ဆာနာအဲ တာကာအိချိ အမှားများ ထပ်တလဲလဲ လုပ်ဆောင်ခြင်းက အလုံးစုံကို ရှုံးနိမ့်စေမည်သာဖြစ်မည်

ပေကျင်း၊ ဒီဇင်ဘာ ၃ ရက် (ဆင်ဟွာ)

ဂျပန်ဝန်ကြီးချုပ် ဆာနာအဲ တာကာအိချိသည် ယင်းမတိုင်မီတွင် “ထိုင်ဝမ်အရေးကိစ္စရှိခြင်း” သည် ဂျပန်နိုင်ငံ “သေရေးရှင်ရေးအကျပ်အတည်း အခြေအနေ” ဖြစ်ပေါ်စေနိုင်ကြောင်း ပြောင်ပြောင်တင်းတင်း ကြေညာခဲ့ပြီး ယင်းကို မိမိကိုယ်ကို စုဖွဲ့ကာကွယ်ခွင့် ကျင့်သုံးခြင်းနှင့် ဆက်စပ်ပြောကြားခဲ့သည်။ ၎င်းသည် ယခုထိတိုင် အမှားများအတွက် ဝန်ခံမှု၊ နောင်တရမှု၊ ပြင်ဆင်မှုမရှိသည့်အပြင် မှားယွင်းသော ပြောဆိုချက်များကို ရုပ်သိမ်းရန် ငြင်းဆိုခဲ့သည်။ ထို့အပြင် မကြာသေးမီရက်တွင် သမိုင်းအမှိုက်ပုံးထဲမှ တရားဝင်အထောက်အထားများကို ရှာဖွေရန် ထပ်မံကြိုးစားကာ တရားမဝင် အကျိုးသက်ရောက်မှုမရှိသော “ဆန်ဖရန်စစ္စကို ငြိမ်းချမ်းရေးစာချုပ်” ကို ဖော်ထုတ်ခဲ့ပြီး “ထိုင်ဝမ်၏အနေအထားအား မသတ်မှတ်ရသေးခြင်းအဆို” ကိုပင် လှုံ့ဆော်မြှင့်တင်ရန် ကြိုးစားခဲ့သည်။ ဤကဲ့သို့ လုပ်ရပ်များသည် အခြေခံအားဖြင့် အမှားအသစ်တစ်ခုကို သုံးကာ ယခင်အမှားကို ဖုံးကွယ်ရန်ဖြစ်ပြီး အမှားပေါ် အမှားဆင့်စေခဲ့သည်။

ကမ္ဘာပေါ်တွင် တရုတ်နိုင်ငံ တစ်နိုင်ငံတည်းသာရှိပြီး ထိုင်ဝမ်သည် တရုတ်နယ်မြေပိုင်နက်၏ ခွဲခြားမရသော အစိတ်အပိုင်းတစ်ခုဖြစ်သည်မှာ သံမဏိကဲ့သို့ ခိုင်မာသော အမှန်တရားဖြစ်ရာ ပုံဖျက်ခြင်း၊ ပြောင်းလဲခြင်းကို ခွင့်ပြုမည်မဟုတ်ပေ။ “ကိုင်ရိုကြေညာချက်” နှင့် “ပေ့ါစ်ဒမ် ကြေညာချက်” တွင် ဂျပန် ခိုးယူခဲ့သော ထိုင်ဝမ်နှင့် ဖုန်ဟူကျွန်းစုအား တရုတ်နိုင်ငံသို့ ပြန်လည်အပ်နှံရန် အတိအလင်း သတ်မှတ်ထားသည်။

