ထိုင်ဝမ်အရေးတွင် ပြဿနာရှာခြင်းက မိမိအတွက် ပြဿနာရှာခြင်းပင် ဖြစ်သည်

ပေကျင်း၊ နိုဝင်ဘာ ၁၈ ရက် (ဆင်ဟွာ)

ဂျပန်ဝန်ကြီးချုပ် ဆာနာအဲ တာကာအိချိသည် ယခုရက်ပိုင်းများတွင် ထိုင်ဝမ်နှင့်သက်ဆိုင်သော ပြောင်ပြောင်တင်းတင်း ရန်စသည့် ပြောဆိုချက်များကို လူသိရှင်ကြား ဖော်ပြခဲ့ရာ တရုတ်ပြည်မကြီးက ထိုင်ဝမ်ဒေသအပေါ် အင်အားသုံးခြင်းက ဂျပန်နိုင်ငံ၏ “ရပ်တည်ရှင်သန်မှုအပေါ် ခြိမ်းခြောက်မှု ဖြစ်စေသည့် အခြေအနေ” ဖြစ်နိုင်ကြောင်း ကြေညာပြောကြားခဲ့သည်။ တရုတ်နိုင်ငံက အကြိမ်ကြိမ် အလေးအနက် ထောက်ပြအရေးဆိုခဲ့ပြီးနောက်တွင်လည်း ဂျပန်ဘက်က နောင်တရပြင်ဆင်လိုခြင်းမရှိဘဲ မှားယွင်းသောပြောဆိုချက်များကို ရုပ်သိမ်းရန် ငြင်းဆန်ခဲ့သည်။ အဆိုပါပြောဆိုပြုမူမှုများသည် တရုတ်တစ်နိုင်ငံတည်းမူဝါဒကို ဆိုးရွားစွာ ချိုးဖောက်ခြင်း၊ တရုတ်နိုင်ငံ၏ ပြည်တွင်းရေးကို ကြမ်းတမ်းစွာ စွက်ဖက်ခြင်း၊ “ထိုင်ဝမ်ခွဲထွက်ရေး” အင်အားစုကို ဆိုးရွားစွာ မှားယွင်းသော သတင်းစကားပါးခြင်း ဖြစ်သည်။ ထိုင်ဝမ်အရေးသည် တရုတ်နိုင်ငံ၏ ဗဟိုအကျိုးစီးပွား၏ အချက်အချာ ဖြစ်သလို ဖြတ်ကျော်ခွင့်မပြုသည့် မျဉ်းနီနှင့် နောက်ဆုံးစည်းမျဉ်း ဖြစ်သည်။ ထိုင်ဝမ်ရေလက်ကြားအခြေအနေကို ကြားဝင်ရန်၊ တရုတ်နိုင်ငံပေါင်းစည်းရေးလုပ်ငန်းကြီးကို တားဆီးနှောင့်ယှက်ရန် စိတ်ကူးယဉ်သည့် မည်သူမဆို၊ မည်သည့်အင်အားမဆို မုချမသွေ ကိုယ့်ဒုက္ခကိုယ်ခံရမည်ဖြစ်ပြီး မီးနှင့်ကစားသူသာ မီး၏လောင်မြိုက်ခြင်းကို ခံရမည် ဖြစ်သည်။

တရုတ်ပြည်သူများ ဖက်ဆစ်ဂျပန်ခုခံတော်လှန်ရေးစစ်ပွဲ အထိမ်းအမှတ်ပြတိုက်ရှိ “အနိုင်မခံ အရှုံးမပေး အဖိုးတန်ရတနာကျွန်း၏ အမိမြေဆီသို့ – ထိုင်ဝမ်မွေးချင်းများ ဂျပန်ခုခံတော်လှန်ရေးသမိုင်း ဖြစ်ရပ်မှန်ပြခန်း” တွင် လာရောက်ကြည့်ရှုနေသူများအား ၂၀၂၅ ခုနှစ် အောက်တိုဘာ ၂၅ ရက်က တွေ့ရစဉ် (ဆင်ဟွာ)

