ဂျပန်စစ်ဝါဒ အသက်သွင်းမှုကို ပြတ်ပြတ်သားသား တားဆီးတိုက်ဖျက်သွားမည်ဟု တရုတ်နိုင်ငံ ကာကွယ်ရေးဝန်ကြီးဌာန ပြောကြား

ပေကျင်း၊ ဒီဇင်ဘာ ၁၆ ရက် (ဆင်ဟွာ)

တရုတ်နိုင်ငံ ပြည်သူများနှင့် တပ်မတော်သည် သမိုင်း၏ဝမ်းနည်းကြေကွဲဖွယ်ဖြစ်ရပ် ထပ်မံဖြစ်ပေါ်လာမှုကို လုံးဝဥဿုံခွင့်ပြုမည် မဟုတ်ကြောင်း၊ ဒေသတွင်းနိုင်ငံအသီးသီး ပြည်သူများနှင့်အတူ စစ်ဝါဒအသက်သွင်းမှုကို ပြတ်ပြတ်သားသား တားဆီးတိုက်ဖျက်ကာ ခဲယဉ်းစွာ ရရှိလာသော ငြိမ်းချမ်းရေးကို အတူကာကွယ်စောင့်ရှောက်သွားမည်ဖြစ်ကြောင်း တရုတ်နိုင်ငံ ကာကွယ်ရေးဝန်ကြီးဌာန ပြောရေးဆိုခွင့်ရှိသူ ကျန်ပင်းက ဒီဇင်ဘာ ၁၅ ရက်တွင် သတင်းထောက်များ၏မေးမြန်းမှုကို ဖြေကြားရာ၌ ပြောကြားခဲ့သည်။နန်ကျင်း လူအစုလိုက်အပြုံလိုက်သတ်ဖြတ်ခံရမှုတွင် အသက်ဆုံးရှုံးရသူများအတွက် ၁၂ ကြိမ်မြောက် နိုင်ငံတော် အောက်မေ့ဖွယ်အထိမ်းအမှတ်နေ့၌ တရုတ်နိုင်ငံတစ်ဝန်း ဒေသအသီးသီးက ဝမ်းနည်းအောက်မေ့ဖွယ် အခမ်းအနားအစီအစဉ်များ ကျယ်ကျယ်ပြန့်ပြန့်ကျင်းပခဲ့သည်ဟု သတင်းများအရ သိရကြောင်း၊ ထို့အပေါ် ပြောရေးဆိုခွင့်ရှိသူအနေဖြင့် မည်သို့သုံးသပ်ပြောကြားပါသနည်းဟု သတင်းထောက်တစ်ဦးက မေးမြန်းခဲ့သည်။

ကျန်ပင်းက ယခုနှစ်သည် တရုတ်ပြည်သူများ ဖက်ဆစ်ဂျပန်တော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ခြင်း နှစ် ၈၀ ပြည့် ဖြစ်သလို နန်ကျင်း လူအစုလိုက်အပြုံလိုက် သတ်ဖြတ်ခံရမှုဖြစ်ပွားသည့် ၈၈ နှစ်ပြည့်လည်း ဖြစ်ကြောင်း ပြောကြားခဲ့သည်။

၁၉၃၇ ခုနှစ် ဒီဇင်ဘာ ၁၃ ရက်တွင် တရုတ်နိုင်ငံကို ကျူးကျော်သည့် ဂျပန်စစ်တပ်သည် နန်ကျင်းမြို့သို့ တရကြမ်း ကျူးကျော်ဝင်ရောက်လာကာ တရုတ်သွေးချင်း လူဦးရေ သုံးသိန်းကို ရက်စက်စွာ သတ်ဖြတ်ပြီး အဆုံးစွန် ရက်စက်ကြမ်းကြုတ်လှသော ရာဇဝတ်မှုများကို ကျူးလွန်ခဲ့ရာ လူသားမျိုးနွယ် ယဉ်ကျေးမှုသမိုင်းတွင် အမှောင်မိုက်ဆုံးသော စာမျက်နှာကို ချန်ရစ်ခဲ့ကြောင်း၊ ယင်းရာဇဝတ်မှုများမှာ ငြင်းပယ်၍မရသလို အမှန်တရားကိုလည်း မထီမဲ့မြင်ပြု၍ မရကြောင်း၊ ဂျပန်နိုင်ငံအနေဖြင့် တရုတ်နိုင်ငံအပါအဝင် အာရှနိုင်ငံများ၏ ပြည်သူများအပေါ် ကျူးလွန်ခဲ့သည့် မြောက်မြားလှစွာသော ပြစ်မှုများကို နက်နက်ရှိုင်းရှိုင်း ပြန်လည်ဆင်ခြင်သုံးသပ်ပြီး ကျူးကျော်သည့်သမိုင်းအား ပုံပြောင်းတန်ဆာဆင်သော မှာယွင်းသည့်လုပ်ရပ် အလုံးစုံကို ရပ်တန့်သင့်ကြောင်း ၎င်းက ပြောကြားခဲ့သည်။