“ပေ့ါစ်ဒမ် ကြေညာချက်တွင် ဖော်ပြထားသော တာဝန်ဝတ္တရားအားလုံးကို သစ္စာရှိရှိ လိုက်နာဆောင်ရွက်သွားမည်ဖြစ်ကြောင်း” ဂျပန်နိုင်ငံက လက်နက်ချအညံ့ခံခြင်း စာချုပ် လက်မှတ်ရေးထိုးစဉ် ကတိကဝတ်ပြုခဲ့သည်။ နိုင်ငံတကာ ဥပဒေအကျိုးသက်ရောက်မှုရှိသော ဤစာရွက်စာတမ်းများအားလုံးတွင် ထိုင်ဝမ်အပေါ် တရုတ်နိုင်ငံ၏ အချုပ်အခြာအာဏာကို အတည်ပြုခဲ့သည်။ ၁၉၄၉ ခုနှစ်တွင် တရုတ်ပြည်သူ့သမ္မတနိုင်ငံသည် တရုတ်သမ္မတနိုင်ငံကို အစားထိုးကာ တရုတ်တစ်နိုင်ငံလုံးအား ကိုယ်စားပြုသည့် တစ်ခုတည်းသော တရားဝင်အစိုးရဖြစ်လာခဲ့သည်။ ယင်းမှာ တရုတ်နိုင်ငံက နိုင်ငံတကာဥပဒေပင်မအကြောင်းအရာ မပြောင်းလဲသည့် အခြေအနေအောက်တွင် အစိုးရပြောင်းလဲခြင်းသာဖြစ်ပြီး တရုတ်နိုင်ငံ၏ အချုပ်အခြာအာဏာနှင့် တည်ဆဲနယ်နိမိတ်များကို ပြောင်းလဲခြင်းမရှိခဲ့ပေ။ တရုတ်ပြည်သူ့သမ္မတနိုင်ငံ အစိုးရသည် ထိုင်ဝမ်အပေါ် အချုပ်အခြာအာဏာ အပါအဝင် တရုတ်နိုင်ငံ၏ အချုပ်အခြာအာဏာကို တရားနည်းလမ်းကျစွာ အပြည့်အဝ ခံစားပိုင်ဆိုင်ခွင့်နှင့် ကျင့်သုံးပိုင်ခွင့်ရှိသည်။

တာကာအိချိသည် စစ်ပြီးခေတ် နိုင်ငံတကာစည်းစနစ်များအား လမ်းညွှန်ပေးခဲ့သော “ကိုင်ရိုကြေညာချက်” နှင့် “ပေ့ါစ်ဒမ် ကြေညာချက်” ကို လျစ်လျူရှုထားသော်လည်း စစ်အေးခေတ် ထုတ်ကုန်တစ်ခုဖြစ်သော ဤ “ဆန်ဖရန်စစ္စကို ငြိမ်းချမ်းရေးစာချုပ်” ကိုမူ အထူးနှစ်သက်နေပေသည်။ ဤသည်က ၎င်းသည် သမိုင်းကို မသိနားမလည်ခြင်းမဟုတ်ဘဲ ရည်ရွယ်ချက်ရှိရှိ ရွေးချယ်မှုဖြင့် “မျက်ကွယ်ပြု” ခြင်းဖြစ်ကြောင်း၊ အမှန်စင်စစ်မှာ တရုတ်တစ်နိုင်ငံတည်းမူဝါဒကို မှေးမှိန်စေရန်၊ ဂျပန်လက်ယာယိမ်းအင်အားစုများက စစ်ရေးတိုးချဲ့မှုကို အစွမ်းကုန် မြှင့်တင်နေခြင်းအတွက် ဆင်ခြေရှာပေးရန်၊ စစ်ပြီးခေတ် နိုင်ငံတကာနည်းစနစ်ကို အခြေအမြစ်မှ ပြောင်းပြန်လှန်ရန် ကြိုးစားခြင်းဖြစ်ကြောင်းကို အပြည့်အဝ ဖော်ထုတ်ပြသလိုက်ခြင်းဖြစ်သည်။

