Social, Education & Health
တရုတ်နိုင်ငံဟူပေပြည်နယ်၌ ကိုရိုနာဗိုင်းရပ်စ်ကူးစက်ခံရသူ အသစ် ၁၇ ဦးရှိ
ဝူဟန့်၊မတ် ၁၀ ရက်(ဆင်ဟွာ)
တရုတ်နိုင်ငံ၌ ကိုရိုနာဗိုင်းရပ်စ်အဓိကကူးစက်မှုဖြစ်ပွားရာ ဟူပေပြည်နယ်တွင် မတ် ၉ ရက်က ရောဂါဖြစ်ပွားသူအသစ် ၁၇ ဦး နှင့် သေဆုံးသူ ၁၇ ဦးရှိကြောင်း ပြည်နယ်ကျန်းမာရေးကော်မရှင်က ယနေ့မတ် ၁၀ ရက်တွင်ပြောကြားခဲ့သည်။
လူနာသစ် အားလုံးမှာ ရောဂါအဓိကဖြစ်ပွားရာ ဝူဟန့်မြို့မှ ဖြစ်ကြောင်း နှင့် လက်ရှိအချိန်ထိ ဟူပေပြည်နယ်တွင် ရောဂါကူးစက်ခံရသူ စုစုပေါင်း ၆၇,၇၆၀ ဦးရှိပြီး သေဆုံးသူ ၃,၀၂၄ ဦးရှိကြောင်း သိရသည်။ဝူဟန့်မြို့၌ မတ် ၉ ရက်တွင် သေဆုံးသူ ၁၆ ဦးရှိခဲ့ပြီး ယင်းမြို့၌ လက်ရှိအချိန်ထိ အတည်ပြုလူနာ စုစုပေါင်း ၄၉,၉၆၅ ဦး နှင့် သေဆုံးသူ ၂,၄၀၄ ဦးရှိခဲ့သည်။
ဟူပေပြည်နယ်၌ မတ် ၉ ရက်တွင် ဆေးရုံမှ ဆင်းခွင့်ရသည့် လူနာပေါင်း ၁,၁၅၂ ဦးရှိပြီး လက်ရှိအချိန်အထိ ပြည်နယ်အတွင်းရောဂါသက်သာပျောက်ကင်း၍ ဆေးရုံဆင်းခွင့်ရသည့် လူနာအရေအတွက်စုစုပေါင်း ၄၇,၅၈၅ ဦးရှိပြီဖြစ်ကြောင်း ကော်မရှင်က ဆိုသည်။ဆေးရုံတက်ရောက်ကုသမှုခံယူနေသောလူနာပေါင်း ၁၄,၉၅၇ ဦးအနက် ၃,၈၅၅ ဦးမှာ ရောဂါပြင်းထန်မှုအခြေအနေတွင် ဆက်လက်ရှိနေကြောင်း နှင့် အခြား ၈၄၆ ဦးမှာ စိုးရိမ်ဖွယ် အခြေအနေတွင် ရှိနေကြောင်း သိရသည်။(Xinhua)
