၂၀၂၃-၂၀၂၄ ဘဏ္ဍာနှစ် ပထမသုံးလပတ်တွင် မြန်မာနိုင်ငံမှ ပဲနှင့် ပဲမျိုးစုံ တန်ချိန် ၄၂၀,၀၀၀ ကျော် တင်ပို့

ရန်ကုန်၊ ဇူလိုင် ၁၆ ရက် (ဆင်ဟွာ)

၂၀၂၃-၂၀၂၄ ဘဏ္ဍာနှစ် ပထမသုံးလပတ်တွင် မြန်မာနိုင်ငံမှ ပဲမျိုးစုံနှင့် ပဲမျိုးစုံ တန်ချိန် ၄၂၄,၁၈၇.၇၀၇ တန် တင်ပို့နိုင်ခဲ့ကြောင်း မြန်မာနိုင်ငံပဲမျိုးစုံ၊ ပြောင်း နှင့် နှမ်း ကုန်သည်များအသင်းမှ အကြံပေး ဦးစိုးဝင်းမောင်က ဆင်ဟွာသို့ ပြောသည်။

၂၀၂၃ ခုနှစ် ဧပြီလ ၁ ရက်မှ ဇွန် ၃၀ ရက်အထိ မြန်မာ့ပဲနှင့် ပဲမျိုးစုံကို ပင်လယ်ရေကြောင်းလမ်းမှတစ်ဆင့် ၃၆၉,၂၃၇.၆၆၉ တန် ကုန်သွယ်မှုပြုလုပ်ခဲ့ပြီး နယ်စပ်မှတစ်ဆင့် ပဲနှင့် ပဲမျိုးစုံ တန်ချိန် ၅၄,၉၅၀.၀၃၈ တန် တင်ပို့ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ထုတ်ပြန်ချက်အရ သိရသည်။

၂၀၂၃-၂၀၂၄ ဘဏ္ဍာနှစ် ပထမသုံးလပတ်တွင် မြန်မာနိုင်ငံမှ ပဲနှင့် ပဲမျိုးစုံ တင်ပို့မှုမှာ ယခင်နှစ် အလားတူကာလနှင့် နှိုင်းယှဉ်ပါက ကျဆင်းခဲ့ကြောင်း သိရသည်။ မြန်မာနိုင်ငံသည် ၂၀၂၂-၂၀၂၃ ဘဏ္ဍာနှစ် ပထမသုံးလပတ်တွင် ပဲနှင့် ပဲမျိုးစုံ ၄၈၉,၉၈၅.၂၂၅ တန် တင်ပို့နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ စာရင်းများအရ သိရသည်။

ပဲနှင့် ပဲမျိုးစုံသည် မြန်မာနိုင်ငံတွင် ဆန်စပါးပြီးလျှင် ဒုတိယ စိုက်ပျိုးမှု အများဆုံး သီးနှံဖြစ်ပြီး နိုင်ငံ၏ စုစုပေါင်း လယ်ယာထွက်ပစ္စည်းထွက်ရှိမှု၏ ၃၃ ရာခိုင်နှုန်း ရှိကြောင်း သိရသည်။

ဦးစိုးဝင်းမောင်က “မြန်မာနိုင်ငံ ပဲနဲ့ ပဲမျိုးစုံကို တရုတ်နိုင်ငံ၊ အိန္ဒိယနိုင်ငံနဲ့ ဥရောပနိုင်ငံတွေကို အများဆုံးတင်ပို့နေရပါတယ်” ဟု ပြောသည်။ (Xinhua)