အမှားပေါ် အမှားဆင့်ခြင်း၏ နောက်ကွယ်တွင် တာကာအိချိ၏ နက်ရှိုင်းသော အတွင်းစိတ်ရှိ မှားယွင်းသောသမိုင်းအမြင်နှင့် နက်ရှိုင်းစွာအမြစ်တွယ်နေသော စစ်ဝါဒစွဲလမ်းမှုတို့ကို ရောင်ပြန်ဟပ်စေသည်။ “Murayama ပြောဆိုချက်” အပေါ် သံသယရှိခြင်း၊ နန်ကျင်းအစုလိုက်အပြုံလိုက်သတ်ဖြတ်မှုကို ငြင်းဆိုခြင်း၊ ယာဆူကူနီဗိမာန်သို့ သွားရောက်လည်ပတ်ခြင်း စသည်တို့ကို နိုင်ငံရေးလောကသို့ ဝင်ရောက်ချိန်မှစ၍ တာကာအိချိသည် သမိုင်းအား ပြန်လည်ပြင်ဆင်ခြင်း “ဦးဆောင်လှုပ်ရှားသူ” အဖြစ် ၎င်းကိုယ်၎င်း သတ်မှတ်ခဲ့သည်။ ဂျပန်ဝန်ကြီးချုပ်အဖြစ် တာဝန်ယူပြီး တစ်လကျော်အကြာတွင်ပင် တာကာအိချိသည် စစ်ရေးအားကောင်းရန်၊ လက်နက်တိုးချဲ့ရန် ၎င်း၏ လောဘစိတ်များကို အပြည့်အဝ ထုတ်ဖော်ပြခဲ့ပြီးဖြစ်သည်။ ကာကွယ်ရေးအသုံးစရိတ်တိုးမြှင့်မှုကို အရှိန်မြှင့်တင်ဆောင်ရွက်ခြင်း၊ လက်နက်တင်ပို့မှုများကို “ဖြေလျှော့” ပြီးနောက် ပထမဆုံးအကြိမ်အဖြစ် အသက်သေဆုံးစေနိုင်သည့် လက်နက်များ တင်ပို့ခြင်း၊ “နျူကလီးယားကင်းစင်ရေး အခြေခံမူသုံးရပ်” ကို စွန့်လွှတ်နိုင်ခြေသည်ဟု အရိပ်အမြွက်ပြောကြားခြင်း စသည့် ဤသို့သောအန္တရာယ်ရှိသော လှုပ်ရှားမှုအမျိုးမျိုးသည် နိုင်ငံတကာအသိုင်းအဝိုင်းထံသို့ အန္တရာယ်ရှိသော သတင်းစကား ပေးပို့ခဲ့ပြီး ဂျပန်က စစ်ဝါဒ အမှားများကို ထပ်မံပြုလုပ်ခြင်းကို မဖြစ်မနေ အထူးသတိထားရန် လူများကို ထပ်မံသတိပေးလိုက်ခြင်းဖြစ်သည်။

