Environment, Disasters & Accidents
မြန်မာနိုင်ငံ လှိုင်မြစ်အတွင်း သမ္ဗန်တိမ်းမှောက်မှုကြောင့် လူ ၈ ဦး ပျောက်ဆုံး
ရန်ကုန်၊ ဇူလိုင် ၁၀ ရက် (ဆင်ဟွာ)
မြန်မာနိုင်ငံ၊ ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဈေးကလေးရပ်ကွက်၊ ရန်ကုန်မြစ်အတွင်း၊ ဗားကရာဆိပ်ကမ်းမှ ရေမိုင် (၅) ဖာလုံခန့်အကွာတွင် လှိုင်မြစ်အတွင်း ယနေ့ (ဇူလိုင် ၁၀ ရက်) နံနက်ပိုင်း တွင် သမ္ဗန်တစ်စင်းတိမ်းမှောက်မှုကြောင့် လူ ၈ ဦး ပျောက်ဆုံးနေဆဲ ဖြစ်ကြောင်း ကယ်ဆယ်ရေးဆောင်ရွက်နေသူများထံမှ စုံစမ်းသိရှိရသည်။
အဆိုပါသမ္ဗန်တစ်စင်းသည် ရပ်ထားသောတွဲသင်္ဘောတစ်စင်းကို တိုက်မိပြီး တိမ်းမှောက်ခဲ့ကာ သမ္ဗန်ပေါ်ပါ ခရီးသည် ၁၆ ဦးအနက် ကျောင်းသား ၃ ဦးအပါအဝင် ၈ ဦးပျောက်ဆုံးနေကြောင်း ရောင်စဉ်မဲ့လူမှုကယ်ဆယ်ရေးအသင်းမှ တာဝန်ရှိသူတစ်ဦးက ဆင်ဟွာသို့ပြောသည်။
“ဆိပ်ကြီးခနောင်တိုကနေ ဗားကရာဘက်ကို ကူးလာရင်း တိုက်မိတာ၊ ၁၆ယောက်ပါတယ် အဲဒီသမ္မန်ပေါ် ၈ ယောက် ကယ်ထားနိုင်တယ် ၊ ကျောင်းသားလေးအချို့တော့ ပြန်ကယ်နိုင်တယ်၊ ၈ယောက်ပျောက်နေတယ်၊ အဲဒီထဲ ကျောင်းသားတွေပါတယ်” ဟု ၎င်းကဆိုသည်။
လက်ရှိအချိန်အထိ မြန်မာနိုင်ငံ မီးသတ်တပ်ဖွဲ့ နှင့် ပရဟိတအသင်းအချို့မှ ကယ်ဆယ်ရေးလုပ်ငန်းများဆောင်ရွက်နေလျရှိကြောင်း သိရသည်။ (Xinhua)
