွန်တော်တို့နှစ်နိုင်ငံကြား ချစ်ကြည်ရင်းနှီးမှုနဲ့ ပူးပေါင်းဆောင်ရွက်မှု ပေါင်းကူးတံတားတွေအဖြစ် ဆောင်ရွက်နေတဲ့ ယူဂန္ဓာ-တရုတ် ကျောင်းသားဟောင်းတွေရဲ့ ကြီးထွားလာနေတဲ့ ဒီကွန်ရက်မှာ အသင်တို့လည်း မကြာမီပါဝင်လာတော့မှာပါ” ဟုလည်း ၎င်းက ပြောကြားခဲ့သည်။
ယူဂန္ဓာနိုင်ငံဆိုင်ရာ တရုတ်နိုင်ငံသံအမတ်ကြီးက အတွေ့အကြုံသစ်များနှင့် ယဉ်ကျေးမှုများကို လက်ခံကြိုဆိုရန်၊ တရုတ်နိုင်ငံတွင်ရှိစဉ် ယူဂန္ဓာနိုင်ငံနှင့်ပတ်သက်သော အကြောင်းအရာ အဖြစ်အပျက်များကို မျှဝေရန်နှင့် ၎င်းတို့ပြန်လာချိန်တွင် ၎င်းတို့၏ တရုတ်နိုင်ငံမှ အတွေ့အကြုံများကို ယူဂန္ဓာနိုင်ငံသားများနှင့် မျှဝေရန် တရုတ်အစိုးရ ပညာသင်ဆုရ ကျောင်းသားများအား တိုက်တွန်းခဲ့သည်။
ယူဂန္ဓာနိုင်ငံရှိ တရုတ်ကျောင်းသားဟောင်းများအသင်း၏ ဥက္ကဋ္ဌ Doreen Akunda က တရုတ်အစိုးရ ပညာသင်ဆုရ ကျောင်းသားများအား တရုတ်နိုင်ငံတွင် ၎င်းတို့၏ ပညာသင်ကြားမှုများကို မပြတ် အာရုံစိုက်နေကြရန် တိုက်တွန်းခဲ့သည်။
ပညာသင်ဆုအစီအစဉ်၏ ကျောင်းသားဟောင်းတစ်ဦးဖြစ်သည့် Lynn Ankunda Nuwagaba ကလည်း တရုတ်နိုင်ငံတွင် ဘဝနေထိုင်မှုနှင့် လိုက်လျောညီထွေဖြစ်အောင် လက်တွေ့ကျသော အကြံဉာဏ်ကို ပေးခဲ့သည်။
“တရုတ်နိုင်ငံမှာ နေရတဲ့ဘဝက ယူဂန္ဓာမှာလိုမဟုတ်ဘဲ သွက်လက်မြန်ဆန်ပါတယ်။ လူမှုကွန်ရက်တင်မဟုတ်ဘဲ ငွေပေးချေမှုကနေ သယ်ယူပို့ဆောင်ရေးအထိ အရာအားလုံးအတွက် တွင်ကျယ်စွာအသုံးပြုနေတဲ့ အက်ပ်အချို့ကို မိတ်ဆွေတို့ရဲ့ စမတ်ဖုန်းတွေမှာ မရှိမဖြစ် ရှိဖို့လိုအပ်တာကြောင့် ဒေါင်းလုတ်လုပ်ထားဖို့ လိုပါတယ်” ဟု Nuwagaba မှ ပြောကြားခဲ့ခြင်းဖြစ်သည်။
အဆိုပါပညာသင်ဆုရကျောင်းသားများကိုယ်စား Elly Atuhaire Kakuru က ၎င်းတို့၏ လမ်းညွှန်မှုအတွက် ကျောင်းသားဟောင်းများအား ကျေးဇူးတင်ရှိကြောင်းနှင့် ကျောင်းသားများအား ဂုဏ်သိက္ခာစောင့်ထိန်းကြရန် တိုက်တွန်းခဲ့ပြီး “ယင်းက တရုတ်နိုင်ငံတွင် ၎င်းတို့၏ ဘဝကို ပိုမိုလွယ်ကူစွာ လိုက်လျောညီထွေနေနိုင်စေမည်ဖြစ်ကြောင်း” ပြောကြားခဲ့သည်။ (Xinhua)
………………………………………

(English Version)
Chinese embassy in Uganda sends off 39 students on government scholarships

KAMPALA, Aug. 8 (Xinhua) — The Chinese Embassy in Uganda on Friday held a send-off ceremony for 39 Ugandan students set to pursue studies in various disciplines under Chinese government scholarships.
Speaking at the event, Chinese Ambassador to Uganda Zhang Lizhong said the scholarships reflect the deepening ties between the two countries.
“Over the years, hundreds of Ugandan students have studied in China. Many of them have returned home and become leaders in Uganda’s government, business, academia, and beyond,” Zhang said. “You will soon join this growing network of Ugandan-Chinese alumni who serve as bridges of friendship and cooperation between our two nations.”
The ambassador encouraged the students to embrace new experiences and cultures, to share Uganda’s story while in China, and upon their return, share their Chinese experiences with fellow Ugandans.
Doreen Akunda, president of the China Alumni Association in Uganda, urged the scholarship recipients to stay focused on their studies in China.
Lynn Ankunda Nuwagaba, an alumna of the scholarship program, also offered practical advice on adapting to life in China.
“Life in China is fast-paced, unlike home. You will need to download some essential apps on your smartphones, which are widely used for everything from payments to transportation, not just social media,” Nuwagaba said.
Elly Atuhaire Kakuru, speaking on behalf of the scholarship recipients, thanked the alumni for their guidance and urged his peers to uphold integrity, saying that “this will help us adjust more easily to life in China.” ■
English Caption
Barnabas Nawangwe, vice chancellor of Makerere University, speaks during the 2022 “Chinese Ambassador Scholarship of Excellence and Friendship” awarding ceremony at the university in Kampala, Uganda, July 26, 2022.