ဦးတည်ချက်မှားနေလျှင် အရှိန်ပိုမြန်လေ ပို၍ အန္တရာယ်များလေဖြစ်သည်။ သမိုင်းအား မှန်ကန်စွာ ရှုမြင်မှသာလျှင် လမ်းညွှန်ချက်ကို မှန်ကန်စွာ ရှာတွေ့နိုင်မည်ဖြစ်သည်။ အထိန်းအကွပ်မဲ့ခြင်းကို တားဆီးနိုင်မည့် တစ်ခုတည်းသော ထွက်လမ်းမှာ စစ်ဝါဒလမ်းလွဲပေါ်တွင် ထပ်မံလျှောက်လှမ်းနေခြင်းကို ရပ်တန့်ရန်ဖြစ်သည်။ ဂျပန်အနေဖြင့် ကောင်းကောင်းမွန်မွန် ဦးတည်ချက်ပြောင်းလဲရမည်ဖြစ်သည်။ လက်တွေ့လုပ်ဆောင်ချက်ဖြင့် အမှားကိုဝန်ခံသုံးသပ်ပြီး၊ မှားယွင်းသော ပြောဆိုချက်များကို ရုပ်သိမ်းရန်၊ ထိုင်ဝမ်နှင့်ပတ်သတ်သော အရေးကိစ္စတွင် အငြင်းပွားမှုများ ဖန်တီးခြင်းကို ရပ်တန့်ရန်၊ တရုတ်တစ်နိုင်ငံတည်း မူဝါဒကို ပြတ်ပြတ်သားသား လက်ကိုင်ထားပြီး တရုတ်-ဂျပန်နိုင်ငံရေးစာရွက်စာတမ်း လေးခု၏ စိတ်ဓာတ်နှင့် ဂျပန်အစိုးရ၏ ယနေ့ထိတိုင် ကတိပြုချက်များကို အခိုင်အမာ လိုက်နာရန် လုပ်ဆောင်ရမည်ဖြစ်သည်။
ဂျပန်နိုင်ငံကို မှားယွင်းသော လမ်းကြောင်းတွင် မည်သည်ကိုမျှ စိတ်ကူးမယဉ်ရန် လေးနက်စွာ သတိပေးပြောကြားရမည်ဖြစ်သည်။ အကယ်၍ ဂျပန်နိုင်ငံသည် အမှားများကို ခေါင်းမာစွာ ဆုပ်ကိုင်ထားပါက အလုံးစုံရှုံးနိမ့်မည်သာဖြစ်သည်။ ဤသည်မှာ သမိုင်းက ရှင်းလင်းစွာ ဖော်ပြထားပြီဖြစ်သလို လက်တွေ့ဘဝတွင် မလွဲမသွေ ဖြစ်လာမည့် အရာလည်းဖြစ်ပေသည်။ (Xinhua)
………………………
(Chinese Version)
新华时评丨高市错上加错只会满盘皆输
新华社北京12月2日电　题：高市错上加错只会满盘皆输
新华社记者谢彬彬
日本首相高市早苗此前公然宣称“台湾有事”可能构成日本“存亡危机事态”，并与行使集体自卫权相关联，至今不思悔改、拒不撤回错误言论，日前又试图从历史的垃圾堆中寻找法理依据，搬出非法无效的“旧金山和约”，妄图煽炒所谓“台湾地位未定论”。这种做法，实质上是用一个新的错误去掩盖前一个错误，导致错上加错。
世界上只有一个中国，台湾是中国领土不可分割的一部分，这是铁的事实，不容歪曲篡改。《开罗宣言》和《波茨坦公告》明确规定把日本窃取的台湾和澎湖列岛归还中国。日本签署投降书时承诺：“忠诚履行波茨坦公告各项规定之义务”。这一系列具有国际法效力的文件都确认了中国对台湾的主权。1949年中华人民共和国政府取代中华民国政府成为代表全中国的唯一合法政府，这是在中国这一国际法主体没有发生变化情况下的政权更替，中国的主权和固有领土疆域没有改变。中华人民共和国政府理所当然完全享有和行使中国的主权，包括对台湾的主权。
高市对指引战后国际秩序的《开罗宣言》《波茨坦公告》视而不见，却对“旧金山和约”这一冷战产物情有独钟。这充分暴露了她并非对历史无知，而是刻意选择性“失明”，真实意图是虚化一个中国原则，为日本右翼势力极力推动的军事扩张寻找借口，妄图从根本上颠覆战后国际秩序。
错上加错的背后，折射出高市内心深处错误的历史观和根深蒂固的军国主义执念。质疑“村山谈话”，否认南京大屠杀，参拜靖国神社……自步入政坛以来，高市就以历史修正主义“旗手”自居。出任日本首相后仅一个多月，高市已经将强军扩武的野心暴露无遗：加速提高防卫开支，武器出口“松绑”后首次出口杀伤性武器，暗示有可能放弃“无核三原则”……种种危险动向，向国际社会释放出危险信号，再次提醒人们务须对日本重蹈军国主义覆辙保持高度警惕。
方向错了，速度越快，就越危险。只有正视历史，才能找准路标。避免失控的唯一出路，是停止在军国主义的歧途上越走越远。要老老实实掉转车头，以实际行动认错反省，收回错误言论，停止在涉台问题上制造事端，明确坚持一个中国原则，恪守中日四个政治文件精神和日本政府迄今承诺。
正告日方不要在错误的道路上抱有任何幻想。若日方执迷不悟，只会满盘皆输。这是历史的昭示，也是现实的必然。（完）
图说：10月10日，在日本东京，日本自民党总裁高市早苗会见记者。新华社/共同社