နိုင်ငံတော်အောက်မေ့ဖွယ် အထိမ်းအမှတ်နေ့တွင် မိမိတို့သည် နိုင်ငံအနေဖြင့် အသက်ဆုံးရှုံးခဲ့ကြရသည့် သွေးချင်းများကို ဝမ်းနည်းအောက်မေ့ခြင်း၊ တော်လှန်ရေးအာဇာနည်များကို ပြန်လည်သတိရအောက်မေ့ခြင်းသည် ရာဇဝင်ကို မြဲမြံစွာ မှတ်သားသော၊ အတိတ်ကို မမေ့လျော့သော၊ ငြိမ်းချမ်းရေးကို တန်ဖိုးထားချစ်မြတ်နိုးသော၊ အနာဂတ်ကို ဖွင့်လှစ်ဖန်တီးသော ခိုင်မာသည့် ရပ်တည်ချက်အား ထုတ်ဖော်ပြသခြင်း ဖြစ်ကြောင်း ကျန်ပင်းက ပြောကြားခဲ့သည်။
တရုတ်ပြည်သူများ၊ တရုတ်တပ်မတော်သည် ဝမ်းနည်းကြေကွဲဖွယ်ဖြစ်ရပ် ထပ်မံဖြစ်ပေါ်လာမည်ကို လုံးဝဥဿုံခွင့်ပြုမည် မဟုတ်ကြောင်း၊ ဒေသတွင်းနိုင်ငံအသီးသီး ပြည်သူများနှင့်အတူ စစ်ဝါဒအသက်သွင်းမှုကို ပြတ်ပြတ်သားသား တားဆီးတိုက်ဖျက်ကာ ခဲယဉ်းစွာ ရရှိလာသော ငြိမ်းချမ်းရေးကို အတူကာကွယ်စောင့်ရှောက်သွားမည်ဖြစ်ကြောင်း ၎င်းက ပြောကြားခဲ့သည်။

ထို့အပြင် အခြားသတင်းထောက်တစ်ဦးက တရုတ်လေယာဉ်တင်သင်္ဘောတပ်ဖွဲ့၏ တိုက်လေယာဉ် လေ့ကျင့်ပျံသန်းမှုနှင့်စပ်လျဉ်း၍ တရုတ်နိုင်ငံဘက်က အကြောင်းကြားသည့် သတင်းအချက်အလက်ကို ကြိုတင်ရရှိသော်လည်း လေ့ကျင့်သည့်အချိန်၊ နေရာဒေသ စသည့် အသေးစိတ်အကြောင်းအရာ လိုအပ်ချက်ကြောင့် အန္တရာယ်ရှောင်ရှားသည့် သတင်းအချက်အလက် အပြည့်အဝမရရှိခဲ့ခြင်း ဖြစ်သည်ဟု ယခုကာလများတွင် ဂျပန်ဘက်က အပြောအဆိုများ ပြောင်းလဲလာခဲ့သည်ကို သတင်းများအရ သိရကြောင်း၊ ထို့အပေါ် ပြောရေးဆိုခွင့်ရှိသူအနေဖြင့် မည်သို့ သုံးသပ်ပြောကြားပါသနည်းဟု မေးမြန်းခဲ့သည်။