ထိုင်ဝမ်အရေးတွင် ဂျပန်သည် ရှောင်လွှဲမရသည့် ပြင်းထန်သောသမိုင်းဝဋ်ကြွေးရှိသည်မှာ အများအသိပင် ဖြစ်သည်။ ၁၈၉၄ ခုနှစ် ပထမ တရုတ်-ဂျပန် စစ်ပွဲပြီးနောက် ဂျပန်သည် ထိုင်ဝမ်ကို အတင်းအဓမ္မ သိမ်းပိုက်ခဲ့ပြီး ရာစုနှစ်ဝက်ကြာသော ကိုလိုနီအုပ်ချုပ်ရေး ကျင့်သုံးခဲ့သည်။ ဂျပန်သိမ်းပိုက်ထားသည့် ကာလအတွင်း ထိုင်ဝမ်ပြည်သူများသည် ကပ်ဘေးဒုက္ခအတိရောက်ခဲ့ကြသည်။ သိန်းနှင့်ချီသော သွေးချင်းများ သတ်ဖြတ်ခံရပြီး လူထုသည် “တိုင်းပြည်ပျက်သုဉ်းသည့် သူ့ကျွန်ဘဝ” သို့ ကျရောက်ခဲ့သလို နိုင်ငံရေးအခွင့်အာဏာ၊ ဘာသာရေးလွတ်လပ်ခွင့်နှင့် ယဉ်ကျေးမှုလွတ်လပ်ခွင့်များ အလျဉ်းမရှိဘဲ အဖိုးတန်ရတနာကျွန်းဖြစ်သော ထိုင်ဝမ်၏ သတ္တုအရင်းအမြစ်များ၊ လူမှုဘဝနေ့စဉ်သုံးပစ္စည်းများ ထင်တိုင်းကြဲ လုယက်ခံခဲ့ရသည်။

ဂျပန်ကျူးကျော်သူတို့ ထိုင်ဝမ်တွင် ကျူးလွန်ခဲ့သော ပြစ်မှုများသည် ဖော်ပြ၍မဆုံးနိုင်ရာ ထိုင်ဝမ်သမိုင်းတွင် အမှောင်မိုက်ဆုံးသော စာမျက်နှာ ဖြစ်ခဲ့သည်။ ထိုင်ဝမ်မွေးချင်းများအပါအဝင် တရုတ်နိုင်ငံတပ်မတော်နှင့် ပြည်သူတစ်ရပ်လုံးသည် အသက်သွေးချွေးဖြင့် ရွပ်ရွပ်ချွံချွံတိုက်ပွဲဝင်ကာ ဂျပန်ခုခံတော်လှန်ရေးစစ်ပွဲ၏ ကြီးမြတ်သည့် အောင်မြင်မှုကို ရရှိပြီး ထိုင်ဝမ်ကို ပြန်လည်ရရှိခဲ့သည်။ ထိုင်ဝမ်အပေါ် ဂျပန်တို့ ကျူးကျော်သိမ်းပိုက်၊ လုယူမှုကို အဆုံးသတ်ခဲ့သလို ထိုင်ဝမ်ပြည်သူများ၏ အဖိအနှိပ်ခံ၊ သူ့ကျွန်ပြုခံသည့် ဝမ်းနည်းဖွယ်သမိုင်းကို အဆုံးသတ်ခဲ့သည်။

