တရုတ် နိုင်ငံ သည် ယခု နှစ်အတွင်း “Bei Dou-3” ဂြိုဟ်တုများ လွှတ်တင်သွားမည် ဖြစ်ကြောင်း ပြောကြား

ပေကျင်း ၊ မတ် ၇ ရက် (ဆင်ဟွာ)

တရုတ် ပြည်သူ့ နိုင်ငံရေးဆွေးနွေးညှိနှိုင်းမှု ညီလာခံ (CPPCC) အမျိုးသားကော်မတီ ၏ ညီလာခံ ကိုယ်စားလှယ် ၊ Bei Dou ဂြိုဟ်တု လမ်းညွှန်စနစ် ဒုတိယ အင်ဂျင်နီယာချုပ် ရန်ယွမ်ရှီ (Yang Yuanxi) က တရုတ် နိုင်ငံ အနေဖြင့် ယခုနှစ် အတွင်း “Bei Dou-3” ဂြိုဟ်တု ၆ လုံး မှ ၈ လုံး အထိ လွှတ်တင်သွားမည်ဖြစ်ပြီး အချို့လွှတ်တင်မှုများတွင် တစ်ကြိမ်တည်းဖြင့် ဂြိုလ်တု ၂ လုံး လွှတ်တင်မှုများလည်း ပြုလုပ်သွားမည်ဖြစ်ကြောင်း မတ်လ ၆ ရက်နေ့က ပြောကြားခဲ့သည်။

ရန်ယွမ်ရှီ က “Bei Dou-3” ဂြိုဟ်တု ၏ လုပ်ဆောင်နိုင်မှု စွမ်းရည်သည် တိုးတက်မှုများစွာ ရရှိခဲ့ကြောင်း ၊ ရေးဆွဲထားသည့် အစီအစဉ် များအရ ၂၀၂၀ ခုနှစ်တွင် “Bei Dou” ဂြိုဟ်တုပေါင်း ၃၅ လုံး မှာ ဂြိုဟ်ပတ်လမ်းကြောင်း တွင် လည်ပတ်မည် ဖြစ်ပြီး ကမ္ဘာ့နေရာ အနှံအပြား ကို လွှမ်းခြုံသွား နိုင်မည် ဖြစ်ကြောင်း ပြောကြား ခဲ့သည်။

ထို့ပြင် ရန်ယွမ်ရှီ က “Bei Dou” ဂြိုဟ်တု လမ်းညွှန်စနစ် သည် ဒီဇိုင်းပိုင်း နှင့် တည်ဆောက်မှု ပိုင်းတွင် နည်းပညာ အလွန်မြင့်မားကြောင်း ၊ သက်ဆိုင်ရာ ဌာန အနေဖြင့် မူဝါဒ များချမှတ်ကာ “Bei Dou” ဂြိုဟ်တု လမ်းညွှန်စနစ် အသုံးပြုမှု ကို ပိုမိုကျယ်ပြန့်အောင် ဆောင်ရွက်ပြီး “Bei Dou” ဂြိုဟ်တု လမ်းညွှန်စနစ် အား လူအများ ပိုမို သိရှိ နားလည်အောင် ဆောင်ရွက် သွားရမည် ဖြစ်ကြောင်း ပြောကြား ခဲ့သည်။(Xinhua)