“ဒီကိစ္စရပ်ရဲ့ ဖြစ်ရပ်မှန်က ရှင်းလင်းပြီး သက်သေအခိုင်အမာရှိတယ်။ ဂျပန်ဘက်က ဆင်ခြေပေး ငြင်းဆိုလို့မရဘူး” ဟု ကျန်ပင်းက ပြောကြားခဲ့သည်။

“လက်တွေ့အခြေအနေက ဒီဇင်ဘာ ၆ ရက်မှာ လျောင်နင်လေယာဉ်တင်သင်္ဘောတပ်ဖွဲ့က အမှတ် ၁၀၁ သင်္ဘောကို တရုတ်ဘက်လေယာဉ်တင်သင်္ဘောရဲ့ လေယာဉ် ပျံသန်းလေ့ကျင့်ဖို့ စီစဉ်မှာဖြစ်တယ်လို့ အကြောင်းကြားခိုင်းခဲ့ရာ ဂျပန်ဘက် အမှတ် ၁၁၆ သင်္ဘောက သတင်းလက်ခံရရှိကြောင်း အတည်ပြုခဲ့ပါတယ်။ ပြီးတော့ တရုတ်ဘက် အမှတ် ၁၀၁ သင်္ဘောက လေယာဉ်ပျံသန်းလေ့ကျင့်မှုကို ညနေ ၃ နာရီဝန်းကျင်မှာစပြီး ၆ နာရီခန့်ကြာ ဆက်တိုက် ဆောင်ရွက်မှာဖြစ်ကြောင်း၊ အဓိကအားဖြင့် လေယာဉ်တင်သင်္ဘောရဲ့ တောင်ဘက်ဧရိယာမှာဖြစ်ကြောင်း နောက်ထပ်တစ်ဖန် အကြောင်းကြားခဲ့ရာ ဂျပန်ဘက် အမှတ် ၁၁၆ သင်္ဘောက သတင်းလက်ခံရရှိကြောင်း ထပ်မံအတည်ပြုခဲ့ပါတယ်။ ဒီလိုအခြေအနေမျိုးမှာ တရုတ်ဘက်က လေ့ကျင့်နေတဲ့ ပင်လယ်ပြင်ဝေဟင်ဧရိယာကို ဂျပန်ဘက်က လေယာဉ်စေလွှတ်ပြီး အကြိမ်ပေါင်းများစွာ တိုးဝင် နှောင့်ယှက်ခဲ့တယ်။ ဒါကြောင့် ပျံသန်းမှုလုံခြုံရေးကို အန္တရာယ်ဖြစ်စေတဲ့ တာဝန်အလုံးစုံကို ဂျပန်ဘက်က တာဝန်ခံသင့်တယ်” ဟု ၎င်းက ပြောကြားခဲ့သည်။

