Environment, Disasters & Accidents
ဧရာဝတီတိုင်းဒေသကြီး၊ ပုသိမ်မြို့နယ်၌ တောဆင်ရိုင်း ၁ ကောင် ဝင်ရောက်ဖျက်ဆီးမှုဖြစ်ပွား
ရန်ကုန်၊ ဇန်နဝါရီ ၂၀ ရက် (ဆင်ဟွာ)
ဧရာဝတီတိုင်းဒေသကြီး၊ ပုသိမ်မြို့နယ်၌ တောဆင်ရိုင်း ၁ ကောင် ဝင်ရောက်ဖျက်ဆီးမှုဖြစ်ပွားခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။
ဖြစ်စဉ်မှာ ၂၀၁၉ခုနှစ်၊ ဇန်နဝါရီ ၁၈ ရက်၂၃း၁၀နာရီ တွင် ဧရာဝတီတိုင်းဒေသကြီး၊ ပုသိမ်မြို့နယ်၊ ကွမ်းချောင်းကျေးရွာ အနောက်ဘက် ၂ ဖာလုံခန့်အကွာ ဒေသအခေါ်ကမ်းပါကြီးကျေးရွာရှိ ဦးအေးဝင်း(၅၄)နှစ်၊ (ဘ) ဦးမောင်အေး၏ နေအိမ်တဲအား တောဆင်ရိုင်း ၁ ကောင်မှ ဝင်ရောက်ဖျက်ဆီးခဲ့ခြင်းဖြစ်သည်။
တောဆင်ရိုင်း ဖျက်ဆီးမှုကြောင့် နေအိမ်တဲ နှင့်စိုက်ပျိုးရေးသုံးပစ္စည်းများပျက်စီးခဲ့ပြီး အဆိုပါတဲအနီး၌ ငှက်ပျောပင်များ ချိုးသံကြားသဖြင့် သက်ဆိုင်ရာတာဝန်ရှိသူများမှ ခြောက်လှန့် မောင်း ထုတ်ခဲ့ရာ ဇန်နဝါရီလ ၁၉ ရက ၀၃း၄၀နာရီ တွင် ပုသိမ်မြို့နယ်၊ မြင်းကကွင်းအုပ်စု ကြက်သောင်း ချောင်းတောင်ပေါ်သို့ ၎င်းတောဆင်ရိုင်းမှာ ပြန်လည်တက်သွားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)