Environment, Disasters & Accidents
ဘင်္ဂလားပင်လယ်အော်အရှေ့ အလယ်ပိုင်းတွင် လေဖိအားနည်းရပ်ဝန်းတစ်ခု ဖြစ်ပေါ်
![ေလဖိအားနည္းရပ္ဝန္းျဖစ္ေပၚမႈျပေျမပံုအားေတြ႔ရစဥ္ (ဓာတ္ပံု--မိုးဇလ)](https://xinhuamyanmar.com/wp-content/uploads/2016/10/images_mm_2016_10_19q1.jpg)
ရန်ကုန်၊ အောက်တိုဘာ ၁၉ ရက် (ဆင်ဟွာ)
ယနေ့မြန်မာစံတော်ချိန် (၁၃း၃၀)နာရီအချိန်တိုင်းထွာချက်များအရ ဘင်္ဂလားပင်လယ်အော်အရှေ့ အလယ်ပိုင်းတွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း မိုးလေဝသ နှင့် ဇလဗေဒညွှန်ကြားမှုဦးစီး ဌာနမှ သတင်းထုတ်ပြန်သည်။
ဘင်္ဂလားပင်လယ်အော်အခြေအနေမှာ ဘင်္ဂလားပင်လယ်အော်မြောက်ပိုင်းနှင့် အရှေ့အလယ်ပိုင်းတို့တွင် တိမ်အသင့်အတင့် ဖြစ်ထွန်းနေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။
ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီး တွင် နောက်(၂၄)နာရီအတွင်း
နေရာကျဲကျဲ မိုးထစ်ချုန်းရွာနိုင်ကြောင်း၊ ရေပြင်လေ အနေဖြင့် အရှေ့ (သို့) အရှေ့မြောက် တစ်နာရီပင်လယ်မိုင် (၁၀ – ၁၅)မိုင်၊ တစ်ခါတစ်ရံ (၂၅)မိုင် အထိ
တိုက်ခတ်နိုင်ကြောင်း၊ လှိုင်းအသင့်အတင့်ရှိမည်ဖြစ်ကြောင်း မိုးဇလ၏ ထုတ်ပြန်ချက်ထဲတွင် ပါရှိသည်။ (Xinhua)