“ဂျပန်ဘက်က မိမိနိုင်ငံပြည်သူတွေကို အကြိမ်ကြိမ် လိမ်လည်ခြင်း၊ နိုင်ငံတကာအသိုက်အဝန်းကို လမ်းမှားကြောင်းခြင်း၊ တရုတ်ဘက်က ပုံမှန်စစ်ရေးလေ့ကျင့်မှုကို ‘လုံခြုံရေးခြိမ်းခြောက်မှု’ လို့ ချဲ့ကားပြောဆိုပြီး မိမိကိုယ်တိုင်ကို ရန်စသူအဖြစ်မှ ထိခိုက်နစ်နာသူအဖြစ် တန်ဆာဆင်ခြင်းက ဆာနာအဲ တာကာအိချိရဲ့ ထိုင်ဝမ်အရေးနဲ့စပ်လျဉ်းတဲ့ မှားယွင်းတဲ့ပြောဆိုချက်ကြောင့် ဆိုးရွားတဲ့ နောက်ဆက်တွဲရလဒ် ဖြစ်ပွားတာကို အာရုံလွှဲလိုခြင်း ဖြစ်မလား၊ ၎င်းရဲ့ စစ်ပွဲအလွန်စနစ်ကို ထိုးဖောက်ဖို့၊ စစ်ရေးအစည်းအနှောင်တွေ ဖြေလျှော့ရေးကို ကြိုးပမ်းဖို့၊ စစ်ဝါဒကို ပြန်လည်အသက်သွင်းဖို့အတွက် အကြောင်းပြချက်ပေးခြင်း ဖြစ်မလား ဆိုတာ သံသယဖြစ်စေပါတယ်။ ကျွန်တော်တို့အနေနဲ့ ဂျပန်ဘက်က လက်ရှိ တရုတ်-ဂျပန်ဆက်ဆံရေး အကျပ်အတည်းရဲ့ အခက်အခဲကို တည့်မတ်စွာ ရှုမြင်ဖို့၊ အမှားတွေကို လက်တွေ့ပြန်လည်သုံးသပ်ပြင်ဆင်ဖို့ တိုက်တွန်းလိုပါတယ်။ အဖြစ်မှန်ကို ရှောင်ပြီး အတုယောင်လုပ်နေခြင်း၊ အနက်အဓိပ္ပာယ်ကို အစားထိုးပုံပြောင်းခြင်း၊ အမှားလုပ်သူက ပြောင်းပြန်အပြစ်ပုံချနေခြင်း ဆိုတဲ့ စက်ဆုပ်ဖွယ်ကောင်းတဲ့ လုပ်ရပ်နဲ့ နိုင်ငံရေးလှည့်ကွက်မှန်သမျှဟာ အောင်မြင်မှာ မဟုတ်ပါဘူး” ဟု ကျန်ပင်းက ပြောကြားခဲ့သည်။ (Xinhua)
—————————————
(Chinese Version)
国防部：坚决阻击日本军国主义幽灵复活
新华社北京12月15日电（记者王春涛）国防部新闻发言人蒋斌15日在答记者问时表示，中国人民、中国军队绝不允许历史悲剧重演，将同地区各国人民一道，坚决阻击军国主义幽灵复活，共同守护来之不易的和平。
有记者问，据报道，在我国第十二个南京大屠杀死难者国家公祭日，全国各地广泛开展悼念活动。请问发言人有何评论？
蒋斌说，今年是中国人民抗日战争暨世界反法西斯战争胜利80周年，也是南京大屠杀惨案发生88周年。1937年12月13日，侵华日军野蛮侵入南京，残害杀戮我30万同胞，犯下惨绝人寰的罪行，在人类文明史上留下最为黑暗的一页。罪行不容否认，正义不容亵渎。日方应深刻反省对包括中国在内的亚洲国家人民犯下的累累罪行，停止一切歪曲美化侵略历史的错误行径。
蒋斌表示，在国家公祭日，我们以国之名悼念死难同胞、缅怀革命先烈，宣示了牢记历史、不忘过去、珍爱和平、开创未来的坚定立场。中国人民、中国军队绝不允许历史悲剧重演，将同地区各国人民一道，坚决阻击军国主义幽灵复活，共同守护来之不易的和平。
另有记者问，据报道，关于中国航母编队舰载机飞行训练，近期日方改口称事先得到了中方通报的信息，但因缺乏训练时间、区域等具体内容，未能获取足够的避险信息。请问发言人有何评论？
“此次事件事实清楚、证据确凿，容不得日方狡辩抵赖。”蒋斌说，“实际情况是，12月6日，辽宁舰航母编队组织101舰通报中方将组织舰载机飞行训练，日方116舰确认收到；其后，中方101舰再次通报舰载机飞行训练预计15时开始，持续时间约6小时，主要在航母以南区域，日方116舰再次确认收到。在此情况下，日方仍派飞机多次冲闯中方训练海空域进行滋扰，危及飞行安全的一切责任理应由日方承担。”
“日方一再欺骗本国民众、误导国际社会，把中方正常的军事训练炒作成所谓‘安全威胁’，把自己从挑衅者包装成受害者，不禁让人怀疑其是不是想为高市首相涉台错误言论造成的严重后果转移视线？是不是想为其突破战后体制、谋求军事松绑、复活军国主义幽灵制造借口？我们强烈敦促日方正视当前中日关系困难的症结，切实反思纠错，任何避实就虚、偷梁换柱、倒打一耙的卑劣行径和政治操弄都不可能得逞。”蒋斌表示。（完）