Culture & Entertainment
ရွှေတိဂုံ စေတီတော် မော်ကွန်းတင် ဓာတ်ပုံပြိုင်ပွဲ ကျင်းပမည်
ရန်ကုန်၊ ဖေဖော်ဝါရီ ၁ ရက် (ဆင်ဟွာ)
လေးဆူဓာတ်ပုံ ရွှေတိဂုံ စေတီတော်မြတ်ကြီး ၏ မြင်ကွင်းဓာတ်ပုံ များကို သက်ဆိုင်ရာမှ မှတ်တမ်းတင် သိမ်းဆည်း ထားရန်နှင့် ဘုရားဖူးလာသူများ ဖူးမြော်နိုင်စေရန် ရွှေတိဂုံ စေတီတော် မော်ကွန်းတင် ဓာတ်ပုံပြိုင်ပွဲကို ယခုနှစ်အတွင်း ကျင်းပသွားမည် ဖြစ်ကြောင်း စေတီတော် ဂေါပကအဖွဲ့မှ တာဝန်ရှိသူတစ်ဦးကပြောသည်။
အဆိုပါ ဓာတ်ပုံပြိုင်ပွဲကို ကြည်ညိုဖွယ် အဖုံဖုံ မြတ်ရွှေတိဂုံ၊ အနုလက်ရာ ပန်းပူဇာ စသည့် ခေါင်းစဉ်များဖြင့် ကျင်းပမည် ဖြစ်ကြောင်း သိရသည်။
အလားတူ ဓာတ်ပုံပြိုင်ပွဲ မျိုးကို ၂ဝ၁၂ ခုနှစ် ကလည်း တစ်ကြိမ်ကျင်းပ ဖူးပြီး ယခုနှစ်တွင် မော်ကွန်းတင် ဓာတ်ပုံ ပြိုင်ပွဲအဖြစ် ပိုမိုကျယ်ပြန့်စွာ စီစဉ်ကျင်းပ ရခြင်းဖြစ်သည်။
ပြိုင်ပွဲတွင် ဆုကြေးငွေများ အဖြစ် ပထမဆု ငွေကျပ် ငါးသိန်း၊ ဒုတိယဆု ငွေကျပ် လေးသိန်း၊ တတိယဆု ငွေကျပ် သုံးသိန်း နှင့် နှစ်သိမ့်ဆု သုံးဆုကို တစ်ဆုလျှင် ငွေကျပ်တစ်သိန်းစီ ပေးအပ်ချီးမြှင့် သွားမည်ဖြစ်ကြောင်း၊ အဆိုပါ ဓာတ်ပုံပြိုင်ပွဲနှင့် ပတ်သက်၍ အသေးစိတ် သိရှိလိုပါက ရွှေတိဂုံစေတီတော် ဂေါပကအဖွဲ့ရုံး ဖုန်း ဝ၁- ၃၈၃၅၁၂ နှင့် ဝ၁- ၃၇၅၇၆၇ တို့သို့ ဆက်သွယ်မေးမြန်း နိုင်ကြောင်း သိရသည်။ (Xinhua)