၁၉၄၃ ခုနှစ်တွင် တရုတ်-အမေရိကန်-ဗြိတိသျှတို့က “ကိုင်ရိုကြေညာချက်” ကို ထုတ်ပြန်ပြီး ဂျပန်ခိုးယူသိမ်းပိုက်ခဲ့သည် ထိုင်ဝမ် စသည့် တရုတ်နိုင်ငံ၏ နယ်မြေပိုက်နက်များအား တရုတ်နိုင်ငံသို့ ပြန်လည်ပေးအပ်ရမည်ဖြစ်ကြောင်း အတိအလင်း သတ်မှတ်ခဲ့သည်။ ၁၉၄၅ ခုနှစ်တွင် တရုတ်-အမေရိကန်-ဗြိတိသျှ-ဆိုဗီယက် တို့က “ပေ့ါစ်ဒမ် ကြေညာချက်”ကို ထုတ်ပြန်ပြီး ယင်းကြေညာချက် အပိုဒ် ၈ တွင် “ကိုင်ရိုကြေညာချက်” ပါ အကြောင်းအရာများအား မုချမသွေဖော်ဆောင်ရမည် ဖြစ်ကြောင်း သတ်မှတ်ခဲ့သည်။ ၁၉၄၅ ခုနှစ် ဩဂုတ် ၁၅ ရက်တွင် ဂျပန်က “ပေါ့စ်ဒမ် ကြေညာချက်” အား လက်ခံကြောင်း၊ ခြွင်းချက်မရှိ လက်နက်ချကြောင်း ကြေညာခဲ့သည်။ ထို့နောက် ဂျပန်သည် ၁၉၇၂ ခုနှစ် “တရုတ်-ဂျပန် ပူးတွဲကြေညာချက်” တွင် “ပေါ့စ်ဒမ် ကြေညာချက်” အပိုဒ် ၈ ၏ ရပ်တည်ချက်ကို လေးစားလိုက်နာမည်ဖြစ်ကြောင်း ထပ်တစ်ဖန် ကတိပြုခဲ့သည်။ ၁၉၇၈ ခုနှစ် “တရုတ်-ဂျပန် ငြိမ်းချမ်းရေးနှင့် ချစ်ကြည်ရေး စာချုပ်” တွင် “ပူးတွဲကြေညာချက်၌ ဖော်ပြသည့် အခြေခံမူ အကြောင်းအရာအသီးသီးကို တင်းကျပ်စွာ လေးစားလိုက်နာသင့်ကြောင်း” အတိအလင်း ရေးသားဖော်ပြခဲ့သည်။ အဆိုပါစာချုပ်သည် တရုတ်နှင့် ဂျပန် နှစ်နိုင်ငံ ဥပဒေပြုရေးအဖွဲ့အစည်းများ၏ စိစစ်အတည်ပြုမှုကို ရရှိခဲ့ပြီး “တရုတ်-ဂျပန် ပူးတွဲကြေညာချက်” နှင့်တစ်သားတည်းအတူ ဥပဒေစည်းနှောင်နိုင်စွမ်းရှိသည့် နှစ်နိုင်ငံ ဆက်ဆံရေး လမ်းညွှန်စာရွက်စာတမ်း ဖြစ်လာသည်။

ဤသို့သော သမိုင်း၏ဘက်စုံထောင့်စုံနှင့် ဥပဒေရေးရာ အထောက်အထားများက ထိုင်ဝမ်သည် တရုတ်နိုင်ငံ၏ ထိုင်ဝမ် ဖြစ်ပြီး ၎င်း၏အနေအထားဆိုင်ရာအရေးကိစ္စများသည် ၁၉၄၅ ခုနှစ်ကတည်းကပင် ခုခံတော်လှန်ရေးစစ်ပွဲ အောင်နိုင်ခြင်းနှင့်အတူ အလုံးစုံ ဖြေရှင်းပြီးဖြစ်ကြောင်း အပြည့်အဝ သက်သေပြလျက်ရှိသည်။ မည်သည့်နည်းလမ်းဖြင့် ထိုင်ဝမ်အရေးကို ဖြေရှင်းမည်၊ တရုတ်နိုင်ငံ အပြည့်အဝ ပေါင်းစည်းရေးကို ဖော်ဆောင်မည် ဆိုသည်မှာ လုံးဝဥဿုံ တရုတ်လူမျိုးများ၏ အရေးကိစ္စဖြစ်သည်။ မည်သူကမျှ ထင်သလိုပြောပိုင်ခွင့်မရှိရာ သမိုင်းပြစ်မှုဝဋ်ကြွေးများ ရှိနေသည့် ဂျပန်ဘက်က ပြောဆိုပြုမူမှုများကို ပို၍ သတိထားသင့်ပေသည်။

သို့သော် ဤအချိန်အတိုင်းအတာတစ်လျှောက်တွင် ထိုင်ဝမ်အရေးအပေါ် ဂျပန်က အနုတ်လက္ခဏာဆောင်သော၊ အပျက်သဘောဆောင်သော ပြောဆိုပြုမူမှုများ အဆက်မပြတ်ခဲ့ချေ။ ၎င်းပြည်တွင်း လက်ယာယိမ်းနိုင်ငံရေးသမားများနှင့် “ထိုင်ဝမ် ခွဲထွက်ရေး” အင်အားစုများသည် လျှို့ဝှက်ပူးပေါင်းကြံစည်ခြင်း၊ “ထိုင်ဝမ်အရေးပေါ်လျှင် ဂျပန်အရေးပေါ်မည်” ဟု ကြိမ်ဖန်များစွာ မဟုတ်မမှန်ပြောကြားခြင်း၊ “တရုတ်ခြိမ်းခြောက်မှု” ဟု ချဲ့ကားပြောဆိုခြင်း၊ ပထဝီနိုင်ငံရေး အားပြိုင်မှု “မဟာဗျူဟာထောက်တိုင်” အဖြစ် ထိုင်ဝမ်ကို အသုံးချရန် ကြံစည်ကြိုးပမ်းခြင်း၊ ဂျပန်၏ စစ်ပွဲအလွန် ငြိမ်းချမ်းစွာ ဖွံ့ဖြိုးတိုးတက်ရေးသို့ လျှောက်လှမ်းမှုအား ပြောင်းလဲခြင်း၊ စစ်ရှုံးနိုင်ငံအနေဖြင့် ဂျပန်သည် စစ်ပွဲအလွန် နိုင်ငံတကာစည်းစနစ်ကို ပြောင်းပြန်လှန်ခြင်းတို့ ပြုလုပ်လျက်ရှိသည်။

