Environment, Disasters & Accidents
ရေဘေးသင့်ပြည်သူများထံ ထောက်ပံ့ရေးလုပ်ငန်းများ ဆက်လက်ဆောင်ရွက်ပေးလျက်ရှိ
ရန်ကုန်၊ သြဂုတ် ၂၀ ရက် (ဆင်ဟွာ)
မြန်မာနိုင်ငံတွင်းရှိ တိုင်းဒေသကြီးနှင့် ပြည်နယ်အချို့တွင် ဇူလိုင်နှင့် သြဂုတ်လအတွင်း ရေကြီးရေလျှံမှုကြောင့် ရေဘေးသင့်ခဲ့ရသူများထံ ထောက်ပံ့ရေးလုပ်ငန်းများ ဆက်လပ်ဆောင်ရွက်ပေးနေကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
အဆိုပါ ရေဘေးသင့်ပြည်သူများအတွက် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှု ရန်ပုံငွေမှ ကျပ် သိန်း ၃၀၀၀နှင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ကျပ်သိန်း ၄၉၃၈.၀၅၉သိန်းထောက်ပံ့ပေးထားပြီး ထောက်ပံ့ရေးလုပ်ငန်းများအား ဆက်လက်ဆောင်ရွက်လျက်ရှိကြောင်း သိရသည်။
ဇူလိုင်နှင့် သြဂုတ်လအတွင်း ရေကြီးရေလျှံမှုကြောင့် ရေဘေးသင့်ပြည်သူများအတွက် ယာယီပြောင်းရွေ့နေထိုင်နိုင်ရန် ရေဘေးသင့်စခန်း ၃၇၆ခုဖွင့်လှစ်ခဲ့ရာ လက်ရှိတွင် ၃၃၈ခု ပိတ်သိမ်းခဲ့ပြီး ဖွင့်လှစ်ထားဆဲ ရေဘေးသင့်စခန်း ၃၈ခုတွင် လူဦးရေ ၁၅,၀၁၈ ဦး နေထိုင်လျက်ရှိကြောင်း သိရသည်။စစ်ကိုင်း တိုင်းဒေသကြီး၊ ဧရာဝတီတိုင်းဒေသကြီး၊ မွန်ပြည်နယ်၊ ကရင်ပြည်နယ်၊ တနင်္သာရီတိုင်းဒေသကြီး၊ မကွေးတိုင်းဒေသကြီးနှင့် ပဲခူးတိုင်းဒေသကြီး တို့တွင် ရေကြီးရေလျှံမှုများ ဖြစ်ပွားခဲ့ပြီး လူဦးရေ နှစ်သောင်းကျော် ရေဘေးသင့်နေကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရသိရသည်။(Xinhua)