ဆာနာအဲ တာကာအိချိသည် ဝန်ကြီးချုပ်တာဝန် စတင်ထမ်းဆောင်စဉ်တွင်ပင် APEC အစည်းအဝေးကာလအတွင်း တရုတ်နိုင်ငံ ထိုင်ဝမ်ဒေသ လူပုဂ္ဂိုလ်များနှင့် အတင်းအကျပ် တွေ့ဆုံခဲ့ပြီး လူမှုကွန်ရက်မီဒီယာတွင် သက်ဆိုင်ရာဓာတ်ပုံနှင့် မှားယွင်းသောအခေါ်အဝေါ်များကို အသုံးပြုကာ မဟုတ်မမှန်နှိုးဆွ ဖော်ပြခဲ့သည်။ ယခုရက်ပိုင်းတွင် မှားယွင်းသောစကားများကို ပို၍ပင် အကြီးအကျယ်ပြောဆိုပြီး ထိုင်ဝမ်အရေးကို လက်နက်အင်အားဖြင့် ကြားဝင်နိုင်ခြေရှိကြောင်း အရိပ်အမြွက်ပြောကြားခြင်းသည် ထိုင်ဝမ်ရေလက်ကြား လုံခြုံရေးအကြောင်းအရာကို အကြောင်းပြကာ ငြိမ်းချမ်းရေး အခြေခံဥပဒေကန့်သတ်ချက်ကို တစ်ဆင့်တိုး ထိုးဖောက်ရန်၊ အခြေခံဥပဒေပြင်ဆင်မှုကို အရှိန်မြှင့်တင်ကာ စစ်ရေးအင်အားတိုးချဲ့ရန် ၎င်း၏ နိုင်ငံရေးလောဘကို အပြည့်အဝ ပေါ်လွင်သွားစေခဲ့သည်။

ဆာနာအဲ တာကာအိချိ၏ ပြင်းပြင်းထန်ထန် မှားယွင်းသော ပြောဆိုချက်များနှင့် ဆိုးရွားသည့် သဘောထားအပေါ် တရုတ်နိုင်ငံခြားရေးဝန်ကြီးဌာန၊ ကာကွယ်ရေးဝန်ကြီးဌာန၊ တရုတ်နိုင်ငံတော်ကောင်စီ၏ ထိုင်ဝမ်ရေးရာရုံးနှင့် ဂျပန်နိုင်ငံဆိုင်ရာ တရုတ်သံရုံးတို့က ဆက်တိုက်ပင် အလေးအနက် သဘောထားဖော်ပြခဲ့သလို ပြင်းပြင်းထန်ထန်သတိပေးခဲ့သည်။ “ထိုင်ဝမ်ဖြင့် တရုတ်ကိုထိန်းချုပ်” သည့် ၎င်း၏ စဉ်းလဲသောရည်ရွယ်ချက်က ရေလက်ကြားနှစ်ဖက်ဒေသက တရုတ်လူမျိုးများ၏ အမျက်ဒေါသ ပိုမိုပြင်းထန်စေရန် နှိုးဆွပေးလိုက်ရာ ထိုင်ဝမ် လူမှုအသိုက်အဝန်း နယ်ပယ်အသီးသီးက ဤကဲ့သို့သော “တာဝန်မဲ့” သည့် ပြောဆိုချက်သည် ရေလက်ကြားနှစ်ဖက်ဒေသ၏ ထိပ်တိုက်ရင်ဆိုင်မှုကို အပျက်သဘောဖြင့် ကုန်းချောခြင်း၊ ထိုင်ဝမ်ရေလက်ကြား တင်းမာသည့်အခြေအနေကို ဆိုးရွားစေခြင်းဖြစ်ပြီး ဂျပန်လက်ယာယိမ်းနိုင်ငံရေးသမားများ၏ သမိုင်းကျင့်ဝတ်ကောင်းမရှိခြင်း၊ “ထိုင်ဝမ်ရေလက်ကြား မရှုပ်ထွေးမည်ကို စိုးရိမ်နေခြင်း” ဟူသော ကောက်ကျစ်စဉ်းလဲသည့် မူလစရိုက်ကို အပြည့်အဝေဖော်ပြနေသည်ဟု ပြင်းပြင်းထန်ထန် ဝေဖန်ကြသည်။

ထိုစဉ်အခါနှစ်များက ရေလက်ကြားနှစ်ဖက်ဒေသ မွေးချင်းများသည် ဘုံရန်သူကို အတူတကွခုခံတွန်းလှန်ပြီး ကျူးကျော်သူကို သွေးမြေဆေး၍ ရဲဝံ့စွာ အနိုင်တိုက်ခိုက်ခဲ့ကြသလို ယနေ့အခါတွင်လည်း သမိုင်း၏ အမွေဆိုးများအကင်းမသေ ပြန်လည်ဦးမော့လာမည်ကို လုံးဝဥဿုံ အလျှော့ပေး သည်းညည်းခံမည်မဟုတ်ချေ။ ဂျပန်လက်ရှိအာဏာပိုင်သည် ထိုင်ဝမ်ရေလက်ကြားအရေးကို လက်လျှိုဝင်ရန် စိတ်ကူးယဉ်ခြင်းသည် အခြေအနေအပေါ် လုံးဝမှားယွင်းစွာ ဆုံးဖြတ်မှု၊ ကိုယ်အင်အားကိုယ်မချိန်ဆမှု ဖြစ်ပြီး နောင်တရ ပြင်ဆင်ခြင်းမရှိပါက တရုတ်နိုင်ငံကို ပြိုကွဲစေသည့် စစ်မက်ယာဉ်ပေါ် ကိုယ်တိုင်တက်လိုက်ခြင်း ဖြစ်ကာ ရေလက်ကြားနှစ်ဖက်ဒေသ တရုတ်လူမျိုးများ၏ ရှုတ်ချမှုနှင့် ရင်ဆိုင်ထိုးနှက်ခြင်းကို မလွဲမသွေခံရမည် ဖြစ်ပေသည်။

မည်သူ၊ မည်သည့်အင်အားကမျှ တရုတ်ပြည်သူများ၏ နိုင်ငံအချုပ်အခြာအာဏာနှင့် နယ်မြေပိုင်နက်ပြည့်စုံမှုအား ကာကွယ်ထိန်းသိမ်းမည့် ခိုင်မာသော သန္နိဋ္ဌာန်၊ ခိုင်မာသော ဇွဲနပဲ၊ တောင့်တင်းသောစွမ်းအားကို လျှော့တွက်၍မရချေ။ ပြည်ပအင်အားစုများက မည်သို့ပင် ရှုပ်ထွေးအောင် မွှေနှောက်စေကာမူ တရုတ်နိုင်ငံသည် နောက်ဆုံးတွင် ပေါင်းစည်းမည်ဖြစ်သလို မုချမသွေပေါင်းစည်းမည့် သမိုင်းအခြေအနေကို တားဆီး၍ရမည် မဟုတ်ပေ။ ဂျပန်နိုင်ငံရေးသမားအချို့ မှတ်သားထားရမည်မှာ ထိုင်ဝမ်အရေးတွင် ပြဿနာရှာခြင်းက မိမိအတွက် ပြဿနာရှာခြင်းပင် ဖြစ်သည်။ တစ်ချိန်တည်းတွင်ပင် ဒီမိုကရက်တစ် တိုးတက်ရေးပါတီ (DPP) အာဏာပိုင်များကို လက်လွတ်စလွယ်လှုပ်ရှားခြင်း၊ ပြည်ပအင်အားစုကို အားကိုး၍ ထိုင်ဝမ်ကို တရုတ်နိုင်ငံမှ ခွဲထွက်ရန်ကြိုးပမ်းမည်ဆိုပါက တရုတ်ပြည်သူ သန်းပေါင်း ၁,၄၀၀ ကျော်၏ အသက်သွေးတို့ဖြင့် ဆောက်တည်ထားသော သံမဏိသဖွယ် မဟာတံတိုင်းရှေ့တွင် သွေးသံရဲရဲဖြစ်မည်သာဖြစ်ကြောင်း တိုက်ရိုက်သတိပေးရမည် ဖြစ်ပေတော့သည်။ (Xinhua)
——————————–
(Chinese Version)
新华时评｜在台湾问题上生事，就是给自己找事
新华社北京11月17日电　题：在台湾问题上生事，就是给自己找事
新华社记者
日本首相高市早苗近日公然发表涉台露骨挑衅言论，宣称若中国大陆对台湾动武可能构成日本“存亡危机事态”。在中方多次严正交涉后，日方仍不思悔改，拒不撤回错误言论。上述言行严重违背一个中国原则，粗暴干涉中国内政，向“台独”势力发出严重错误信号。台湾问题是中国核心利益中的核心，是不容逾越的红线和底线。任何人、任何势力妄图介入台海局势、阻扰中国统一大业，必将自食苦果、玩火自焚。
众所周知，日本在台湾问题上负有不可推卸的严重历史罪责。甲午战争后，日本强行侵占台湾并进行长达半个世纪的殖民统治。日据时期，台湾人民灾难深重，数十万同胞被杀害，民众沦为“亡国奴”，毫无政治权利、信仰自由和文化自由，宝岛的矿产资源、民生物资遭疯狂掠夺。日本侵略者在台湾犯下的罪行罄竹难书，是台湾历史最黑暗的一页。包括台湾同胞在内的全体中国军民浴血奋战，赢得抗日战争伟大胜利，光复台湾，终结了日本对台湾的侵占掠夺，结束了台湾人民被压迫、被奴役的悲惨历史。
1943年中美英发表《开罗宣言》，明确规定要把日本所窃取的台湾等中国领土归还中国。1945年中美英苏发表《波茨坦公告》，第八条规定《开罗宣言》之条款必将实施。1945年8月15日日本宣布接受《波茨坦公告》，无条件投降。日方此后又在1972年《中日联合声明》中承诺遵循《波茨坦公告》第八条的立场。1978年《中日和平友好条约》写明“联合声明所表明的各项原则应予严格遵守”，条约经中日两国立法机构审议通过，连同《中日联合声明》一体，构成具有法律约束力的两国关系指导文件。
这些历史经纬和法理依据充分表明，台湾是中国的台湾，其地位问题早在1945年随着抗战胜利彻底解决。至于采取何种方式解决台湾问题、实现中国完全统一，完全是中国人自己的事。任何人都没有资格说三道四，负有历史罪责的日方更应谨言慎行。
然而，一段时间以来，日本在台湾问题上负面、消极言行不断。其国内右翼政客与“台独”势力暗通款曲，频繁炒作“台湾有事即日本有事”、渲染“中国威胁论”，图谋利用台湾作为地缘博弈“战略支点”，改变日本战后的和平发展走向，颠覆日本作为战败国的战后国际秩序。高市早苗刚就任首相，便执意在APEC会议期间与中国台湾地区人员会面，并在社交媒体上发布相关照片及使用错误称谓进行炒作，近日更是大放厥词，暗示可能武力介入台海问题，彻底暴露其借所谓台海安全议题，进一步突破和平宪法限制，加速修宪扩军进程的政治野心。
针对高市早苗的严重错误言论和恶劣态度，中国外交部、国防部、国台办及驻日本大使馆连续严正表态、严词警告。其“以台制华”险恶用心激起海峡两岸中国人强烈愤慨，台湾社会各界痛批这种“不负责任”的言论是在恶意挑拨两岸对立对抗、加剧台海紧张局势，尽显日本右翼政客毫无历史良知、“唯恐台海不乱”的邪恶本质。当年两岸同胞同仇敌忾，浴血奋战击败入侵者，今日更决不会容忍和姑息历史沉渣泛起、死灰复燃。日本当政者妄图介入台海事务，完全是误判形势、不自量力，若不思悔改，便是主动绑上分裂中国的战车，必将遭致两岸中国人的共同唾弃和迎头痛击。
任何人、任何势力都不要低估中国人民捍卫国家主权和领土完整的坚强决心、坚定意志、强大能力。无论外部势力如何捣乱，中国终将统一、也必将统一的历史大势不可阻挡。某些日本政客须当谨记，在台湾问题上生事，就是给自己找事。同时也要正告民进党当局，胆敢轻举妄动，企图依靠外部势力将台湾从中国分裂出去，只会在14亿多中国人民用血肉筑成的钢铁长城面前碰得头破血流。
1. 10月21日，日本自民党总裁高市早苗（前排右二）在东京参加临时国会众议院首相指名选举，当选日本第104任首相。新华社记者 贾浩成 摄
2. 10月25日，参观者在中国人民抗日战争纪念馆参观《不屈的宝岛 丹心向祖国——台湾同胞抗日史实展》。新华社记者 张晨霖 摄